Adipurush : ରାମ ଭୂମିକାରେ ନଜର ଆସିବେ ପ୍ରଭାସ ,ଜାଣନ୍ତୁ ଫିଲ୍ମର ରିଲିଜ୍ ଡେଟ

Adipurush: ସାଉଥ ସୁପରଷ୍ଟାର ପ୍ରଭାସଙ୍କ ଅଭିନୀତ ଫିଲ୍ମ "ଆଦିପୁରୁଷ"(Adipurush)। ଫିଲ୍ମଟିର ପୋଷ୍ଟର ଆଜି ରିଲିଜ ହୋଇଛି । ଫିଲ୍ମରେ ପ୍ରଭାସଙ୍କୁ ରାମ ଭୂମିକାରେ ଦେଖିବାକୁ ମିଳିବ ।

Adipurush: ସାଉଥ ସୁପରଷ୍ଟାର ପ୍ରଭାସଙ୍କ ଅଭିନୀତ ଫିଲ୍ମ "ଆଦିପୁରୁଷ"(Adipurush)। ଫିଲ୍ମଟିର ପୋଷ୍ଟର ଆଜି ରିଲିଜ ହୋଇଛି । ପୋଷ୍ଟରରେ ପ୍ରଭାସଙ୍କୁ ଏକ ଦମଦାର ଭୂମିକାରେ ଦେଖିବାକୁ ମିଳିଛି । ଫିଲ୍ମର ପୋଷ୍ଟରରେ ପ୍ରଭାସଙ୍କୁ ରାମ ଭୂମିକାରେ ଦେଖିବାକୁ ମିଳିଛି।  ପ୍ରଭାସ ମଧ୍ୟ ନିଜ ଟ୍ବିଟର ହ୍ୟାଣ୍ତେଲରେ ତାଙ୍କର ଏହି ପୋଷ୍ଟରଟିକୁ ସେୟାର କରିଛନ୍ତି । ଯେଉଁଥିରେ ତାଙ୍କ ପ୍ରଶଂସକଙ୍କ ଢେରସାରା କମେଣ୍ଟ ମଧ୍ୟ ଆସିଛି। ଫିଲ୍ମଟିର ରିଲିଜ୍ ଡେଟ୍ କୁ ଉତ୍ସାହର ସହ ଅପେକ୍ଷା କରିଛନ୍ତି ପ୍ରଶଂସକ । ଆଦିପୁରୁଷ ନିର୍ଦ୍ଦେଶକ ଓମ ରାଉତ ଟ୍ୱିଟରକୁ ଯାଇ ଫିଲ୍ମର ଟିଜରର ରିଲିଜ ଘୋଷଣା କରି ଲେଖିଛନ୍ତି, “ଆରମ୍ଭ..ଆମର ଯାଦୁକରୀ ଯାତ୍ରା ଆରମ୍ଭର ଏକ ଅଂଶ ହୁଅ, ଉତ୍ତରପ୍ରଦେଶର ଅଯୋଧ୍ୟାରେ ସାରୁ ନଦୀ କୂଳରେ । ଫିଲ୍ମର ପ୍ରଥମ ପୋଷ୍ଟର ଏବଂ ଟିଜର ଅକ୍ଟୋବର ୨ରେ ସନ୍ଧ୍ୟା ୭.୧୧ ରେ ମୁକ୍ତିଲାଭ କରିବ। ଏହି ଫିଲ୍ମ ୧୨ ଜାନୁୟାରୀ ୨୦୨୩ରେ ରିଲିଜ୍‌ ହେବ। ଓମ ରାଉତ ତାଙ୍କ ଟ୍ୱିଟରେ ଫିଲ୍ମର ପାଞ୍ଚଟି ପୋଷ୍ଟର ମଧ୍ୟ ସେୟାର କରିଛନ୍ତି। ସୋସିଆଲ ମିଡିଆ ୟୁଜର୍ସମାନେ ଫିଲ୍ମର ପୋଷ୍ଟକୁ ବହୁତ ପସନ୍ଦ କରୁଛନ୍ତି । 

