ଜିଓ ସହ ଏୟାରଟେଲ ବି ଦେଉଛି ବମ୍ପର ଅଫର, ଉଠାନ୍ତୁ ୧୦ ଜିବି ଏକ୍ସଟ୍ରା ଡାଟାର ଫାଇଦା

ନୂଆଦିଲ୍ଲୀ: ଦେଶର ସବୁ ଟେଲିକମ କମ୍ପାନୀ ମାନେ ଏହି ଉଦ୍ୟମ କରିଛନ୍ତି ଯେ, ଯେମିତିକି ତାଙ୍କ ୟୁଜର୍ସ ମାନେ ତାଙ୍କ ସହ  ସର୍ବଦା ଜଡ଼ିତ ହୋଇରୁହନ୍ତୁ । ଆଉ ଖାସ ସେଥିପାଇଁ ଟେଲିକମ କମ୍ପାନୀ ମାନେ ମନଲୋଭା ଅଫର ମଧ୍ୟ ନିଜ ୟୁଜର୍ସଙ୍କ ଦେଇଥାନ୍ତି । ତେବେ ଏହି କ୍ରମରେ ପ୍ରାଇଭେଟ ଟେଲିକମ କମ୍ପାନୀ ଜିଓ ଓ ଏୟାରଟେଲର ଧମାକାଦାର ପ୍ଲାନ ବିଷୟରେ କହିବୁ ଯାହା ଆପଣଙ୍କୁ ଫାଇଦା ହିଁ ଫାଇଦା ଦେବ । ତେବେ ଚାଲନ୍ତୁ ଜାଣିବା ସେହି ସୁପର ପ୍ଲାନ ବିଷୟରେ...

ଜିଓର ଏହି ପ୍ରିପେଡ ପ୍ଲାନର ଦାମ ୩ ହଜାର ୧୧୯ ଟଙ୍କା ଅଛି । ଗୋଟିଏ ବର୍ଷର ଭାଲିଡିଟି ଥିବା ଏହି ପ୍ଲାନରେ ଆପଣଙ୍କୁ ପ୍ରତ୍ୟେକ ଦିନ ପାଇଁ ୨ ଜିବି ଡାଟା ମିଳିଥାଏ । ତା ସହ ୧୦ ଜିବି ଡାଟା ଏକ୍ସଟ୍ରା ମଧ୍ୟ ଦିଆଯିବ ଯଦ୍ୱାରା ମୋଟ ଆପଣଙ୍କୁ ୭୪୦ ଜିବିର ଡାଟା ମିଳୁଛି । କୌଣସି ବି ନେଟୱର୍କ ପାଇଁ ଅନଲିମିଟେଡ ଭଏସ କଲିଂ ଓ ପ୍ରତିଦିନ ପାଇଁ ୧୦୦ ଏସଏମଏସ ସହ ଏହି ପ୍ଲାନରେ ଆପଣଙ୍କୁ ଡିଜନୀ ପ୍ଲସ ହଟଷ୍ଟାର ର ଏକବର୍ଷ ପର୍ଯ୍ୟନ୍ତ ସବସ୍କ୍ରିପସନ ବି ମିଳିବ। 

ଜିଓର ଏହି ୮୪ ଦିନର ଭାଲିଡିଟି ପ୍ଲାନର ଦାମ ୧, ୦୬୬ ଟଙ୍କା। ଏଥିରେ ଆପଣଙ୍କୁ ଦୈନିକ 2GB ଡାଟା ସହିତ ସମୁଦାୟ 5GB ଅତିରିକ୍ତ ଡାଟା ମଧ୍ୟ ଦିଆଯାଉଛି । ଏହି ଯୋଜନାରେ, ଆପଣ ପ୍ରତିଦିନ ଶହେଟି SMS ଏବଂ କୌଣସି ନେଟୱାର୍କକୁ ଅସୀମିତ କଲିଂ କରିବା ସହିତ ଡିସ୍ନି + ହଟଷ୍ଟାରର (Disney Plus Hotstar) ମୋବାଇଲ୍ ଭର୍ସନକୁ ସବସ୍କ୍ରିପସନ୍ ଏବଂ ସମସ୍ତ ଜିଓ ଆପ୍ସରେ ମାଗଣା ଆକ୍ସେସ ମିଳୁଛି। 

ଯଦି ଆପଣ ଜଣେ ଏୟାରଟେଲ ୟୁଜର ତେବେ ଆମେ ଏଠାରେ କହିରଖୁଛୁ ଯେ, ଯଦି ଆପଣ ୬୯୯ ର ରିଚାର୍ଜ କରୁଛନ୍ତି ତେବେ ଆପଣଙ୍କୁ ଏହି ପ୍ଲାନରେ କୌଣସି ବି ନେଟୱାର୍କକୁ ଅନଲିମିଟେଡ କଲ୍, ଦୈନିକ ୧୦୦ ମେସେଜ, ପ୍ରତିଦିନ ପାଇଁ ୩ ଜିବିର ଡାଟା  ଉପଲବ୍ଧ ହେଉଛି । ଏହି ପ୍ଲାନରେ ଫ୍ରିରେ ଆପଣଙ୍କୁ ୪ ଜିବି ଡାଟାର କୁପନ ସହ ୫୬ ଦିନ ପର୍ଯ୍ୟନ୍ତ ଆମାଜନ ପ୍ରାଇମ ଭିଡିଓ (Amazon Prime Video) ର ସବସ୍କ୍ରିପସନ ମଧ୍ୟ ମିଳିବ । ଆଉ ଏହି ପ୍ଲାନର ବୈଧତା ୫୬ ଦିନ ପର୍ଯ୍ୟନ୍ତ ରହିବ।  

ଟେଲିକମ କମ୍ପାନୀ (Telecom) ଏୟାରଟେଲର କିଛି ଏମିତି ରିଚାର୍ଜ ପ୍ଲାନ ଅଛି ଯାହା କିଣିବା ଦ୍ୱାରା ଆପଣଙ୍କୁ ଡାଟା କୁପନ ମିଳିଥାଏ । ଆପଣଙ୍କ ଜଣାଇବାକୁ ଚାହୁଁଛୁ ଯେ, ଯଦି ଆପଣ ଏୟାରଟେଲର ୨୮ ଦିନ ପାଇଁ ୩୫୯ ଟଙ୍କାର  ରିଚାର୍ଜ ପ୍ଲାନ ବ୍ୟବହାର କରୁଛନ୍ତି ତେବେ ସେଥିରେ ଆପଣଙ୍କୁ ୧ ଜିବିର ଡାଟା କୁପନ ମିଳିପାରେ । ସେହିଭଳି ଆପଣ ଯଦି ୪୭୯ ଟଙ୍କାର ରିଚାର୍ଜ କରୁଛନ୍ତି ତେବେ ଏହାର ବୈଧତା ୫୬ ଦିନର ହୋଇଥାଏ । ଆଉ ସେଥିରେ ଆପଣଙ୍କୁ ୧ ଜିବିର ଚାରୋଟି କୁପନ ମିଳିଥାଏ । ହେଲେ ଏହି ସୁବିଧା ସେତେବେଳେ ଆପଣ ପାଇପାରିବେ ଯଦି ଆପଣ ଏୟାରଟେଲର (Airtel)  Thanks ଆପ୍ ର ବ୍ୟବହାର କରୁଥିବେ।