Ind Vs Pak: ଅର୍ଶଦୀପ ଖୋଳିଲେ ପାକିସ୍ତାନର କବର, ବାବର-ରିଜୱାନ କ୍ରିଜକୁ ଆସିଲେ ଓ ଗଲେ

T20 World Cup 2022, Ind Vs Pak: ପାକିସ୍ତାନ ଏହାର ଦୁଇ ବ୍ୟାଟ୍ସମ୍ୟାନଙ୍କ ପାଇଁ ଗର୍ବିତ ଥିଲା, ଯେଉଁମାନଙ୍କ ସହିତ ସମସ୍ତ ଆଶା ଯୋଡି ହୋଇଥିଲା, ସେହି ଆଶା ଆଜି ମଉଳିଯାଇଛି ଏବଂ ପାକିସ୍ତାନର ଏହି ପତନର କାରଣ ହୋଇଛନ୍ତି ଭାରତର ଅର୍ଶଦୀପ ସିଂ ।

T20 World Cup 2022: ଭାରତ ଓ ପାକିସ୍ତାନ (India Vs Pakistan) ମଧ୍ୟରେ ହାଇ ଭୋଲଟେଜ ମ୍ୟାଚ୍ ଆଜି ମେଲବୋର୍ଣ୍ଣ ଗ୍ରାଉଣ୍ଡରେ (Melbourne ground) ଏକ ଧମାକାଦାର ଶୈଳୀରେ ଆରମ୍ଭ ହୋଇଛି । ଟସ୍ ଜିତିବା ପରେ ଭାରତୀୟ ଅଧିନାୟକ ରୋହିତ ଶର୍ମା (Rohit Sharma) ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ । ଏହାପରେ ତାଙ୍କ ନିଷ୍ପତ୍ତି ଭାରତୀୟ ଦଳ ପାଇଁ ପ୍ରଭାବଶାଳୀ ହୋଇଥିଲା ଅର୍ଥାତ୍ ସର୍ଦ୍ଦାର ଅର୍ଶଦୀପ ସିଂଙ୍କ (Arshdeep Singh) ଦ୍ୱାରା ଏହା କାର୍ଯ୍ୟକାରୀ ହୋଇଥିଲା । ଭୁବନେଶ୍ୱର କୁମାର ଭାରତ ତରଫରୁ ଭଲ ବୋଲିଂ ଆରମ୍ଭ କରିଥିଲେ । ସେ ମଧ୍ୟ ନିଜ ସ୍ୱଇଙ୍ଗ ମଧ୍ୟ ଦେଖାଇଥିଲେ । କିନ୍ତୁ ଅର୍ଶଦୀପ ଯେଉଁ ପ୍ରକାର ଘାତକ ବୋଲିଂ କରିଥିଲେ, ତାହା ପାକିସ୍ତାନ ପାଇଁ ଏକ କବର ଖୋଳିବା ପାଇଁ କାର୍ଯ୍ୟ କରିଥିଲା । ସେ ପ୍ରଥମେ ବାବର ଆଜାମ (Babar Azam) ଓ ପରେ ମହମ୍ମଦ ରିଜୱାନଙ୍କୁ (Mohammad Rizwan) ମାତ୍ର ୧୨ ବଲ ବ୍ୟବଧାନରେ ପ୍ୟାଭିଲେନକୁ ପଠାଇଥିଲେ । ଏହି ବ୍ୟାଟ୍ସମ୍ୟାନ ମାନେ କେତେବେଳେ କ୍ରିଜକୁ ଆସି ଚାଲିଯାଇଥିଲେ ତାହା ଜଣା ପଡି ନଥିଲା ।

ପାକିସ୍ତାନ ନିଜର ଏହି ଦୁଇ ବ୍ୟାଟ୍ସମ୍ୟାନଙ୍କ ପାଇଁ ଗର୍ବିତ ଥିଲା, ଯେଉଁମାନଙ୍କ ଉପରେ ଦେଶର ସମସ୍ତ ଆଶା ଯୋଡି ହୋଇଥିଲା, ସେହି ସମାନ ଆଶା ଆଜି ମଉଳି ଯାଇଛି ଓ ପାକିସ୍ତାନର ଏହି ପତନର କାରଣ ହୋଇଛନ୍ତି ଭାରତର ଅର୍ଶଦୀପ ସିଂ । ଟି-୨୦ ବିଶ୍ୱକପ ୨୦୨୨ ଆରମ୍ଭ ହେବା ପୂର୍ବରୁ ମଧ୍ୟ ଅର୍ଶଦୀପଙ୍କ ବୋଲିଂକୁ ଅନେକ ଚର୍ଚ୍ଚା ହୋଇଥିଲା । ଏବଂ ପାକିସ୍ତାନ ବିପକ୍ଷ ଟି-୨୦ ବିଶ୍ୱକପ୍‌ର ପ୍ରଥମ ମ୍ୟାଚ୍‌ରେ ଖେଳ ଆରମ୍ଭ ହେବା ପୂର୍ବରୁ କାହିଁକି ତାଙ୍କ ଏତେ ଚର୍ଚ୍ଚା ହେଉଥିଲା ଏହା ଆଜି ସ୍ପଷ୍ଟ ବାରିହେଉଛି ।

ଟି-୨୦ ବିଶ୍ୱକପ ଇତିହାସରେ ପକାଯାଇଥିବା ପ୍ରଥମ ବଲରେ ପାକିସ୍ତାନ ଅଧିନାୟକ ବାବର ଆଜାମଙ୍କ ବଡ ୱିକେଟ୍ ଅର୍ଶଦୀପ ସିଂ ନେଇଥିଲେ । ସେ ବାବରଙ୍କୁ LBW ଦ୍ୱାରା ଏକ ଗୋଲଡେନ ଡକରେ ଆଉଟ କରିଥିଲେ ।

ଏହିପରି ଭାବରେ ଅର୍ଶଦୀପ ସିଂ ନିଜର ପ୍ରଥମ ଟି-୨୦ ବିଶ୍ୱକପର ପ୍ରଥମ ୨ ଓଭରରେ ଉଭୟ ବାବର ଓ ରିଜୱାନଙ୍କୁ ପ୍ୟାଭିଲେନେକୁ ପଠାଇଥିଲେ । ପାକିସ୍ତାନର ଏହି ଦୁଇ ବଡ ବ୍ୟାଟ୍ସମ୍ୟାନ୍ ଅର୍ଶଦୀପଙ୍କ ବୋଲିଂ ବିଷୟରେ ପୂର୍ବରୁ ମଧ୍ୟ ଜାଣି ନଥିଲେ । ଆର୍ଶଦୀପଙ୍କ ପ୍ରଭାବଶାଳୀ ବୋଲିଂ ଆଗରେ ସଂଘର୍ଷ କରି ପାକିସ୍ତାନର ଏହି ଦୁଇ ଧୁରନ୍ଦର ଅସହାୟ ହୋଇପଡିଥିଲେ ।