Rajinikanth and Amitabh Bachchan: ଦୀର୍ଘ ୩୨ ବର୍ଷ ପରେ ପରଦା ଉପରେ ଏକାଠି ନଜର ଆସିବେ ରଜନୀକାନ୍ତ ଓ ବିଗ୍ ବି

Rajinikanth and Amitabh Bachchan: ଜେଲରର ସଫଳତା ରଜନୀକାନ୍ତଙ୍କ ବିଗ୍ ଷ୍ଟାରଡମକୁ ପୁଣିଥରେ ପ୍ରମାଣିତ କରିଛି । ତେବେ ଖୁବଶୀଘ୍ର ବଡ଼ ପରଦାରେ ପୋଲିସ୍ ଅଧିକାରୀଙ୍କ ଭୂମିକାରେ ନଜର ଆସିବେ ଥଲାଇଭା ।

Rajinikanth and Amitabh Bachchan Movies: ଜେଲରର ସଫଳତା ପରେ ତାମିଲ ଫିଲ୍ମର ସୁପରଷ୍ଟାର ରଜନୀକାନ୍ତ (Rajinikanth) ନିଜର ଆଗାମୀ ଚଳଚ୍ଚିତ୍ର ପାଇଁ ଚର୍ଚ୍ଚାରେ ରହିଛନ୍ତି। ଜେଲରର ସଫଳତା ରଜନୀକାନ୍ତଙ୍କ ବିଗ୍ ଷ୍ଟାରଡମକୁ ପୁଣିଥରେ ପ୍ରମାଣିତ କରିଛି । ତେବେ ଖୁବଶୀଘ୍ର ବଡ଼ ପରଦାରେ ପୋଲିସ୍ ଅଧିକାରୀଙ୍କ ଭୂମିକାରେ ନଜର ଆସିବେ ଥଲାଇଭା । ରିପୋର୍ଟ ଅନୁଯାୟୀ, ମେଗାଷ୍ଟାର ରଜନୀକାନ୍ତଙ୍କ ଆଗାମୀ ଚଳଚ୍ଚିତ୍ର ‘ଥଲାଇଭା ୧୭୦’ ରିଲିଜ ହେବାକୁ ଯାଉଛି । ତେବେ ଏହା ମଧ୍ଯ ଶୁଣିବାକୁ ମିଳିଛି ଯେ, ଏହି ଫିଲ୍ମରେ ରଜନୀକାନ୍ତଙ୍କ ସହ ଅମିତାଭ ବଚ୍ଚନ (Amitabh Bachchan) ମଧ୍ୟ ନଜର ଆସିବେ ।

ସୂଚନା ଅନୁଯାୟୀ, ବର୍ଷେ କି ଦୁଇ ବର୍ଷ ନୁହେଁ ଦୀର୍ଘ ୩୨ ବର୍ଷ ପରେ ଏକାଠି ନଜର ଆସିବେ ରଜନୀକାନ୍ତ ଓ ଅମିତାଭ ବଚ୍ଚନ  (Rajinikanth and Amitabh Bachchan Movies) । ଏନେଇ ଦୁଇ ମୋଗାଷ୍ଟାରଙ୍କ ପୋଷ୍ଟର ମଧ୍ୟ ରିଲିଜ ହୋଇଛି । ପୂର୍ବରୁ ରଜନୀକାନ୍ତ ଓ ଅମିତାଭ ବଚ୍ଚନ ପ୍ରଥମ ଥର ପାଇଁ ୧୯୮୩ ମସିହାରେ ରିଲିଜ ହୋଇଥିବା ହିନ୍ଦୀ ଫିଲ୍ମ ‘ଅନ୍ଧା କାନୁନ’ (Andhaa Kaanoon) ଏକାଠି ନଜର ଆସିଥିଲେ । ଏହାପରେ ୧୯୯୧ ମସିହାରେ ‘ହମ’ରେ (Hum) ଉଭୟଙ୍କୁ ଶେଷ ଥର ପାଇଁ ଏକାଠି ଦେଖିବାକୁ ମିଳିଥିଲା । ରିଲିଜ ହୋଇଥିବା ‘ଥଲାଇଭା ୧୭୦’ ର ପୋଷ୍ଟରେ ଅମିତାଭ ବଚ୍ଚନଙ୍କ କଳା ଧଳା ରଙ୍ଗର ଫଟୋ ଥିବା ଦେଖିବାକୁ ମିଳିଛି । ଏଥିରେ ଲାଇକା ପ୍ରଡକସନ୍ସ ପକ୍ଷରୁ ଭାରତୀୟ ସିନେମାର ଶେହେନସା ଅମିତାଭ ବଚ୍ଚନଙ୍କୁ ‘ଥଲାଇଭା ୧୭୦’କୁ  (Thalaiva 170) ସ୍ବାଗତ କରୁଛି ବୋଲି ଲେଖାଯାଇଛି । ରଜନୀକାନ୍ତ ଓ ଅମିତାଭ ବଚ୍ଚନଙ୍କ ବ୍ୟତୀତ ଏଥି ସିନେମାରେ ତେଲୁଗୁ ଷ୍ଟାର ରାଣା ଡଗୁବାତୀ ଓ ମାଲାୟଲାମ ଷ୍ଟାର ଫହାଦ ଫାସିଲଙ୍କୁ ମଧ୍ୟ ଦେଖିବାକୁ ମିଳିବ।

ଏହା ବି ପଢନ୍ତୁ- Sridevi Death: ଶ୍ରୀଦେବୀଙ୍କ ମୃତ୍ୟୁର ୫ ବର୍ଷ ପରେ ମୁହଁ ଖୋଲିଲେ ବୋନି କପୁର, କହିଲେ ସେ...

ଏହା ବି ପଢନ୍ତୁ-Parineeti Chopra: ପରିଣୀତିଙ୍କ ରିସେପସନ ପୂର୍ବରୁ ଏହି ସୁନ୍ଦର ଉପହାର ଦେଲେ ଖିଲାଡ଼ି କୁମାର, ଦେଖନ୍ତୁ ଫଟୋ

ଗଣମାଧ୍ୟମ ରିପୋର୍ଟ ଅନୁଯାୟୀ , 'ଥଲାଇଭା ୧୭୦' ରେ ଅମିତାଭ ବଚ୍ଚନ ଭିଲେନ ଭୂମିକାରେ ନଜର ଆସିବେ । ଏହି ଫିଲ୍ମଟିର ନିର୍ଦ୍ଦେଶନା ଦାୟିତ୍ବ (TJ Gnanavel ) ଟିଜେ ଗଣୱାଲ ନେଇଛନ୍ତି । ସେହିପରି ଜେଲର ଫିଲ୍ମରେ ସଙ୍ଗୀତକାର ଥିବା ଧନୁସ୍ ମଧ୍ୟ ଏହି ଫିଲ୍ମର ସଙ୍ଗୀତ ନିର୍ଦ୍ଦେଶନା ଦେବେ। ତେବେ, ଅମିତାଭ ବଚ୍ଚନ (Amitabh Bachchan ) ବର୍ତ୍ତମାନ ଫିଲ୍ମ (Kalki 2898 AD) କଲକି ୨୮୯୮ ଏଡି଼ ସୁଟିଂରେ ବ୍ୟସ୍ତ ଅଛନ୍ତି।