Sonu Sood Apologises: ଟ୍ରେନରେ କିଛି ଏପରି ଭୁଲ୍ କଲେ ସୋନୁ ସୁଦ; ରାଗିଲା ରେଳବାଇ, ହାତଯୋଡି କ୍ଷମା ମାଗିଲେ ଅଭିନେତା

Sonu Sood Apologises To Railway: ଟ୍ରେନ୍ ଫାଟକ ନିକଟରେ ବସି ସୋନୁ ସୁଦ ଯାତ୍ରା କରୁଥିବାର ଏକ ଭିଡିଓ ଭାଇରାଲ ହେବାପରେ, ଉତ୍ତର ରେଳବାଇ ଅଭିନେତାଙ୍କୁ ଟ୍ୱିଟ୍ କରି ସମାଲୋଚନା କରିଥିଲା । ଯାହାପରେ ତାଙ୍କୁ କ୍ଷମା ମାଗିବାକୁ ପଡିଛି । ଜାଣନ୍ତୁ ପୂରା ମାମଲା ।

Sonu Sood Apologises To Northern Railway: ବଲିଉଡ୍ ଅଭିନେତା ସୋନୁ ସୁଦ (Sonu Sood) କେବଳ ଅଭିନୟ ପାଇଁ ନୁହେଁ ବରଂ ତାଙ୍କର ଦୟାଳୁ ଭାବ ପାଇଁ ସେ ସବୁାଆଡେ ଜଣାଶୁଣା । କିଛି ଦିନ ପୂର୍ବରୁ ସେ ନିଜେ ଏକ ଭିଡିଓ ସେୟାର କରିଥିଲେ, ଯେଉଁଥିରେ ସେ ଟ୍ରେନର ଫାଟକରେ ବସି ଯାତ୍ରା କରୁଥିବା ଦେଖିବାକୁ ମିଳିଥିଲା । ବର୍ତ୍ତମାନ ସୋନୁ ସୁଦଙ୍କ ଭିଡିଓ ଉପରେ ଉତ୍ତର ରେଳବାଇ (Northern Railway) ଏହାର ପ୍ରତିକ୍ରିୟା ଦେଇଛି । ଏହା ପରେ ସୋନୁ ସୋଦ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ହାତଯୋଡି କ୍ଷମା ମାଗିଛନ୍ତି ।

ଉତ୍ତର ରେଳବାଇର ଅଫିସିଆଲ୍ ଟ୍ୱିଟର ଆକାଉଣ୍ଟରେ ସୋନୁ ସୁଦଙ୍କ ଭିଡିଓ ରିଟ୍ୱିଟ କରି ଏଥିରେ ଲେଖାଥିଲା, 'ପ୍ରିୟ ସୋନୁ ସୁଦ, ଆପଣ ଦେଶ ତଥା ବିଶ୍ୱର ଲକ୍ଷ ଲକ୍ଷ ଲୋକଙ୍କ ପାଇଁ ଆଦର୍ଶ । ଟ୍ରେନର ଫୁଟବୋର୍ଡରେ ବସି ଯାତ୍ରା କରିବା ବିପଜ୍ଜନକ ଅଟେ । ଏହି ପ୍ରକାର ଭିଡିଓ ଆପଣଙ୍କ ପ୍ରଶଂସକଙ୍କୁ ଭୁଲ ବାର୍ତ୍ତା ଦେଇପାରେ । ଦୟାକରି ଏହା କରନ୍ତୁ ନାହିଁ । ଏକ ସୁଗମ ଓ ନିରାପଦ ଯାତ୍ରାର ଉପଭୋଗ କରନ୍ତୁ ।

प्रिय, @SonuSood

देश और दुनिया के लाखों लोगों के लिए आप एक आदर्श हैं। ट्रेन के पायदान पर बैठकर यात्रा करना खतरनाक है, इस प्रकार की वीडियो से आपके प्रशंसकों को गलत संदेश जा सकता है।

कृपया ऐसा न करें! सुगम एवं सुरक्षित यात्रा का आनंद उठाएं। https://t.co/lSMGdyJcMO

— Northern Railway (@RailwayNorthern) January 4, 2023

ରେଳବାଇର ଏହି ଟ୍ୱିଟକୁ ଜବାବ ଦେବାବେଳେ ସୋନୁ ସୁଦ କ୍ଷମା ମାଗିଛନ୍ତି । ସେ ଟ୍ୱିଟ୍ କରି କହିଛନ୍ତି, 'କ୍ଷମା ପ୍ରାର୍ଥା । ମୁଁ ବାସ ଏମିତି ବସି ଦେଖିବାକୁ ଚାହୁଁଥିଲି ଯେ, ସେହି ଲକ୍ଷ ଲକ୍ଷ ଗରିବ ଲୋକ କିପରି ଅନୁଭବ କରୁଥିବେ, ଯାହାର ଜୀବନ ଏବେବି ଟ୍ରେନର ଫାଟକରେ କଟୁଛି । ଧନ୍ଯବାଦ ଏହି ବାର୍ତ୍ତା ପାଇଁ ଓ ଦେଶର ରେଳ ବ୍ୟବସ୍ଥାରେ ଉନ୍ନତି ପାଇଁ ।'

ଏହା ଜଣା ଯେ ସୋନୁ ସୁଦ କୋରୋନା ଅବଧି ସମୟରେ ଅସହାୟ ଲୋକଙ୍କୁ ଅନେକ ସାହାଯ୍ୟ କରିଥିଲେ । ସେ ଲକଡାଉନ୍ ସମୟରେ ମୁମ୍ବାଇରେ ଫସି ରହିଥିବା ହଜାର ହଜାର ପ୍ରବାସୀ ଶ୍ରମିକଙ୍କୁ ନିରାପଦରେ ସେମାନଙ୍କ ଘରକୁ ପଠାଇଥିଲେ, ଯେଉଁଥିପାଇଁ ସେ ଲୋକଙ୍କ ଜୀବନରେ ଅସଲି ହିରୋ ପାଲଟି ଯାଇଥିଲେ । ନୂଆ ବର୍ଷ ଅବସରରେ ସୋନୁ ସୁଦ ଟ୍ୱିଟ୍ କରି ତାଙ୍କ ପ୍ରଶଂସକଙ୍କୁ ଅଭିନନ୍ଦନ ଜଣାଇଛନ୍ତି । ସେ ଟ୍ୱିଟ୍ କରି କହିଛନ୍ତି, 'ଗତ ଏକ ବର୍ଷ ମଧ୍ୟରେ ୧୦,୧୧୭ ଲୋକଙ୍କୁ ବଞ୍ଚାଇବାକୁ ଓ ସୁସ୍ଥ କରିବାକୁ ସକ୍ଷମ । ଯେଉଁମାନଙ୍କ ପାଖରେ ମୁଁ ପହଞ୍ଚି ପାରିଲି ନାହିଁ ସେମାନଙ୍କୁ କ୍ଷମା ମାଗୁଛି । ୨୦୨୩ ବର୍ଷ ଭଗବାନ ଆମକୁ ଆହୁରି ଭଲ କରିବାକୁ ଶକ୍ତି ଦିଅନ୍ତୁ । ନୂତନ ବର୍ଷ ପାଇଁ ହାର୍ଦ୍ଦିକ ଶୁଭେଚ୍ଛା ।'