Don 3: 'ଡନ୍ ୩'ରେ ରଣବୀର ସିଂ ମୁଖ୍ୟ ଭୂମିକାରେ ନଜର ଆସିବେ। କିଛି ଦର୍ଶକ ରଣବୀରଙ୍କୁ ସମର୍ଥନ କରୁଥିବା ବେଳେ ଆଉ କିଛି ରଣବୀରଙ୍କୁ ସମାଲୋଚନା କରୁଛନ୍ତି । କିଛି ଦର୍ଶକ କହିଛନ୍ତି ଯେ,ସେ ଅମିତାଭ ବଚ୍ଚନ ଏବଂ ଶାହରୁଖ ଖାନଙ୍କ ସ୍ଥାନ ନେଇ ପାରିବେ ନାହିଁ।
Trending Photos
13
12
5
10 "ସୌଜନ୍ୟ- ସୋସିଆଲ ମିଡ଼ିଆ")
Don 3: 'ଡନ୍ ୩'ରେ (Don 3) କିଙ୍ଗ ଖାନଙ୍କୁ (Shah Rukh Khan) ରିପ୍ଲେସ୍ କରିଛନ୍ତି ରଣବୀର ସିଂ। 'ଡନ୍ ୩'ରେ ରଣବୀର ସିଂ (Ranveer Singh) ମୁଖ୍ୟ ଭୂମିକାରେ ନଜର ଆସିବେ। 'ଡନ୍ ୩'ର ଟିଜର (Don 3) ରିଲିଜ୍ ହେବା ପରେ ସୋସିଆଲ ମିଡିଆରେ ଦର୍ଶକଙ୍କ ଭଳିକି ଭଳି କମେଣ୍ଟସ୍ ଆସିଛି । କିଛି ଦର୍ଶକ ରଣବୀରଙ୍କୁ ସମର୍ଥନ କରୁଥିବା ବେଳେ ଆଉ କିଛି ରଣବୀରଙ୍କୁ ସମାଲୋଚନା କରୁଛନ୍ତି । କିଛି ଦର୍ଶକ କହିଛନ୍ତି ଯେ,ସେ ଅମିତାଭ ବଚ୍ଚନ ଏବଂ ଶାହରୁଖ ଖାନଙ୍କ ସ୍ଥାନ ନେଇ ପାରିବେ ନାହିଁ। ଏହି ସମାଲୋଚନା ପରେ ବର୍ତ୍ତମାନ ରଣଭୀର ସିଂ ସୋସିଆଲ ମିଡିଆରେ ନିଜର ପ୍ରତିକ୍ରିୟା ଦେଇଛନ୍ତି। ରଣଭୀର ସିଂ କହିଛନ୍ତି ଯେ, 'ମଁ ମୋ ଚରିତ୍ରକୁ ନେଇ ବେଶ ତତ୍ପର। ଏବଂ ଏହାକୁ ମୁଁ ଠିକ୍ ଭାବରେ ନିଭେଇବି। '
Also Read: Rajinikanth fees in jaller: 'ଜେଲର'ପାଇଁ କେତେ କୋଟି ନେଇଛନ୍ତି ରଜନୀକାନ୍ତ?
