ଅଗଷ୍ଟ ୧୦ ତାରିଖରୁ ଆରମ୍ଭ ହେଉଛି 'ସାରେଗାମାପା'

Entertainment News: ବଛା ବଛା ପ୍ରତିଯୋଗୀ ବା ସଂଗୀତ ଉସ୍ତାଦଙ୍କ ଭିତରେ କିଏ ହେବ ଉସ୍ତାଦଙ୍କ ଉସ୍ତାଦ ତାହା ଦେଖିବାକୁ ବାକି ରହିଲା । ପ୍ରତିଯୋଗୀମାନେ ନିଜ ନିଜ ଭିତରେ ନିଜର ଗାୟକି ଓ ବିଭିନ୍ନ ମ୍ୟୁଜିକାଲ ଗେମ ମାଧ୍ୟମରେ ପ୍ରତିଦ୍ବନ୍ଦିତା କରିବେ ।

Entertainment News: ଓଡି଼ଶାର ନମ୍ବର ୧ ଚ୍ୟାନେଲ ଜୀ ସାର୍ଥକ ସବୁବେଳେ ଲୋକଙ୍କ ପସନ୍ଦକୁ ଗୁରୁତ୍ବ ଦେଇ ଆସୁଛି । ଦର୍ଶକେ ଦେଖିବାକୁ ଭଲ ପାଉଥିବା କାହାଣୀକୁ ଆଧାରିତ କରି ଅନେକ ଧାରାବାହିକ ସହିତ ମନୋରଞ୍ଜନ ଭିତ୍ତିକ କାର୍ଯ୍ୟକ୍ରମ ଦର୍ଶକଙ୍କୁ ଭେଟି ଦେଇଛି ଜୀ ସାର୍ଥକ । ଯେଉଁଥିରେ ଓଡିଆ ଜାତି ଓ ଓଡିଶାର ପ୍ରଥା ପରମ୍ପରାକୁ ଅତି ନିଖୁଣ ଭାବେ ଦେଖି ଦର୍ଶକେ ଉପଭୋଗ କରିପାରନ୍ତି । ଯାହାପାଇଁ ଚ୍ୟାନେଲକୁ ମିଳିଛି ଅଗଣିତ ଦର୍ଶକଙ୍କ ଦ୍ବାରା ଅଶେଷ ଭଲପାଇବା । ଏହି ଧାରାରେ ଦର୍ଶକଙ୍କ ପସନ୍ଦକୁ ଧ୍ୟାନରେ ରଖି ଖୁବ ଶୀଘ୍ର ଆସିବାକୁ ଯାଉଛି ତାର ନମ୍ବର ୧ ରୟାଲିଟି  ଶୋ  ‘ସାରେଗାମାପା ଉସ୍ତାଦଙ୍କ ଉସ୍ତାଦ୍’ । ବିଗତ ବର୍ଷର  ସାରେଗାମାପା ରିଆଲିଟି ଶୋ ର ଟପ୍ ୨୦ ଜଣ ସିଙ୍ଗର ଏହି ଶୋ ରେ ପ୍ରତିଯୋଗୀ ଭାବରେ ଭାଗ ନେବାକୁ ଯାଉଛନ୍ତି ଯାହାଙ୍କୁ ଆପଣ ଆଗରୁ ଶୋ ରେ ଦେଖିଛନ୍ତି ବା ଯାହାଙ୍କର ଗୀତରେ ଆପଣ ଆଗରୁ ଝୁମିଛନ୍ତି । ତେବେ ବଛା ବଛା ପ୍ରତିଯୋଗୀ ବା ସଂଗୀତ ଉସ୍ତାଦଙ୍କ ଭିତରେ କିଏ ହେବ ଉସ୍ତାଦଙ୍କ ଉସ୍ତାଦ ତାହା ଦେଖିବାକୁ ବାକି ରହିଲା । ପ୍ରତିଯୋଗୀମାନେ ନିଜ ନିଜ ଭିତରେ ନିଜର ଗାୟକି  ଓ ବିଭିନ୍ନ ମ୍ୟୁଜିକାଲ ଗେମ ମାଧ୍ୟମରେ  ପ୍ରତିଦ୍ବନ୍ଦିତା କରିବେ । 

ଏହି ଶୋ ରେ ଜଜ୍ ଭାବରେ ରହିଛନ୍ତି ଓଡ଼ିଶାର ପ୍ରସିଦ୍ଧ ସିଙ୍ଗର ଅସୀମା ପଣ୍ଡା,କୁଳଦୀପ ପଟ୍ଟନାୟକ, ଦୀପ୍ତିରେଖା ପାଢୀ ଓ କ୍ରିଷ୍ଣା ବେଉରା । ସବୁଠାରୁ ବଡ ରୋଚକ କଥା ଏହା ଯେ ଏହି ସୋ ରେ ଆଙ୍କର ବା ଉପସ୍ଥାପକ ଭାବରେ ରହିଛନ୍ତି ସମସ୍ତଙ୍କ ପ୍ରିୟର ହାସ୍ୟ ଅଭିନେତା ଅନୁଗୁଳିଆ ବଣ୍ଟି । ଯିଏ ଏହି ଶୋ ରେ ନିଜର ଲାଫଟର ଡୋଜ୍ ଦ୍ବାରା ଲଗାଇବେ ଏଣ୍ଟରଟେନମେଣ୍ଟର ତଡ଼କା ।

ଅଗଷ୍ଟ ୧୦ ତାରିଖରୁ ଟିଭି ପରଦାରେ ଶୁଭାରମ୍ଭ ହେବାକୁ ଯାଉଛି ନୂଆ ରିଆଲିଟି ଶୋ  ‘ସାରେଗାମାପା ଉସ୍ତାଦଙ୍କ ଉସ୍ତାଦ୍’ । ଯାହା ଦର୍ଶକଙ୍କୁ ନିଶ୍ଚୟ ପସନ୍ଦ ଆସିବ କାରଣ ଟପ୍ ଙ୍କ ମଧ୍ୟରୁ ଟପ୍ ବାଛିବା ହେଉଛି କାଠିକର ପାଠ । ତେବେ ମେକର୍ସଙ୍କ ପାଇଁ ଏହା ଯେତେ କଠିନ କାମ ହେଉନା କାହିଁକି କିନ୍ତୁ ଦର୍ଶକ ନିଶ୍ଚୟ ମନୋରଞ୍ଜନ ପାଇବେ ବୋଲି କହିଛନ୍ତି ଜୀ ସାର୍ଥକର ଚିଫ ଚ୍ୟାନେଲ ଅଫିସର ଶ୍ରୀ ପ୍ରତୀକ ସିଲ୍ । ଦେଖିବାକୁ ଭୁଲିବେନି ଅଗଷ୍ଟ ୧୦ ତାରିଖରୁ ‘ସାରେଗାମାପା ଉସ୍ତାଦଙ୍କ ଉସ୍ତାଦ୍’, ପ୍ରତ୍ୟେକ ଶନି - ରବି ରାତି ୯:୩୦ ରେ ।