Green Tea: କ'ଣ ସତରେ ଓଜନ କମାଏ ଗ୍ରୀନ ଟି ? ଜାଣନ୍ତୁ ବିଶେଷଜ୍ଞଙ୍କ ମତ

ଇଣ୍ଡିଆ ଟୁଡେରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଗ୍ରୀନ୍ ଟି ଓଜନ ହ୍ରାସ କରିବାରେ ସହାୟକ ହୋଇପାରେ କିନ୍ତୁ ଏହାର ପ୍ରଭାବ ସେତେବେଳେ ପଡିବ ଯେତେବେଳେ ଜଣେ ବ୍ୟକ୍ତି ନିଜର ଜୀବନଶୈଳୀକୁ ସଠିକ ଭାବେ ନିୟନ୍ତ୍ରଣ କରିବେ । ନିୟମିତ ବ୍ୟାୟାମ କରିବା ମଧ୍ୟ ଉଚିତ । ଗ୍ରୀନ୍ ଟି ଚର୍ବି କମ କରିବାରେ ସାହାଯ୍ୟ କରେ କିନ୍ତୁ ଶାରୀରିକ କାର୍ଯ୍ୟକଳାପ ବିନା ଏହି ପାନୀୟର ଲାଭ ମିଳିପାରିବ ନାହିଁ।|

ଓଜନ ହ୍ରାସ କରିବା ଏକ କଷ୍ଟସାଧ୍ୟ ପ୍ରକ୍ରିୟା ହୋଇଥିଲେ ମଧ୍ୟ ଗ୍ରୀନ୍ ଟି ସେବନ କରିବା ସହିତ ଆପଣଙ୍କୁ ନିୟମିତ ଭାବରେ କିଛି ଜିନିଷ ଉପରେ ଧ୍ୟାନ ଦେବାକୁ ପଡିବ 

ଓଜନ ହ୍ରାସ ପାଇଁ ବିଶେଷକରି ଖାଇବା ପୂର୍ବରୁ ଏବଂ ପରେ ନିୟମିତ ଭାବେ ଗ୍ରୀନ୍ ଟି ଖାଇବା ଜରୁରୀ । ଗ୍ରୀନ୍ ଟିକୁ ସୁସ୍ଥ ଖାଦ୍ୟ ସହିତ ନେବାକୁ ପଡିବ, ଯେଉଁଥିରେ ଫଳ, ପନିପରିବା, ପୁରା ଶସ୍ୟ ଅନ୍ତର୍ଭୁକ୍ତ ରହିବା ଆବଶ୍ୟକ ।

ଦୈନିକ ବ୍ୟାୟାମ କରିବା ମଧ୍ୟ ଆବଶ୍ୟକ । ଯୋଗ, ଜଗିଂ କିମ୍ବା ସାଇକେଲ ଚଲାଇବା ପରି ପ୍ରତିଦିନ କିଛି ବ୍ୟାୟାମ କରନ୍ତୁ ।

ଗ୍ରୀନ୍ ଟିରେ ଏମିତି ଗୁଣ ରହିଛି ଯାହା ଭୋକ କମାଇବାରେ ସାହାଯ୍ୟ କରିଥାଏ । ଫ୍ୟାଟ୍ ବର୍ନିଂ- ଗ୍ରୀନ୍ ଟିରେ କ୍ୟାଟେଚିନ୍ ନାମକ ଉପାଦାନ ଥାଏ ଯାହା ଚର୍ବି ହ୍ରାସ କରିବାରେ ସାହାଯ୍ୟ କରିଥାଏ ।

ଗ୍ରୀନ୍ ଟି ଶରୀରରେ ହାଇଡ୍ରେସନ୍ ବଜାୟ ରଖେ, ଯାହା ଓଜନ ହ୍ରାସ ପାଇଁ ଗୁରୁତ୍ୱପୂର୍ଣ୍ଣ ବୋଲି ବିବଚନା କରାଯାଏ ।