Bumper Offer! କୋରୋନା ଟିକା ନେଲେ ମାଗଣାରେ ମିଳୁଛି ଖାଦ୍ୟ, ବିଅର ଓ ଗଞ୍ଜେଇ

ନୂଆଦିଲ୍ଲୀ: ସମଗ୍ର ବିଶ୍ୱରେ କୋରୋନା ସଂକ୍ରମଣ ଦ୍ରୁତ ଗତିରେ ବୃଦ୍ଧି ପାଉଛି। ଭାରତ ମଧ୍ୟ ମହାମାରୀର ଦ୍ୱିତୀୟ ଲହରୀର ସମ୍ମୁଖୀନ ହୋଇଛି।
ବର୍ତ୍ତମାନ ଏହି ମହାମାରୀକୁ ରୋକିବା ପାଇଁ ଟିକାକରଣ ଏକମାତ୍ର ସମାଧାନ ଭାବରେ ବିବେଚନା କରାଯାଉଛି। କୋରୋନା ଟିକା ଅନେକ ଦେଶରେ ପହଞ୍ଚିଛି, କିନ୍ତୁ ଏହା ସତ୍ତ୍ୱେ ଲୋକମାନେ ଏହି ଟିକା ନେବାକୁ ଆଗ୍ରହ ପ୍ରକାଶ କରୁନାହାଁନ୍ତି। ଲୋକଙ୍କୁ ଟିକାକରଣ ପାଇଁ ଉତ୍ସାହିତ କରିବାକୁ ବହୁତ ଲୋଭନୀୟ ଅଫର ମାନ ଦିଆଯାଉଛି।

କୋରୋନା ଭ୍ୟାକ୍ସିନର ସାଇଡ଼ ଇଫେକ୍ଟ ଭୟରେ ବା କାର୍ଯ୍ୟ ବ୍ୟସ୍ତତା ହେତୁ ଅନେକ ଲୋକ ଟିକା ନେଉ ନାହାନ୍ତି। କିଛି ଲୋକଙ୍କ ପାଖରେ ଟିକାକରଣ ନେଇ ସୂଚନା ମଧ୍ୟ ପହଞ୍ଚୁ ନାହିଁ। ଏଭଳି ସ୍ଥଳେ ଲୋକଙ୍କୁ ବିଭିନ୍ନ ଲୋଭ ଦେଖାଇ ଟିକାକରଣ କରିବାକୁ ସ୍ଥାନୀୟ ପ୍ରଶାସନ, ବ୍ୟବସାୟୀ ପ୍ରତିଷ୍ଠାନ ତଥା ଅନ୍ୟାନ୍ୟ ସଂସ୍ଥା ପ୍ରୟାସ କରୁଛନ୍ତି। ଲୋକଙ୍କୁ ବିଭିନ୍ନ ଅଫର ମଧ୍ୟ ଦିଆଯାଉଛି। ଅଫରଗୁଡିକରେ ରେଷ୍ଟୁରାଣ୍ଟରେ ମାଗଣା ଖାଦ୍ୟ ଠାରୁ ଆରମ୍ଭ କରି ମାଗଣା ବିୟର, ମଦ ଏବଂ ଗଞ୍ଜେଇ ଦିଆଯାଉଛି। ଚାଇନାରେ ଏହି ଟିକା ନେବା ପରେ ବିବାହ ଆଲବମ୍ ତିଆରି ପାଇଁ ରିହାତି ଦିଆଯାଉଛି।

ଏହା ବ୍ୟତୀତ କିଛି ଅଫିସରେ କର୍ମଚାରୀଙ୍କୁ ଧମକ ଦିଆଯାଉଛି ଯେ, ଯଦି ସେମାନେ ଟିକା (Cornona vaccine) ନ ନିଅନ୍ତି, ତେବେ ସେମାନଙ୍କୁ ମଧ୍ୟ ବରଖାସ୍ତ କରାଯିବ। ତେବେ ଆସନ୍ତୁ ଜାଣିବା ଏହିଭଳି ଅଦ୍ଭୁତ ଅଫରଗୁଡିକ:

ଆମେରିକାରେ McDonald's, AT&T, Instacart, Target, Tredar Josh, Cobani ଭଳି ଅନେକ କମ୍ପାନୀ ତାଙ୍କ କର୍ମଚାରୀଙ୍କୁ  ଟିକାକରଣ ପାଇଁ ଛୁଟି ଦେବା ସହ ନଗଦ ଟଙ୍କା ଦେଉଛନ୍ତି। କମ୍ପାନୀଗୁଡିକ ଟିକାକରଣ କେନ୍ଦ୍ରକୁ ଯିବା ପାଇଁ କର୍ମଚାରୀଙ୍କ ଭଡା ହିସାବରେ ପ୍ରାୟ ପ୍ରାୟ ୨୨୦୦ ଟଙ୍କା ମଧ୍ୟ ଦେଉଛନ୍ତି।

ଆମେରିକାର ଜଣାଶୁଣା ଡୋନାଟ୍ କମ୍ପାନୀ Krispy Kreme ଟିକା ପାଇବା ପରେ ଲୋକଙ୍କୁ ୨୦୨୧ ବର୍ଷ ଶେଷ ପର୍ଯ୍ୟନ୍ତ ପ୍ରତିଦିନ ଏକ ମାଗଣା ଡୋନାଟ୍ ଦେବାକୁ ଘୋଷଣା କରିଛି। ଏହି ଅଫର (Vaccination Offer) ପାଇବା ପାଇଁ ଲୋକଙ୍କୁ ଟିକା ନେଇଥିବା କାର୍ଡ ଦେଖାଇବାକୁ ପଡିବ।

