Mouth Cancer Symptoms: କ୍ୟାନସର ଚିହ୍ନଟ କରିବାର ସହଜ ଉପାୟ ହେଉଛି, ଯଦି ଆପଣ ନିଜ ଶରୀରରେ କୌଣସି ଅସାଧାରଣ ଜିନିଷ ଦେଖିବାକୁ ପାଇଥା’ନ୍ତି, ତେବେ ବିଳମ୍ବ ନ କରି ତୁରନ୍ତ ଡାକ୍ତରଙ୍କ ନିକଟକୁ ଯାଇ ଏହାର ପରୀକ୍ଷା କରି ନିଅନ୍ତୁ । ଏହାଦ୍ୱାରା ଆପଣ ଏକ ବଡ଼ ବିପଦରୁ ନିଜକୁ ରକ୍ଷା କରିପାରିବେ । ଆସନ୍ତୁ ଜାଣିବା ପାଟିରେ କ୍ୟାନସର ହେଲେ ଶରୀରରେ କିପରି ଲକ୍ଷଣ ଦେଖାଯାଏ ।
Trending Photos
13
5
12
7 "ସାଙ୍କେତିକ ଛବି")
Mouth Cancer: ମୁଖ କର୍କଟ ବା ମାଉଥ କ୍ୟାନସର ରୋଗ (Mouth Cancer Disease) ଗତ ୧୦ ବର୍ଷ ମଧ୍ୟରେ ଏକ ତୃତୀୟାଂଶରୁ ଅଧିକ ବୃଦ୍ଧି ପାଇଛି । କ୍ୟାନସର ରୋଗର ଲକ୍ଷଣ ଜାଣିବା ଓ ଯଥାଶୀଘ୍ର ଏହାକୁ ଯାଞ୍ଚ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଓରାଲ୍ ହେଲଥ୍ ଫାଉଣ୍ଡେସନ୍ ଦ୍ୱାରା ପ୍ରକାଶିତ ଏକ ଗବେଷଣା ରିପୋର୍ଟ ଅନୁଯାୟୀ, ୨୦୨୧ ମସିହାରେ ବ୍ରିଟେନରେ ୮୮୬୪ ଜଣଙ୍କ ପାଖରେ ଏହି ରୋଗ ଚିହ୍ନଟ ହୋଇଥିଲା । ୧୦ ବର୍ଷ ପୂର୍ବେ ଏହି ସଂଖ୍ୟା ୩୬ ପ୍ରତିଶତ କମ୍ ଥିଲା । ଗୋଟିଏ ବର୍ଷ ମଧ୍ୟରେ, ଏହି ରୋଗ ଯୋଗୁଁ ୩୦୩୪ ଜଣଙ୍କ ଲୋକଙ୍କର ମୃତ୍ୟୁ ଘଟିଥିଲା । ଏହା ଗତ ଦଶନ୍ଧିରେ ୪୦ ପ୍ରତିଶତ ଓ ଗତ ୫ ବର୍ଷରେ ୨୦ ପ୍ରତିଶତ ବୃଦ୍ଧିକୁ ସୂଚାଉଛି ।
ଓରାଲ୍ ହେଲଥ୍ ଫାଉଣ୍ଡେସନର ମୁଖ୍ୟ କାର୍ଯ୍ୟନିର୍ବାହୀ ଡକ୍ଟର ନିଗେଲ୍ କାର୍ଟର କହିଛନ୍ତି ଯେ ଧୂମପାନ ଓ ଅଧିକ ମଦ୍ୟପାନ ଯୋଗୁଁ ଏହି ମାମଲା ବୃଦ୍ଧି ପାଉଛି । ମୁଖ କର୍କଟକୁ ଘେରି ରହିଥିବା ନଜରିଆ ବଦଳିଛି । ଏହା ବର୍ତ୍ତମାନ ଏକ କର୍କଟ, ଯାହା କାହାକୁ ପ୍ରଭାବିତ କରିପାରେ । ମୁହଁ କର୍କଟ ପୀଡିତାର ଜୀବନ ଉପରେ ଖରାପ ପ୍ରଭାବ ପକାଇପାରେ । ଏହା କହିବା କଥାରେ ପରିବର୍ତ୍ତନ ଆଣିପାରେ । ଖାଇବା ପିଇବା କଷ୍ଟକର ହୋଇପାରେ କିମ୍ବା ବ୍ୟକ୍ତିର ଶାରୀରିକ ରୂପକୁ ନଷ୍ଟ କରିପାରେ ।
