Entertainment News: ସଙ୍ଗୀନ ଅଭିଯୋଗ! ଗିରଫ ହେଲେ ସାଉଥ୍ ଅଭିନେତ୍ରୀ ହେମା

Entertainment News: ହେମାଙ୍କ ନାଁର ଏକ ଗୁରୁତର ଅଭଯୋଗ ଜଗାଯିବା ସହ ତାଙ୍କୁ ଗିରଫ କରାଯାଇଛି। ସେ ଏକ ରେଭ୍ ପାର୍ଟିରେ ଯୋଗଦେଇଥିବା ଏବଂ ଡ୍ରଗ୍ସ କରୁଥିବା ଅଭିଯୋଗ ହୋଇଛି। ତେଲୁଗୁ ଅଭିନେତ୍ରୀ ହେମାଙ୍କ ନିକଟରେ ବେଙ୍ଗାଲୁରୁ ପୋଲିସ ପକ୍ଷରୁ ଏକ ନୋଟିସ ଜାରି କରାଯାଇଛି।

Entertainment News: ମନୋରଞ୍ଜନ ଜଗତରୁ ଏକ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଛି। ବର୍ତ୍ତମାନ ତେଲୁଗୁ ଫିଲ୍ମ ଇଣ୍ଡଷ୍ଟ୍ରୀର ଜଣେ ପ୍ରସିଦ୍ଧ ଅଭିନେତ୍ରୀ ହେମାଙ୍କୁ କ୍ରାଇମ ବ୍ରାଞ୍ଚ ଗିରଫ କରିଛି। ହେମାଙ୍କ ନାଁର ଏକ ଗୁରୁତର ଅଭଯୋଗ ଜଗାଯିବା ସହ ତାଙ୍କୁ ଗିରଫ କରାଯାଇଛି। ସେ ଏକ ରେଭ୍ ପାର୍ଟିରେ ଯୋଗଦେଇଥିବା ଏବଂ ଡ୍ରଗ୍ସ କରୁଥିବା ଅଭିଯୋଗ ହୋଇଛି। ତେଲୁଗୁ ଅଭିନେତ୍ରୀ ହେମାଙ୍କ ନିକଟରେ ବେଙ୍ଗାଲୁରୁ ପୋଲିସ ପକ୍ଷରୁ ଏକ ନୋଟିସ ଜାରି କରାଯାଇଛି। ତାଙ୍କ ବ୍ୟତୀତ ଏହି ମାମଲାରେ ଅନେକ ଲୋକଙ୍କୁ ନୋଟିସ୍ ଜାରି କରାଯାଇଥିବା ବେଳେ ଜୁନ୍ ୩ ତଥା ସୋମବାର ଦିନ ହେମାଙ୍କୁ ଗିରଫ କରାଯାଇଛି।

୫ ଜଣଙ୍କୁ ଗିରଫ କରାଯାଇଛି:

ଗଣମାଧ୍ୟମ ରିପୋର୍ଟ ଅନୁଯାୟୀ, ବେଙ୍ଗାଲୁରୁର ଏକ ଫାର୍ମହାଉସ ଉପରେ ଚଢ଼ାଉ କରାଯାଇ ଘଟଣାସ୍ଥଳରେ ଉପସ୍ଥିତ ଥିବା ୮୬ ଜଣଙ୍କର ନାର୍କୋଟିକ୍ ପରୀକ୍ଷା କରାଯାଇଥିଲା ଏବଂ ସମସ୍ତଙ୍କ ରିପୋର୍ଟ ପଜିଟିଭ୍ ଆସିଥିଲା। ଏହି ପରୀକ୍ଷାରେ ଅଭିନେତ୍ରୀ ହେମାଙ୍କ ଉପରେ ମଧ୍ୟ କରାଯାଇଥିଲା ଯାହା ପଜିଟିଭ୍ ଆସିଥିଲା ଏବଂ ଏହି ଘଟଣାରେ ଅଭିନେତ୍ରୀଙ୍କୁ ପୋଲିସ ଗିରଫ କରିଛି। କେନ୍ଦ୍ରୀୟ କ୍ରାଇମ ବ୍ରାଞ୍ଚ (CCB) ଏପର୍ଯ୍ୟନ୍ତ ଏହି ମାମଲାରେ ୫ ଜଣଙ୍କୁ ଗିରଫ କରିଛି। ରିପୋର୍ଟ ଅନୁସାରେ ଏହି ରେଭ୍ ପାର୍ଟିରେ ପ୍ରାୟ ୧୦୩ ଲୋକ ଅଂଶଗ୍ରହଣ କରିଥିଲେ। କୁହାଯାଉଛି ଯେ ଏହି ଲୋକମାନଙ୍କ ମଧ୍ୟରୁ ପ୍ରାୟ ୮୬ ଜଣ ଡ୍ରଗ୍ସ ନେଇଥିଲେ।

Add Zee News as a Preferred Source

A video has gone viral showing #Tollywood actress Hema being arrested by #Bengaluru CCB police in connection to the #RaveParty case.