ଇନଷ୍ଟାରେ ଏମିତି କିଛି ସେୟାର କଲେ ରଣବୀର:
ଅଭିନେତା ରଣଭୀର ସିଂ ଫିଲ୍ମକୁ ନେଇ ନିକଟରେ ଇନଷ୍ଟାଗ୍ରାମରେ ତାଙ୍କ ପିଲାଦିନର କିଛି ଫଟୋ ସହିତ ଏକ ଲମ୍ବା ପୋଷ୍ଟ ଲେଖିଛନ୍ତି। ଯେଉଁଥିରେ ରଣଭୀର ସିଂ ଲେଖିଛନ୍ତି- 'ଭଗବାନ! ମୁଁ ବହୁତ ଦିନ ଧରି ଏହା କରିବାକୁ ସ୍ୱପ୍ନ ଦେଖୁଥିଲି। ପିଲାଦିନରୁ ସମସ୍ତଙ୍କ ପରି ଏହି ସିନେମାକୁ ଭଲ ପାଉଥିଲେ, ଏହି ସିନେମା ଦେଖିଥିଲେ ପୂଜା, ଅମିତାଭ ବଚ୍ଚନ ଏବଂ ଶାହରୁଖ ଖାନ - ହିନ୍ଦୀ ସିନେମାର G.O.A.T । ବଡ ହୋଇ ମୁଁ ତାଙ୍କ ପରି ହେବାର ସ୍ୱପ୍ନ ଦେଖିଥିଲି, ଏହି ଲୋକମାନଙ୍କ ପାଇଁ ଆଜି ମୁଁ ଜଣେ ଅଭିନେତା ହୋଇଛି । '
ରଣଭୀର ସିଂ ଶାହାରୁଖ-ଅମିତାଭଙ୍କ ବିଷୟରେ ଏହା କହିଛନ୍ତି:
ରଣଭୀର ସିଂ ତାଙ୍କ ପୋଷ୍ଟରେ ଲେଖିଛନ୍ତି- ମୋ ଜୀବନରେ ତାଙ୍କର ଗୁରୁତ୍ବ ବହୁତ୍ ଅଧିକ । ତାହାକୁ କିଏ କମ୍ କରିପାରିବେ ନାହିଁ। ସେ ମୋତେ ସବୁବେଳେ ପ୍ରଭାବିତ କରି ଆସିଛନ୍ତି। ଜଣେ ଅଭିଜ୍ଞ ଅଭିନେତା ଭାବରେ ଆକୃଷ୍ଟ କରିଛନ୍ତି । ଏହାସହ ସେ ଆହୁରୀ ଲେଖିଛନ୍ତି ଯେ, 'ଡନ୍ ରାଜବଂଶର ଏକ ଅଂଶ ହୋଇଥିବାରୁ ମୁଁ ବହୁତ୍ ଗର୍ବିତ । ମୁଁ ଆଶା କରୁଛି ଯେ ଦର୍ଶକମାନେ ମୋତେ ଏକ ସୁଯୋଗ ଦେବେ ଏବଂ ମୋ ଚରିତ୍ର ଓ ଅଭିନୟକୁ ଭଲ ପାଇବେ। ମୋ ଉପରେ ବିଶ୍ୱାସ କରି ମୋତେ ଏହି ସମ୍ମାନ ପ୍ରଦାନ କରିଥିବାରୁ ଫରହାନ୍ ଏବଂ ରିତିଶଙ୍କୁ ଧନ୍ୟବାଦ । ମୁଁ ଆଶା କରୁଛି ଯେ,ମୁଁ ତୁମର ବିଶ୍ୱାସକୁ ବଞ୍ଚାଇ ପାରିବି।
ତେବେ,'ଡନ୍ ୩'ରେ କରୀନା କପୁର କି ପ୍ରିୟଙ୍କା ଚୋପ୍ରା ନଜର ଆସିବେନି। ତାଙ୍କ ସ୍ଥାନରେ କିଆରା ଆଡଭାନୀ ନଜର ଆସିବେ। ଏହା-ସହିତ ଏହି ଫିଲ୍ମରେ ଆଲିଆ ଭଟ୍ଟ ନଜର ଆସିବେ ବୋଲି ଚର୍ଚ୍ଚା ହେଉଛି। ରକୀ ଔର ରାନୀ କି ପ୍ରେମ କାହାନୀରେ ଆଲିଆ ଓ ରଣବୀରଙ୍କ କେମେଷ୍ଟ୍ରିକୁ ଖୁବ୍ ତାରିଫ କରିଥିଲେ କିଆରା। ଏପରିକି ରକି ଦୀପିକାଙ୍କ ନାଁ ମଧ୍ୟ ଏହି ତାଲିକାରେ ସାମିଲ ହୋଇଛି । ତେବେ, ପ୍ରକୃତରେ କିଏ ରଣବୀରଙ୍କ ନାୟିକା ସାଜିବେ ସେନେଇ କୌଣସି ସ୍ପଷ୍ଟ ସୂଚନା ମିଳି ନାହିଁ।
