Dream Girl 2: ହଲ୍କୁ ଆସିବା ପୂର୍ବରୁ ବଢ଼ୁଛି ଆୟୁଷ୍ମାନ ଖୁରାନାଙ୍କ ଫିଲ୍ମ Dream Girl 2 ର କ୍ରେଜ୍

Dream Girl 2 Advance Booking: ​​ଆୟୁଷ୍ମାନ ଖୁରାନା(Ayushman Khurana) ଏବଂ ଅନନ୍ୟା ପାଣ୍ଡେଙ୍କ(Ananya pandey) ଫିଲ୍ମ ଡ୍ରିମ୍ ଗାର୍ଲ-୨  ଅଗଷ୍ଟ ୨୫ରେ ମୁକ୍ତିଲାଭ କରିବାକୁ ଯାଉଛି। ଏହି ଚଳଚ୍ଚିତ୍ରକୁ ହିଟ୍ କରିବା ପାଇଁ ଏହି ଦୁଇ ତାରକା କ୍ରମାଗତ ଭାବରେ ଏହାର ପ୍ରମୋସନ୍ କରିବାରେ ଲାଗିଛନ୍ତି। ଫିଲ୍ମ ରିଲିଜ୍ ପାଇଁ ମାତ୍ର ୩ ଦିନ ବାକି ଥିବା ବେଳେ ଫିଲ୍ମର ଆଡଭାନ୍ସ ବୁକିଂ(Advance booking) ପ୍ରକ୍ରିୟା ଏବେଠୁ ଦର୍ଶକଙ୍କ ପାଇଁ ଖୋଲା ସରିଛି। ଆଜି ପ୍ରଥମ ଦିନରେ ଅନେକ ଲୋକ ଏହି ଫିଲ୍ମର ଟିକେଟ୍ ବୁକ୍ କରିଥିବା ଦେଖିବାକୁ ମିଳିଛି।

ଆୟୁଷ୍ମାନ ଖୁରାନାଙ୍କ କ୍ୟାରିୟର 'ଡ୍ରିମ୍ ଗାର୍ଲ 2' ଉପରେ ନିର୍ଭର କରେ। ଦୀର୍ଘ ସମୟ ଧରି ଅଭିନେତା ଗୋଟିଏ ବି ହିଟ୍ ଫିଲ୍ମ ଦେଇନାହାଁନ୍ତି । ଏଭଳି ପରିସ୍ଥିତିରେ ଯଦି ଏହି ଚଳଚ୍ଚିତ୍ରଟି ଫ୍ଲପ୍ ହୁଏ ତେବେ ସମସ୍ତଙ୍କୁ ଅନେକ କ୍ଷତି ସହିବାକୁ ପଡ଼ିପାରେ। ୨୦୧୯ ମସିହାରେ 'ଡ୍ରିମ୍ ଗାର୍ଲ' ପରେ ଆୟୁଷ୍ମାନ ଖୁରାନା ଅନେକ ଚଳଚ୍ଚିତ୍ରରେ ଅଭିନୟ କରିଥିଲେ, କିନ୍ତୁ 'ବାଲା' ବ୍ୟତୀତ ଅନ୍ୟ କୌଣସି ଚଳଚ୍ଚିତ୍ର ବକ୍ସ ଅଫିସରେ ଭଲ କଲେକ୍ସନ କରି ପାରିନଥିଲା।

'ଡ୍ରିମ୍ ଗାର୍ଲ ୨'ର ଆଡଭାନ୍ସ ବୁକିଂ ଭଲ ଆରମ୍ଭ ହୋଇଛି । ରିପୋର୍ଟ ଅନୁଯାୟୀ, ପ୍ରଥମ ଦିନରେ ସାରା ଦେଶରେ ଏହି ଚଳଚ୍ଚିତ୍ର ପାଇଁ ପ୍ରାୟ ୮ ହଜାର ୪୭୭ ଟିକେଟ୍ ବୁକ୍ ହୋଇଛି। ଯଦିଓ ଅଗ୍ରୀମ ବୁକିଂ ପାଇଁ ଆଉ କିଛି ଦିନ ଅଛି।