'Kushi' ସୁଟିଂ ବେଳେ ସାମନ୍ଥା, ବିଜୟ ଆହତ: ରିପୋର୍ଟ

Samantha Vijay injured : ସୁଟିଂ ସେଟରେ ଆହତ ହୋଇଛନ୍ତି ସାଉଥ ଷ୍ଟାର୍ ସାମନ୍ଥା ରୁତ ପ୍ରଭୁ ଏବଂ ବିଜୟ ଦେବରକୋଣ୍ଡା। କାଶ୍ମୀରରେ ସୁଟିଂ କରୁଥିବା ସମୟରେ ସେମାନେ ଆହତ ହୋଇଥିବା ସୂଚନା ମିଳିଛି। ଗଣମାଧ୍ୟମ ରିପୋର୍ଟ ଅନୁଯାୟୀ, ଆହତ ହେବାପରେ ଦୁଇ ଜଣ ସେଲିବ୍ରିଟିଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଏବଂ ସେମାନଙ୍କୁ ପ୍ରଥମ ଚିକିତ୍ସା ପରେ ଡିସଚାର୍ଜ କରାଯାଇଛି। ମଲ୍ଟି ଲାଙ୍ଗୁଏଜ୍ ଫିଲ୍ମ 'Kushi'ର ସୁଟିଂ ପାଇଁ ସମନ୍ଥା ଓ ବିଜୟ ଏବେ କାଶ୍ମୀରରେ ଅଛନ୍ତି।

ମିଡିଆ ରିପୋର୍ଟ ଅନୁଯାୟୀ, ଆକ୍ସନ୍ ସିନର ସୁଟିଂ କରୁଥିବା ସମୟରେ ସାମନ୍ଥା ରୁତ ପ୍ରଭୁ ଏବଂ ବିଜୟ ଦେବରକୋଣ୍ଡା ଗୁରୁତର ଆହତ ହୋଇଥିଲେ। ଫଳରେ ଫିଲ୍ମ 'Kushi'ର ସୁଟିଂକୁ କିଛି ଘଣ୍ଟା ବନ୍ଦ କରିବାକୁ ପଡିଥିଲା। କାଶ୍ମୀରର ପହଲଗାମ ଅଞ୍ଚଳରେ ସାମନ୍ଥା ଏବଂ ବିଜୟ ଏକ ଷ୍ଟଣ୍ଟ ପ୍ରଦର୍ଶନ କରୁଥିଲେ ଯେଉଁଥିରେ ସେମାନେ ଆହତ ହୋଇଥିଲେ। ଏହି ସିନ୍ ଅତ୍ୟନ୍ତ କଠିନ ଥିଲା। ଉଭୟ ସେଲିବ୍ରିଟିଙ୍କୁ ଲିଡର ନଦୀର ଉଭୟ ପାର୍ଶ୍ୱରେ ବନ୍ଧା ହୋଇଥିବା ଦଉଡି ଉପରେ ଏକ ଗାଡି ଚଳାଇବାକୁ କୁହାଯାଇଥିଲା। କିନ୍ତୁ ଦୁର୍ଭାଗ୍ୟବଶତଃ ଅନିୟନ୍ତ୍ରୀତ ହୋଇ ଗାଡିଟି ଗଭୀର ନଦୀରେ ଖସିପଡି ଥିଲା। ଫଳରେ ଉଭୟଙ୍କ ପିଠିରେ ଆଘାତ ଲାଗିଛି ବୋଲି ଅଭିନେତାଙ୍କ ଜଣେ ନିକଟତର ଷ୍ଟାଫ୍ କହିଛନ୍ତି।

କ୍ରୁ ସଦସ୍ୟଙ୍କ ଅନୁଯାୟୀ, ଦୁର୍ଘଟଣା (Accident) ପରେ ସମନ୍ଥା ଓ ବିଜୟଙ୍କୁ ତୁରନ୍ତ ଡାଲ ହ୍ରଦ କୂଳରେ ଥିବା ହୋଟେଲକୁ ନିଆଯାଇଥିଲା। ଫିଜିଓଥେରାପିଷ୍ଟମାନଙ୍କୁ ଡକାଯାଇଥିଲା ଏବଂ ଥେରାପି ଚାଲିଛି। ସପ୍ତାହେ  ପୂର୍ବେ ଏହି ଘଟଣା ଘଟିଥିବା କୁହାଯାଉଛି। ତେବେ ଗତ ରବିବାର ଉଭୟେ ସୁଟିଂକୁ ଫେରିଛନ୍ତି। କଡା ସୁରକ୍ଷା ମଧ୍ୟରେ ସୁଟିଂ ଚାଲିଛି। କୌଣସି ବାହର ଲୋକଙ୍କୁ ସମନ୍ଥା (Samantha Ruth Prabhu)  ଓ ବିଜୟ (Vijay Deverakonda) ଙ୍କ ନିକଟକୁ ଛଡ଼ା ଯାଉନାହିଁ।

View this post on Instagram

A post shared by Vijay Deverakonda (@thedeverakonda)

କିଛି ଦିନ ପୂର୍ବରୁ, ଫିଲ୍ମ 'କୁଶି'ର ଟାଇଟଲ୍ ଟ୍ରାକର ଏକ ମ୍ୟୁଜିକ୍ ଭିଡିଓ ଟିଜର ରିଲିଜ ହୋଇଛି। 'କୁଶି' ବିଷୟରେ କହିଲେ, ଏହା ଏକ ରୋମାନ୍ସ-କମେଡି ଫିଲ୍ମ। ଚଳିତ ବର୍ଷ ବଡଦିନ ଅବସରରେ ଫିଲ୍ମ (Movie) ରିଲିଜ୍ ହେବ। ତେଲୁଗୁ ବ୍ୟତୀତ ତାମିଲ, କନ୍ନଡ ଏବଂ ମାଲାୟାଲମ ଭାଷାରେ 'କୁଶି' ମୁକ୍ତିଲାଭ କରିବାର କାର୍ଯ୍ୟକ୍ରମ ରହିଛି। ସାମନ୍ଥା ଏବଂ ବିଜୟ ଦେବରକୋଣ୍ଡା ୪ ବର୍ଷ ପରେ ଏକାଠି କାମ କରୁଛନ୍ତି। କୁଶି ପୂର୍ବରୁ ୨୦୧୮ର ମୁକ୍ତିଲାଭ କରିଥିବା 'Mahanti'ରେ ଉଭୟଙ୍କୁ ଦେଖିବାକୁ ମିଳିଥିଲା।