ଆମେରିକା (America) ର ଓହିଓର ମାର୍କେଟ ଗାର୍ଡେନ ବ୍ରୁରି ଘୋଷଣା କରିଛି ଯେ, ଟିକା ଦିଆଯାଉଥିବା ପ୍ରଥମ ୨୦୨୧ ଜଣ ଲୋକଙ୍କୁ ମାଗଣାରେ ବିୟର ଦେବ। ଏହା ବ୍ୟତୀତ ମିଚିଗାନରେ Medical marijuana ଅର୍ଥାତ୍ ଗଞ୍ଜେଇ ବିକ୍ରି କରୁଥିବା ଏକ କମ୍ପାନୀ ଟିକା ପାଇଥିବା ଲୋକଙ୍କୁ ମାଗଣାରେ ଗଞ୍ଜେଇ ଯୋଗାଇବାକୁ ଅଫର ଦେଇଛି।

କ୍ୟାବ ସେବା ଯୋଗାଉଥିବା Uber, ଭାରତ ସମେତ ଏସିଆ, ଉତ୍ତର ଆମେରିକା ଏବଂ ୟୁରୋପରେ ଟିକା କେନ୍ଦ୍ରରେ ପହଞ୍ଚିବାରେ ଅସମର୍ଥ ଲୋକଙ୍କୁ ମାଗଣାରେ ଯାତ୍ରା କରୁଛି। କମ୍ପାନୀ ଲୋକମାନଙ୍କୁ ୧୦ ମିଲିୟନ୍ ମାଗଣା ରାଇଡ୍ ପ୍ରଦାନ କରୁଛି। ସେହିପରି ଇସ୍ରାଏଲର ଅନେକ ବାର ଏବଂ ରେଷ୍ଟୁରାଣ୍ଟର ମାଲିକମାନେ କୋରୋନା ଟିକାର ପ୍ରଥମ ଡୋଜ୍ ନେଇଥିବା ଲୋକଙ୍କୁ ମାଗଣା ଖାଦ୍ୟ ଏବଂ ପାନୀୟ ଯୋଗାଇବା ପାଇଁ ସରକାର ସହିତ ଚୁକ୍ତି କରିଛି।

ଆମେରିକାର ମିଡୱେଷ୍ଟର୍ନ, ୱିସ୍କନ୍ସିନ୍, ମିନେସୋଟା, ଟେନେସି ଏବଂ ଓକାଲୋହୋମା ରାଜ୍ୟରେ ଆର୍କେଡ୍ ବାର୍ ଚେନରେ ଟିକା ଦେଇଥିବା ଲୋକଙ୍କୁ ୫ ଡଲାର୍ ଦିଆଯାଉଛି। ଏହା ବ୍ୟତୀତ, ଓହିଓର ସିନେମାହଲରେ ଟିକା କାର୍ଡ ଦେଖାଇଲେ ପପକର୍ଣ୍ଣ ମାଗଣାରେ ଦିଆଯାଉଛି। ଦିଲ୍ଲୀର କନ୍ନଟ୍ ପ୍ଲେସ୍ ଏବଂ ପୁରୁଣା ଦିଲ୍ଲୀ ଅଞ୍ଚଳରେ ଅବସ୍ଥିତ ଅନେକ ରେଷ୍ଟୁରାଣ୍ଟ ଏବଂ ହୋଟେଲକୁ ଟିକାକରଣ ହୋଇଥିବା ଲୋକଙ୍କୁ ୨୫ରୁ ୩୦ ପ୍ରତିଶତ ରିହାତି ଦିଆଯାଉଛି।

ଚୀନରେ ସରକାର ଏବଂ ଅନେକ କମ୍ପାନୀ ଲୋକଙ୍କୁ ଟିକାକରଣ ପାଇଁ ଅଜବ ଅଫର ଦେଉଛନ୍ତି। ଏଥି ସହିତ ଚୀନ୍‌ର ରୁଇଲି ସହରରେ ସ୍ଥାନୀୟ ପ୍ରଶାସନ ଟିକାକରଣ ବାଧ୍ୟତାମୂଳକ କରିଛନ୍ତି। ରୁଇଲିରେ ୫ ଦିନ ୨୪ ଘଣ୍ଟିଆ ଅଭିଯାନ କରି ସମସ୍ତ ସହରବାସୀଙ୍କୁ ଟିକା ଦେଇଛନ୍ତି। ଏହା ବ୍ୟତୀତ ଚୀନ୍‌ର ହେନାନ ପ୍ରଦେଶର ଏକ ସହରରେ ସ୍ଥାନୀୟ ସରକାର ଲୋକଙ୍କୁ ଟିକାକରଣ ନକଲେ ଚାକିରିରୁ ବହିଷ୍କାର କରିବାକୁ ଧମକ ଦେଇଛନ୍ତି। ଏପରି କି ବିଦ୍ୟାଳୟରେ ପଢୁଥିବା ପିଲାମାନଙ୍କ ପାଠ ପଢା ବନ୍ଦ କରିବାକୁ ବି ଚେତାବନୀ ଦେଉଛନ୍ତି।