Speaking to the media, she stated, "I was at home making biryani. I returned to #Hyderabad. I did not take any substance." pic.twitter.com/ZJQ2HfTVUS

— South First (@TheSouthfirst) June 4, 2024

ଅଭିନେତ୍ରୀଙ୍କ ଡ୍ରଗ୍ ଟେଷ୍ଟ୍ ପଜିଟିଭ୍ ବାହାରିଛି:

ଏହି ପାର୍ଟିକୁ କେ.ଏଲ୍ ଭାସୁ ଆୟୋଜନ କରିଥିଲେ। କୁହାଯାଉଛି ଯେ ଲୋକମାନେ ମଦ୍ୟପାନ କରୁଥିଲେ ଏବଂ ଏହି ଚଢ଼ାଉ ହେବା ମାତ୍ରେ ଉପସ୍ଥିତ ଲୋକଙ୍କ ରକ୍ତ ନମୁନା ନିଆଯାଇଥିଲା। କୁହାଯାଉଛି ଯେ ଏହି ସମୟ ମଧ୍ୟରେ ଅଭିନେତ୍ରୀ ହେମାଙ୍କ ରିପୋର୍ଟ ପଜିଟିଭ୍ ଆସିଥିଲା ​​ଏବଂ ତାଙ୍କୁ ପଚରାଉଚରା ପାଇଁ ମଧ୍ୟ ଡକାଯାଇଥିଲା। ଯେତେବେଳେ ଅଭିନେତ୍ରୀଙ୍କ ପଚରାଉଚରା ଶେଷ ହେଲା, କ୍ରାଇମ ବ୍ରାଞ୍ଚ ତାଙ୍କୁ ଗିରଫ କରିଥିଲା। ତାଙ୍କ ବ୍ୟତୀତ ଏହି ଘଟଣାରେ ଆଉ ୭ ଜଣଙ୍କୁ ତଦନ୍ତରେ ଯୋଗଦେବାକୁ ନୋଟିସ ଜାରି କରାଯାଇଛି।

ପୋଲିସ ଏହି ରେଭ୍ ପାର୍ଟି ଉପରେ ଚଢ଼ାଉ କରିବା ପରେ ଏହି ମାମଲା କେନ୍ଦ୍ରୀୟ କ୍ରାଇମ ବ୍ରାଞ୍ଚକୁ ହସ୍ତାନ୍ତର କରାଯାଇଥିଲା। କିନ୍ତୁ ଏହା ପୂର୍ବରୁ ଏହି ମାମଲା ହେବବାଗୋଡି ପୋଲିସ ଷ୍ଟେସନରେ ଥିଲା। ଏଥିସହ ଏକ ଖବର ମଧ୍ୟ ଆସୁଛି ଯେ ଏହି ପାର୍ଟିରୁ ପୋଲିସ ପ୍ରାୟ ୧୪.୪୦ ଗ୍ରାମ MDMA ବଟିକା, ୬ଗ୍ରାମ ହାଇଡ୍ରୋ କଏନ, ୫ ଗ୍ରାମ କୋକେନ,୬ ଗ୍ରାମ ହାଇଡ୍ରୋ ଗଞ୍ଜେଇ ଜବତ କରିଛି ଏବଂ ଏହା ବ୍ୟତୀତ , କୋକେନ ସହିତ ବନ୍ଧା ହୋଇଥିବା ୫୦୦ ଟଙ୍କିଆ ନୋଟ୍ ମଧ୍ୟ ଜବତ କରାଯାଇଥିଲା। ପୋଲିସ ଏସବୁ ଜବତ କରିଛି। ମଇ ୨୦ ତାରିଖରେ, ଜନ୍ମଦିନ ପାର୍ଟି ନାମରେ ଏକ ରେଭ୍ ପାର୍ଟି ଚାଲିଥିଲା।