ତୃତୀୟ ଥର ବିବାହ କରିବାକୁ ନେଇ ପ୍ରସ୍ତୁତ ହେଉଛନ୍ତି ଆମୀର! କୋ-ଷ୍ଟାରଙ୍କ ସହ ସମ୍ପର୍କକୁ ନେଇ ଚର୍ଚ୍ଚା

ବଲିଉଡ ଇଣ୍ଡଷ୍ଟ୍ରିରେ ମଧ୍ୟ ବିବାହ ସିଜିନ୍ ଚାଲିଛି । କିଛିଦିନ ତଳେ ରାଜକୁମାର ରାଓ ଏବଂ ପତ୍ରଲେଖା ବିବାହ କରି ନିଜର ନୂତନ ଜୀବନ ଆରମ୍ଭ କରିଛନ୍ତି ଏବଂ ବର୍ତ୍ତମାନ ସମସ୍ତଙ୍କ ଆଖି କ୍ୟାଟ୍ରିନା କୈଫ ଏବଂ ଭିକି କୌଶଲଙ୍କ ବିବାହ ଉପରେ ରହିଛି, ଯାହା ଡିସେମ୍ବର ଦ୍ୱିତୀୟ ସପ୍ତାହରେ ହେବ । କିନ୍ତୁ ବର୍ତ୍ତମାନ ଖବର ଆସୁଛି ଯେ ଆମୀର ଖାନ (Aamir Khan) ମଧ୍ୟ ତୃତୀୟ ଥର ବିବାହ କରିବାକୁ ଯାଉଛନ୍ତି । ନିକଟରେ ଆମୀର ଖାନ ହଠାତ୍ ନିଜ ପତ୍ନୀ କିରଣ ରାଓଙ୍କୁ (Kiran Rao) ଛାଡପତ୍ର ଦେଇଥିଲେ । ସେହି ସମୟ ମଧ୍ୟରେ ଦୁହେଁ ଏକ ମିଳିତ ବୟାନ ଜାରି କରି କହିଥିଲେ ଯେ ବର୍ତ୍ତମାନ ଆମେ ଦୁହେଁ ସ୍ୱାମୀ-ସ୍ତ୍ରୀ ନୋହୁଁ କିନ୍ତୁ ଆମେ କୋ-ପେରେଣ୍ଟସ ଏବଂ ପରସ୍ପରର ପରିବାର ସହିତ ଜଡିତ ରହିବୁ । ଆମୀର ଖାନ ଏବଂ କିରଣ ରାଓଙ୍କ ଏହି ବୟାନ ଲୋକଙ୍କୁ ଆଶ୍ଚର୍ଯ୍ୟ କରିଥିଲା ।

ଏହି ଷ୍ଟାରଙ୍କୁ ବିବାହ କରିବେ ଆମୀର ଖାନ!
ଏଥି ସହିତ, ସୋସିଆଲ ମିଡିଆରେ ଏବେ ଏକ ଆଲୋଚନା ହେଉଛି ଯେ ଆମୀର ଖାନ ତୃତୀୟ ଥର ବିବାହ କରିବାକୁ ଯୋଜନା କରୁଛନ୍ତି ଏବଂ ଅଭିନେତା ଖୁବ୍ ଶୀଘ୍ର ତୃତୀୟ ବିବାହ କରୁଥିବାର ନଜର ଆସିବେ । ଏହା ମଧ୍ୟ ଦାବି ହେଉଛି ଯେ ଆମିର ଖାନ ନିଜର ଆଗାମୀ ଫିଲ୍ମ 'ଲାଲ ସିଂ ଖଡ୍ଡା'ର ରିଲିଜ ପରେ ବିବାହ କରିବାକୁ ଘୋଷଣା କରିବେ । ଏହି ଫିଲ୍ମ ଆସନ୍ତା ବର୍ଷ ଏପ୍ରିଲରେ ରିଲିଜ ହେବ । ଏହି କାରଣରୁ, ବିଶ୍ୱାସ କରାଯାଏ ଯେ ଆମୀର ଆସନ୍ତା ବର୍ଷ ଏପ୍ରିଲରେ ପ୍ରଶଂସକଙ୍କୁ ନିଜ ବିବାହ ବିଷୟରେ ସୂଚନା ଦେଇପାରନ୍ତି । କେବଳ ଏତିକି ନୁହେଁ, ଯଦି ଗୁଜ୍ଜବକୁ ବିଶ୍ୱାସ କରାଯାଏ, ତେବେ ଆମୀର ଖାନ ତାଙ୍କର ଜଣେ କୋ-ଷ୍ଟାରଙ୍କ ସହିତ ନିଜର ତୃତୀୟ ବିବାହ କରିବେ । 

ଆମୀରଙ୍କ ଛାଡପତ୍ର ପରେ ଟ୍ରୋଲ ହୋଇଥିଲେ ଫାତିମା ସାନା ଶେଖ
ଅମୀର ଖାନ ଏବଂ କିରଣ ରାଓଙ୍କ ହଠାତ୍ ଛାଡପତ୍ର ପରେ ଅଭିନେତ୍ରୀ ଫାତିମା ସାନା ଶେଖ ସୋସିଆଲ ମିଡିଆରେ ଟ୍ରୋଲ ହୋଇଥିଲେ । ଫାତିମା ଆମିର ଖାନଙ୍କ ସହ 'ଦଙ୍ଗଲ' ଏବଂ 'ଥଗ୍ସ ଅଫ୍ ହିନ୍ଦୁସ୍ତାନ'ରେ ନଜର ଆସିଥିଲେ । ଏକ ଗୁଜବ ଥିଲା ଯେ ଆମୀର ଖାନ ଏବଂ ଫାତିମା ସାନା ଶେଖ ରିଲେସେନସିପରେ ଅଛନ୍ତି । ଯଦିଓ ଧୀରେ ଧୀରେ ଏହି ଗୁଜବ ଶାନ୍ତ ପଡିଯାଇଥିଲା ।

ଦୁଇଥର ବିବାହ କରିସାରିଛନ୍ତି ଅମୀର ଖାନ
ଅମୀର ଖାନ ବର୍ତ୍ତମାନ ପର୍ଯ୍ୟନ୍ତ ଦୁଇଥର ବିବାହ କରି ସାରିଛନ୍ତି । ଅଭିନେତା ପ୍ରଥମେ ୧୯୮୭ ରେ ରିନା ଦତ୍ତାଙ୍କୁ ବିବାହ କରିଥିଲେ । ୨୦୦୨ ମସିହାରେ ଉଭୟ ଛାଡପତ୍ର ଦେଇ ଦେଇଥିଲେ । ଏହା ପରେ ଆମୀର ଖାନ କିରଣ ରାଓଙ୍କ ହାତ ଧରିଥିଲେ, କିନ୍ତୁ ଉଭୟଙ୍କ ମଧ୍ୟରେ ସମ୍ପର୍କ ମଧ୍ୟ ବେଶୀ ଦିନ ରହି ନ ଥିଲା । ଆମୀର ଖାନଙ୍କର ଇରା ଖାନ, ଜୁନେଦ ଖାନ ଏବଂ ଆଜାଦ ରାଓ ଖାନ ନାମକ ତିନୋଟି ସନ୍ତାନ ଅଛନ୍ତି ।