 "ଶାହରୁଖ ଦେଲେ ଅକ୍ଷୟ କୁମାରଙ୍କ ଅଟୋଗ୍ରାଫ!")
ଆପଣ କେବେ ଏମିତି ଶୁଣିଛନ୍ତି କି ଯେ ଜଣେ କଳାକାର ନିଜ ପ୍ରଶଂସକଙ୍କୁ ଦେଇଛନ୍ତି ଅନ୍ୟ ଜଣେ କଳାକାରଙ୍କ ଅଟୋଗ୍ରାଫ ଅର୍ଥାତ ନିଜ ହସ୍ତାକ୍ଷର? ଅଜ୍ଞା 'ହଁ', ଏମିତି ଘଟଣା ଘଟିଯାଇଛି ହିନ୍ଦୀ ଚଳଚିତ୍ର ଜଗତର ପ୍ରସିଦ୍ଧ ତାରକା ତଥା କୋଟି ଜନ ମାନସର ସ୍ପନ୍ଦନ ଶାହାରୁଖ ଖାନଙ୍କ (Shahrukh khan) ସହିତ । ଘଟଣାଟି 1995 ମସିହାର, ଯେତେବେଳେ ରୂପେଲି ପରଦା ଉପରେ ଦିୱାନା ପରି ସୁପର ହିଟ ଫିଲ୍ମ କରି ଚହଳ ପକେଇ ଶାହରୁଖ ହେଇଯାଇଥଲେ ସହସ୍ର ଯୁବତୀଙ୍କ ହୃଦୟର ସମ୍ରାଟ ।
ଶାହାରୁଖ ଖାନ ଏହି ସମୟରେ ବିଦେଶକୁ ଏକ ଫିଲ୍ମର ଶୁଟିଂ ପାଇଁ ଯାଇଥିଲେ, ଫେରିଲା ବେଳକୁ ଏୟାର ପୋର୍ଟରେ ଖୁବ ତରତର ହୋଇ ଆଗକୁ ମାଡିଚାଲିଥିଲେ । କାରଣ ବିମାନ ଛାଡିବାର ସମୟ ହୋଇ ଯାଉଥିଲା । ହଠାତ ତାଙ୍କ ନଜର ପଡିଲା ଜଣେ ଯୁବତୀଙ୍କ ଉପରେ । ଯିଏ ଦୂରରୁ ହାତ ହଲେଇ ହଲେଇ ଇସାରା କରୁଥିଲେ ଟିକେ ରହିବା ପାଇଁ ଓ ସେ ଶାହାରୁଖ ଙ୍କର ନିକଟକୁ ଆସିବା ପାଇଁ ଚେଷ୍ଟା କରିଚାଲିଥିଲେ ।
ଶାହରୁଖ ପୁରା ଜାଣିପାରିଥିଲେ ସେ ଜଣେ ତାଙ୍କ ପ୍ରସଂଶକ । ତେଣୁ ଅପେକ୍ଷା କରିବାକୁ ଇଛା ଥିଲେ ବି ଏଣେ ସମୟ ହୋଇ ଯାଉଥିଲା । ତେଣୁ ସେ ଘଣ୍ଟାକୁ ଇସାରା କରି ସମୟ ନାହିଁ ବୋଲି ମଧ୍ୟ ଜଣେଇ ଦେଲେ । ଯୁବତୀ ଜଣଙ୍କ ଆଉ ଟିକିଏ ସମୟ ଅପେକ୍ଷା କରିବାକୁ ଇସାରା କରି ପୁଣି ଜୋରରେ ଚାଲିବା ଆରମ୍ଭ କଲେ ଓ ଶେଷରେ ଶାହରୁଖଙ୍କ ପାଖରେ ପହଂଚି ଯାଇଥିଲେ । ଖୁସିରେ ପାଗଳିନୀ ହୋଇଗଲେ ସେ ଯୁବତୀ ନିଜ ହୃଦୟର ସମ୍ରାଟଙ୍କୁ ନିଜ ସାମ୍ନା ରେ ପାଇ । ଆନନ୍ଦରେ ଗଦ ଗଦ ହୋଇ ନିଜ ଅଟୋଗ୍ରାଫ ବୁକ ଖୋଲି ଦେଇ ଅତି ଖୁସିରେ କହିପକେଇଲେ "ଆଇ ଲଭ ୟୁ ଅକ୍ଷୟ"... ଅକ୍ଷୟ ନାଁ ଶୁଣି ସେଇଠି ସ୍ତବ୍ଧ ହୋଇଗଲେ ଶାହାରୁଖ । ଯୁବତୀ ତାପରେ ଖୁସି ରେ କେତେକଣ କହିଯାଉଥିଲେ ଓ ମଝିରେ ମଝିରେ 'ଅକ୍ଷୟ " ହିଁ କହୁଥାନ୍ତି । ତେବେ ଶାହରୁଖ ନିଜ ନାଁ କହି ସେ ଯୁବତୀଙ୍କୁ ଦୁଃଖ ଦେବାକୁ ଚାହିଁନଥିଲେ
ଖାଲି ଏତିକି ନୁହେଁ ସେ ଯୁବତୀଙ୍କ ଅଟୋଗ୍ରାଫ ବୁକରେ ମଧ୍ୟ 'ଅକ୍ଷୟ କୁମାର ବୋଲି ଅଟୋଗ୍ରାଫ ଦେଇ ସିଧାସଳଖ ବୋର୍ଡିଂ ଆଡକୁ ଚାଲି ଯାଇଥିଲେ । ଏପଟେ ସେହି ଯୁବତୀ ପ୍ରଶଂସକ ହାତ ହଲେଇ ହଲେଇ ଫ୍ଲାଇଙ୍ଗ କିସ ଦେଇ ଚାଲୁଥିବାର ଦୃଶ୍ୟକୁବି ଉପଭୋଗ କରୁଥିଲେ ।
ଏପରି ବିରଳ ଘଟଣା ନିହାତି ଜଣେ ମଣିଷର ମଣିଷ ପଣିଆକୁ ଦର୍ଶାଇ ଦିଏ । ମୁଁ ଏଠି ନିଶ୍ଚୟ କହିବାକୁ ଚାହିଁବି ଯେ ପ୍ରଶଂସକଙ୍କ ହୃଦୟ ନ ଭାଙ୍ଗିବାକୁ ଯାଇ, ନିଜର ଦସ୍ତଖତ ନ କରିବା କେବଳ ଜଣେ ହୃଦୟବାନ ବ୍ୟକ୍ତି ହିଁ କରିପାରେ ।
ଏହା ବି ପଢ଼ନ୍ତୁ: ଏହି ୨ ଯୁବତୀଙ୍କ ପାଇଁ ବଦନାମ ଶାମି! ମେସେଜ ପଠାଇ କରୁଥିଲେ ଏହି ଜିଦ୍
)