କ୍ୟାନସର ଚିହ୍ନଟ କରିବାର ସହଜ ଉପାୟ ହେଉଛି ଯଦି ଆପଣ ନିଜ ଶରୀରରେ କୌଣସି ଅସାଧାରଣ ଜିନିଷ ପାଇଥା’ନ୍ତି, ତେବେ ଆଦୌ ବିଳମ୍ବ ନ କରି ତୁରନ୍ତ ଡାକ୍ତରଙ୍କ ନିକଟକୁ ଯାଇ ନିଜକୁ ପରୀକ୍ଷା କରନ୍ତୁ । କାରଣ ଏହା କରିବା ଦ୍ୱାରା ଆପଣ ବଡ଼ ବିପଦରୁ ଦୂରେଇ ରହିବେ ଓ ଠିକ୍ ସମୟରେ ଚିକିତ୍ସା ହେଇପାରିବ ।
ଜାତୀୟ ସ୍ୱାସ୍ଥ୍ୟ ସେବା (NHS) ଅନୁଯାୟୀ, ସେତବେଳେ ପାଟି କ୍ୟାନସର ହୁଏ ଯେତବେଳେ ଜିଭ ପୃଷ୍ଠରେ, ଗାଲ ଭିତରେ, ଓଠ ତଳପଟ ଭିତରେ ଟ୍ୟୁମର ଦେଖାଯାଏ । ବେଳେବେଳେ ଏହା ଏକ ଛୋଟ ବଥ ଆକାରରେ ଦେଖାଯାଇପାରେ । ମୁଖ କର୍କଟ ଚିହ୍ନଟ କରିବାକୁ, ଆପଣଙ୍କୁ କିଛି ଲକ୍ଷଣ ପ୍ରତି ଧ୍ୟାନ ଦେବାକୁ ପଡିବ, ଯାହା ଆପଣଙ୍କ ପାଟିରେ ଦେଖାଯାଏ, ଯେପରିକି-
1. ଯନ୍ତ୍ରଣାଦାୟକ ପାଟି ଘା ’ଯାହା ଅନେକ ସପ୍ତାହ ପରେ ମଧ୍ୟ ଭଲ ହୁଏ ନାହିଁ ।
2. ପାଟି କିମ୍ବା ବେକରେ ଲଗାତର ବିଣ୍ଡି ଦେଖାଦେବା ।
3. ଦାନ୍ତ ହଲିବା, ଯାହା ଉପାଡିବା ପରେ ଠିକ୍ ନ ହେବା ।
4. ଓଠ କିମ୍ବା ଜିଭ ନଥିବା ପରି ଲାଗିବା ।
5. ପାଟି କିମ୍ବା ଜିଭ ପୃଷ୍ଠରେ ଧଳା ଦାଗ କିମ୍ବା ନାଲି ଦାଗ ଦେଖା ଦେବା ।
6. ଆପଣଙ୍କ କଥା କହିବାରେ ପରିବର୍ତ୍ତନ ଦେଖାଯିବା, ଯେପରିକି ପାଟି ଲାଗିବା ପରି କଥାହେବା ।
ଯଦି ଆପଣଙ୍କ ପାଟି ଭିତରେ ଏପରି କୌଣସି ଲକ୍ଷଣ ଅନୁଭବ କରୁଛନ୍ତି, ଏହାକୁ ଅଣଦେଖା କରନ୍ତୁ ନାହିଁ । ତୁରନ୍ତ ଡାକ୍ତରଙ୍କ ପାଖକୁ ଯାଆନ୍ତୁ ଓ ପରୀକ୍ଷା କରନ୍ତୁ । ସାଧାରଣତଃ ଧୂମପାନ, ମଦ୍ୟପାନ କିମ୍ବା ତମାଖୁ ଖାଇବା କାରଣରୁ ପାଟି କର୍କଟ ରୋଗ ହୁଏ । ଯଦିଓ ଅନେକ ଥର ଏସବୁ ଖାଉନଥିବା ଲୋକଙ୍କ ପାଖରେ ମଧ୍ୟ ଏହି ରୋଗ ଦେଖାଯାଏ । ପାଟି କ୍ୟାନ୍ସରକୁ ୩ଟି ଉପାୟରେ ଚିକିତ୍ସା କରାଯାଏ, ପ୍ରଥମ- ଅସ୍ତ୍ରୋପଚାର ଦ୍ୱାରା କ୍ୟାନସର କୋଷକୁ କାଢ଼ିଦେବା, ଦ୍ୱିତୀୟ ରେଡିଓଥେରାପି ଓ ତୃତୀୟ କେମୋଥେରାପି ।
ଏହା ବି ପଢ଼ନ୍ତୁ: Cancer Symptoms: କ୍ୟାନସର ଶରୀରରେ ଦେଖାଇଥାଏ ଏସବୁ ସାଇଲେଣ୍ଟ ଲକ୍ଷଣ, ଠିକ୍ ସମୟରେ ଚିହ୍ନିବା ଜରୁରୀ, ନଚେତ୍...