ଆଦିପୁରୁଷ (Adipurush) ଏକ ପୌରାଣିକ ଫିଲ୍ମ । ଯାହା ରାମାୟଣ ଉପରେ ଆଧାରିତ।  ଫିଲ୍ମରେ ରାମ ଭୂମିକାରେ ନଜର ଆସିବେ ପ୍ରଭାସ।  ଅଭିନେତ୍ରୀ କିର୍ତ୍ତୀ ସାନନ୍ (Kriti Sanon) ସୀତା ମାତା ଭୂମିକାରେ ଅଭିନୟ କରିଛନ୍ତି। ଫିଲ୍ମରେ ସେଫ୍ ଅଲ୍ଲୀ ଖାନ୍ (Saif Ali Khan) ଓ ସନ୍ନି ସିଂ(Sunny Singh) ମଧ୍ୟ ନଜର ଆସିବେ। ସେଫ୍ ରାବଣ ଭୂମିକାରେ ଏ ଫିଲ୍ମରେ ଅଭିନୟ କରିଥିବା ବେଳେ ସନ୍ନି ସିଂ ଲକ୍ଷ୍ମଣ ଭୂମିକାରେ ରହିଛନ୍ତି । ଫିଲ୍ମଟି ଆସନ୍ତା ବର୍ଷ ଜାନୁଆରୀ ୧୨ ତାରିଖରେ ପରଦାକୁ ଆସିବ। ଫିଲ୍ମର ବଜେଟ ରହିଛି ୫୦୦ କୋଟି।  ଆଦିପୁରୁଷ ଏକ ପାନ ଇଣ୍ଡିଆ ଚଳଚ୍ଚିତ୍ର ଏବଂ ହିନ୍ଦୀ ବ୍ୟତୀତ ଏହା ଦକ୍ଷିଣର କେତେକ ଭାଷାରେ ମଧ୍ୟ ରିଲିଜ ହେବ ।

ଏହାବି ପଢନ୍ତୁ : Bollywood News : ଅଲଗା ହେବେ କି ପାଓ୍ବାରଫୁଲ କପୁଲ ଦୀପିକା ରଣବୀର ? ମୁହଁ ଖୋଲିଲେ ଅଭିନେତା

ଚଳିତ ବର୍ଷ ପ୍ରଭାସଙ୍କ ଫିଲ୍ମ ରାଧେଶ୍ୟାମ (Radhe Shyam) ପରଦାକୁ ଆସିଥିଲା।  ଫିଲ୍ମଟି ମାର୍ଚ୍ଚ ୧୧ରେ ରିଲିଜ ହୋଇଥିଲା। ରୋମାଣ୍ଟିକ ମୁଭିରେ ପ୍ରଭାସଙ୍କ ସହ ନଜର ଆସିଥିଲେ (Pooja Hegde) ପୂଜା ହେଗଡେ। ଫିଲ୍ମଟି ହିନ୍ଦି ଓ ତେଲୁଗୁ ଭାଷାରେ ରିଲିଜ ହୋଇଥିଲା । ଫିଲ୍ମର ବଜେଟ ଥିଲା ୩୦୦-୩୫୦ କୋଟି । ଫିଲ୍ମଟି ବକ୍ସ ଅଫିସରେ ୧୫୧-୨୧୪ କୋଟି ବ୍ୟବସାୟ କରିଥିଲା।  ଫିଲ୍ମର ଲେଖକ ଓ ନିର୍ଦ୍ଦେଶକ ରହିଥିଲେ ରାଧାକ୍ରିଷ୍ଣ କୁମାର(Radha Krishna Kumar) ତେବେ, ପ୍ରଭାସଙ୍କ ଆଗାମୀ ଫିଲ୍ମ ଆଦିପୁରୁଷ ମଧ୍ୟ ବକ୍ସ ଅଫିସରେ ହିଟ କରିବ ବୋଲି ଆଶା ରଖିଛନ୍ତି ଫିଲ୍ମର ପୁରାଟିମ୍। ସେହିପରି ପ୍ରଭାସଙ୍କ ହାତରେ  ବର୍ତ୍ତମାନ ଅନେକ ବଡ ପ୍ରୋଜେକ୍ଟ ରହିଛି । ଆସନ୍ତା ବର୍ଷ  ୧୮ ସେପ୍ଟେମ୍ବରରେ ମଧ୍ୟ ପ୍ରଭାସଙ୍କ ଆଉ ଏକ ଫିଲ୍ମ  ସାଲାର (Salaar) ପରଦାକୁ ଆସିବ ।  ଏହି ଫିଲ୍ମଟିକୁ ମଧ୍ୟ ଦର୍ଶକ ବେଶ ଉତ୍ସାହର ସହକାରେ ଅପେକ୍ଷା କରିଛନ୍ତି।