Varun Dhawan: ନୂଆବର୍ଷରେ ଗୁଡ୍ ନ୍ୟୁଜ୍ ଦେଇପାରନ୍ତି ବରୁଣ-ନତାଶା, ସଲମାନ ଖାନ୍ କଲେ ବଡ ଖୁଲାସା

Varun Dhawan: ବଲିଉଡ୍ ଇଣ୍ତଷ୍ଟ୍ରିରୁ ଗୋଟିଏ ପରେ ଗୋଟିଏ ଆସୁଛି ଖିୁସି ଖବର । ନିକଟରେ ଆଲିଆ ଭଟ୍ଟ ଓ  ପରେ ବିପାଶା ବସୁ ମାଆ ହୋଇଛନ୍ତି ।  ଏହି ସମୟରେ ବଲିଉଡରୁ ଆଉ ଏକ ଭଲ ଖବର ଆସୁଛି ଯେ, ଆଉ ଏକ ଦମ୍ପତି ଖୁବଶୀଘ୍ର ପିତାମାତା ହେବାକୁ ଯାଉଛନ୍ତି ବୋଲି ଏକ ଗୁଜବ ସୃଷ୍ଟି ହୋଇଛି। ବାସ୍ତବରେ, ନିକଟରେ ବରୁଣ ଧୱନ ତାଙ୍କର ଆଗାମୀ ଚଳଚ୍ଚିତ୍ର 'ଭେଡିୟା'ର ପ୍ରମୋସନ ପାଇଁ ରିଅଲିଟି ଟିଭି ଶୋ' 'ବିଗବସ' ରେ ପହଞ୍ଚିଥିଲେ । ଏହି ସମୟରେ ଏମିତି କିଛି ଘଟିଥିଲା, ​​ଯେଉଁଥିପାଇଁ ବରୁଣ ଧାୱନଙ୍କ ପ୍ରଶଂସକମାନେ ମଧ୍ୟ ଉତ୍ସାହିତ ଥିବା ଦେଖାଯାଇଥିଲା। ଖବର ଅଛି ଯେ, ଅଭିନେତା ଶୀଘ୍ର ପିତା ହେବାକୁ ଯାଉଛନ୍ତି।

ଫ୍ୟାନ୍ସଙ୍କୁ ଖୁବଶିଘ୍ର ଗୁଡ୍ ନ୍ୟୁଜ୍ ଦେବାକୁ ଯାଉଛନ୍ତି ଅଭିନେତା ବରୁଣ ଧୱନ : 

ନିକଟରେ, ଯେତେବେଳେ ବଲିଉଡ ଅଭିନେତା ବରୁଣ ଧୱନ ତାଙ୍କର ଆଗାମୀ ଚଳଚ୍ଚିତ୍ର 'ଭେଡିଆ'କୁ ପ୍ରମୋଟ୍ କରିବା ପାଇଁ ରିୟଲିଟି ଟିଭି ଶୋ' ବିଗବସରେ ପହଞ୍ଚିଥିଲେ, ସେତେବେଳେ ହୋଷ୍ଟ ସଲମାନ ଖାନ୍ ଏକ ବଡ଼ କଥା କହିଥିଲେ । ସଲମାନ କହିଛନ୍ତି ଯେ, ଖୁବଶୀଘ୍ର ବରୁଣ ମଧ୍ୟ ପିତା ହେବାକୁ ଯାଉଛନ୍ତି। ସଲମାନ ଖାନ ଏହା କେବଳ ଥଟ୍ଟା କରି କହିଛନ୍ତି କିନ୍ତୁ ପ୍ରଶଂସକମାନେ ଏହାକୁ ସତ୍ୟ ବୋଲି ଗ୍ରହଣ କରିଛନ୍ତି ଏବଂ ଏହାକୁ ଏକ ବଡ଼ ସୂଚନା ବୋଲି ବିଚାର କରୁଛନ୍ତି।

ସଲମାନ୍ ଖାନ୍ ଓ ବରୁଣଙ୍କ ଥଟ୍ଟାମଜା : 

 ସଲମାନ ଖାନ ଏବଂ ବରୁଣ ଧୱନଙ୍କ ମଧ୍ୟରେ ବହୁତ ଭଲ ସମ୍ପର୍କ ଅଛି ।  ସଲମାନ ଖାନ ବରୁଣଙ୍କୁ ସାନ ଭାଇ ଭାବରେ ବିବେଚନା କରନ୍ତି ଏବଂ ଯେତେବେଳେ ବି ସଲମାନଙ୍କ ଶୋ’ରେ ବରୁଣ ଧୱନ ଆସନ୍ତି, ସେତେବେଳେ ଉଭୟେ ବହୁତ ମଜା କରନ୍ତି । ସାମ୍ପ୍ରତିକ ଏପିସୋଡରେ, ଯେଉଁଠାରେ ଦୁହେଁ ଏକାଠି ଡ୍ୟାନ୍ସ କରିଥିବାର ମଧ୍ୟ ଦେଖିବାକୁ ମିଳିଥିଲା । ଏହି ସମୟ ମଧ୍ୟରେ ସଲମାନ ବରୁଣଙ୍କୁ ଏକ ଖେଳନା ଦେଇଥିଲେ ଏବଂ କହିଥିଲେ, ଏହି ଛୋଟ ଟାଇଗର ଖାସ୍ କରି ତୁମରି ପାଇଁ ।

ଏହାବି ପଢନ୍ତୁ : Alia Bhatt: ମାଆ ହେବାର ସପ୍ତାହକ ପରେ ପୁଣି ଫ୍ୟାନ୍ସଙ୍କୁ ଗୁଡ୍ ନ୍ୟୁଜ୍ ଦେଲେ ଆଲିଆ

ସଲମାନ ବରୁଣଙ୍କୁ ଦେଲେ ଖେଳନା :  

ସଲମାନ ବରୁଣଙ୍କୁ ଏକ ଛୋଟ ଟାଇଗର ଖେଳନା ଦେଇଥିଲେ । ଏବଂ ଏହାର ଉତ୍ତରରେ ବରୁଣ କହିଥିଲେ ଯେ,ସାର୍ ପିଲା ଏ-ପର୍ଯ୍ୟନ୍ତ ଆସି ନାହିଁ । ତା’ପରେ ସଲମାନ ଖାନ ଉତ୍ତର ଦେଇଛନ୍ତି - ଏହାକୁ ନିଅ ,ଯଦି ଏହା ଆସିଛି, ତେବେ ପିଲା ମଧ୍ୟ ଆସିବ । ତେବେ, ଆମେ ଏଠାରେ ଆପଣଙ୍କୁ କହି ରଖୁଛୁ ଯେ, ୨୦୨୧ ମସିହା, ଜାନୁଆରୀ ୨୪ରେ ନତାଶା ଦଲାଲଙ୍କୁ ବରୁଣ ବିବାହ କରିଥିଲେ।  ବରୁଣ ଧାୱନ ଅଭିନୟ କ୍ଷେତ୍ରରେ କାମ କରନ୍ତି, ତାଙ୍କ ପତ୍ନୀ ନତାଶା ଜଣେ ଫ୍ୟାଶନ ଡିଜାଇନର୍ ।
ବିବାହ ପରଠାରୁ ଦୁହେଁ କାର୍ଯ୍ୟରେ ବ୍ୟସ୍ତ ରୁହୁଛନ୍ତି ।