ଦେଶରେ ପ୍ରଥମ ଥର ପାଇଁ ୩ ଲକ୍ଷ ଡେଇଁଲା ଆକ୍ଟିଭ କେସ

ନୂଆଦିଲ୍ଲୀ: ସାଂଘାତିକ ହେବ କି କୋରୋନା ସ୍ଥିତି ? ଭାରତରେ ପ୍ରଥମ ଥର ପାଇଁ ୩ ଲକ୍ଷ ଡେଇଁଲା ଆକ୍ଟିଭ କେସ୍ । ଆକ୍ରାନ୍ତଙ୍କ ସଂଖ୍ୟା ମଧ୍ୟ ବଢ଼ିଚାଳିଛି । ଆଗକୁ ଆକ୍ଟିଭ କେସ୍ ସଂଖ୍ୟା ତୀବ୍ର ଗତିରେ ବୃଦ୍ଧି ପାଇବାର ଆଶଙ୍କା ରହୁଛି । ଯଦି ଏପରି ହୁଏ, ତେବେ ଅଧିକ ସଂଖ୍ୟକ କୋଭିଡ ବେଡ ଆବଶ୍ୟକ ହେବ । କୋରୋନା ମୁକାବିଲା ସରକାରଙ୍କ ପାଇଁ ଏବେ ବଡ଼ ଆହ୍ୱାନ ଭାବେ ମୁଣ୍ଡ ଟେକିସାରିଛି । 

ଗତ ୨୪ ଘଣ୍ଟା ମଧ୍ୟରେ ଦେଶରେ ୨୮ ହଜାର ୭୦୧ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ୫ଶହ ଲୋକଙ୍କ ଜୀବନ ଯାଇଛି । ଆଉ ଏହାକୁ ମିଶାଇ ଦେଶରେ ଆକ୍ରାନ୍ତଙ୍କ ସଂଖ୍ୟା ୮ଲକ୍ଷ ୭୮ ହଜାର ୨୫୪ରେ ପହଞ୍ଚିସାରିଲାଣି । ଅନ୍ୟପଟେ ୨୩ ହଜାର ୧୭୪ ଜଣଙ୍କ ମୃତ୍ୟୁ ମଧ୍ୟ ହେଲାଣି । 

28,701 new COVID19 cases & 500 deaths reported in India in the last 24 hours. Total positive cases stand at 8,78,254 including 3,01,609 active cases, 5,53,471
cured/discharged/migrated and 23,174 deaths: Ministry of Health pic.twitter.com/wEBpsyXnSs

— ANI (@ANI) July 13, 2020

ତେବେ କୋରୋନା ସଙ୍କଟ ମଧ୍ୟରେ ଆଶ୍ୱସ୍ତିକର ଖବର ଏହା ଯେ, ଏପର୍ଯ୍ୟନ୍ତ ୫ଲକ୍ଷ ୫୩ ହଜାର ୪୭୧ ଜଣ ଆକ୍ରାନ୍ତ ସୁସ୍ଥ ହୋଇସାରିଲାଣି । ଏବେ ୩ଲକ୍ଷ ୧ ହଜାର ୬୦୯ଟି ଆକ୍ଟିଭ କେସ ରହିଛି ।