ଖାଇବାକୁ ଚାହୁଁଛନ୍ତି କି ଦାମୀ Pizza, ଦାମ୍ ୨୬ ହଜାର ୩୦୦ ଟଙ୍କା

ସନ୍ଧ୍ୟା ସମୟରେ ହେଉ ବା କୌଣସି ଛୁଟିଦିନ କି କାହାର ବର୍ଥ ଡେ ପାର୍ଟିରେ ଏବେ ଖାଦ୍ୟ ସାଙ୍ଗରେ ସାମିଲ ହେଉଛି ପିଜା । ୫୦ ରୁ ଆରମ୍ଭ କରି ୫ ହଜାର ଯାଏଁ ଟଙ୍କାର ପିଜାକୁ ଲୋକ ମାନେ ଖାଇବାକୁ ଖୁବ ପସନ୍ଦ କରୁଛନ୍ତି ହେଲେ ଏହା ଜାଣି ଆଶ୍ଚର୍ଯ୍ୟ ହେବେ ଯେ, ଏମିତି ଏକ ଦାମୀ ପିଜା ଯାହାର ଦାମ୍ ଶୁଣିଲେ ଆପଣଙ୍କ ହୋସ ଉଡ଼ିଯିବ । ଟୁନିସିଆରେ ରହିଛି ଏକ ଇଟାଲିୟାନ ରେସ୍ତୋରାଁ ଯାହାର ନାଁ L’antica Pizzeria Da Pietro । ଏହି ରେସ୍ତୋରାଁରେ ତିଆରି ହୋଇଛି ଏକ ପିଜା ଯାହାର ଦାମ୍ ରହିଛି  ୨୬ ହଜାର ୩୦୦ ଟଙ୍କା । 

ଏବେ ଆପଣଙ୍କ ମନରେ ଏ ପ୍ରଶ୍ନ ଉଠିବା ସ୍ବାଭାବିକ ଯେ, ପ୍ରକୃତରେ ସ୍ନାକ୍ସ ଆଇଟମରେ ଗଣାଯାଉଥିବା ଏହି ଇଟାଲିୟ (Italian Food) ଖାଦ୍ୟ ପିଜା (Pizza)ର ଦାମ ଏତେ ଅଧିକ କାହିଁକି । ଏକ ଇଣ୍ଟରନ୍ୟାସନାଲ ମିଡିଆ ରିପୋର୍ଟ ଅନୁଯାୟୀ, ଟୁନିସିଆର ଏହି ଇଟାଲିୟନ ରେସ୍ତୋରାଁ L’antica Pizzeria Da Pietro ସୁନାର ପିଜା ତିଆରି କରିଛି । ଏହାର ଅର୍ଥ ଏହି ପିଜାରେ ଲାଗିଛି ୨୪ କ୍ୟାରେଟ ଗୋଲ୍ଡ (24 Carat Gold) ର ସୁନା ପତ୍ର, ସ୍ମୋକଡ ଡକ୍ ବ୍ରେଷ୍ଟ ସହ ବିଭିନ୍ନ ପ୍ରକାରର ସୁସ୍ବାଦୁ ବ୍ୟଞ୍ଜନରେ ଏହା ପ୍ରସ୍ତୁତ ହୋଇଛି ।

କେବଳ ଏତିକି ନୁହେଁ ଏଥିରେ ସୁନାର ବ୍ୟବହାର ବହୁଳ ମାତ୍ରାରେ କରାଯାଇଛି। ଯଥା, ଗୋଲ୍ଡ ସ୍ପ୍ରେ (Gold Spray) ସହ ବ୍ଲାକ ଚାରକୋଲ୍, ବହୁ ଦାମୀ ଫୁଲର ବ୍ୟବହାର କରାଯାଇଛି । ତେଣୁ ଏହାର ଦାମ ଏତେ ଅଧିକ। ଦାମ ରହିଛି ଡଲାର ୩୬୦ ଅର୍ଥାତ୍ ୨୬ ହଜାର ୩୦୦ ଟଙ୍କା । ରିପୋର୍ଟ ଅନୁସାରେ, ଏମିତି ଏକ ଦାମୀ ପିଜା ତିଆରି କରି ସବୁ ରେକର୍ଡ ଭାଙ୍ଗିବାକୁ ଚାହାଁନ୍ତି ।

ତେବେ ଏହାର ଫଟୋ ଆସିବା ପରେ ଚାରିଆଡ଼େ ଚର୍ଚ୍ଚା । ଏତେ ଦାମୀ ପିଜା (Expensive Pizza) କିଏ କିଣୁଛି ଓ କିଏ ଏହି ରେକର୍ଡକୁ ଭାଙ୍ଗୁଛି ତାହା ଦେଖିବାକୁ ବାକି ରହିଲା ।