'ଭୋଟ୍ ବ୍ୟାଙ୍କ ପାଇଁ ଟିପୁ ସୁଲତାନଙ୍କ ପ୍ରତିମୂର୍ତ୍ତି ସ୍ଥାପନ କରୁଛି ଆନ୍ଧ୍ର ସରକାର'

ବିଜେପିର ଆନ୍ଦ୍ରପ୍ରଦେଶ ସହ-ପ୍ରଭାରୀ ଦାୟିତ୍ୱରେ ଥିବା ସୁନୀଲ ଦେଓଧର କହିଛନ୍ତି ଯେ ଭୋଟ୍ ବ୍ୟାଙ୍କ ରାଜନୀତି ପାଇଁ ଟିପୁ ସୁଲତାନଙ୍କ ପ୍ରତିମୂର୍ତ୍ତି ସ୍ଥାପନ କରିବାକୁ YSR କଂଗ୍ରେସ ପାର୍ଟି ସରକାର ଚେଷ୍ଟା କରୁଛି ।

ନୂଆଦିଲ୍ଲୀ: ଆନ୍ଧ୍ରପ୍ରଦେଶର ପ୍ରୋଡାଟୁରରେ (କାଡ଼ପା) ଟିପୁ ସୁଲତାନଙ୍କ ପ୍ରତିମୂର୍ତ୍ତି ସ୍ଥାପନ ପ୍ରସ୍ତାବକୁ (Tipu Sultan's statue) ବିଜେପି ଦୃଢ଼ ବିରୋଧ କରିଛି । ବିଜେପିର ଆନ୍ଧ୍ରପ୍ରଦେଶ ରାଜ୍ୟ ସହ-ପ୍ରଭାରୀ ଦାୟିତ୍ୱରେ ଥିବା ସୁନୀଲ ଦେଓଧର (Sunil Deodhar) କହିଛନ୍ତି ଯେ ଭୋଟ୍ ବ୍ୟାଙ୍କ ରାଜନୀତିରେ ଟିପୁ ସୁଲତାନଙ୍କ ପ୍ରତିମୂର୍ତ୍ତି ସ୍ଥାପନ କରିବାକୁ YSR କଂଗ୍ରେସ ପାର୍ଟି ସରକାର ଚେଷ୍ଟା କରୁଛନ୍ତି । ଦେଓଧର କହିଛନ୍ତି, “ଟିପୁ ସୁଲତାନ ନିଜ ଶାସନ କାଳରେ ହଜାର ହଜାର ହିନ୍ଦୁଙ୍କୁ ହତ୍ୟା କରିଥିଲେ ଓ ଲକ୍ଷ ଲକ୍ଷ ଲୋକଙ୍କୁ ଇସଲାମ ଧର୍ମ (Islam religion) ଗ୍ରହଣ କରିବାକୁ ବାଧ୍ୟ କରିଥିଲେ । ଏଭଳି ଶାସକଙ୍କ ପ୍ରତିମୂର୍ତ୍ତି ସ୍ଥାପନ ପାଇଁ ଜଗନ୍ ମୋହନ ସରକାରଙ୍କ ନିଷ୍ପତ୍ତିକୁ ଆମେ ବରଦାସ୍ତ କରିବୁ ନାହିଁ ।"

ବିଜେପି ନେତା ଅଭିଯୋଗ କରିଛନ୍ତି ଯେ ରାଜ୍ୟ ସରକାର ପରୋକ୍ଷରେ ଖ୍ରୀଷ୍ଟିଆନ ଧର୍ମ (Christian religion) ଗ୍ରହଣକୁ ସମର୍ଥନ କରୁଛନ୍ତି । ସେ କହିଛନ୍ତି ଯେ ଯଦି ରାଜ୍ୟ ସରକାରଙ୍କୁ ପ୍ରତିମୂର୍ତ୍ତି ସ୍ଥାପନ କରିବାର ଅଛି, ତେବେ ପୂର୍ବତନ ରାଷ୍ଟ୍ରପତି ଏପିଜେ ଅବଦୁଲ କଲାମ ପ୍ରତିମୂର୍ତ୍ତି ସ୍ଥାପନ କରିବା ଉଚିତ । ଏହି ପ୍ରତିମୂର୍ତ୍ତି ପାଇଁ ସ୍ଥାନୀୟ ବିଧାୟକଙ୍କ ଦ୍ୱାରା ନିର୍ମିତ ମୂଳଦୁଆକୁ ତୁରନ୍ତ ହଟାଇବାକୁ ବିଜେପି (BJP) ରାଜ୍ୟ ସଭାପତି ସୋମୁ ଭେରାଜୁ ଦାବି କରିଛନ୍ତି । ଦଳର ରାଜ୍ୟ ସାଧାରଣ ସମ୍ପାଦକ ଏସ୍ ବିଷ୍ଣୁ ବର୍ଦ୍ଧନ ରେଡ୍ଡୀ ଏହି ପ୍ରତିମୂର୍ତ୍ତି ସ୍ଥାପନ ନିଷ୍ପତ୍ତି ପ୍ରତ୍ୟାହାର ନ ହେଲେ ରାଜ୍ୟବ୍ୟାପୀ ବିରୋଧ ପ୍ରଦର୍ଶନ କରିବାକୁ ଚେତାବନୀ ଦେଇଛନ୍ତି ।

ଅଧିକ ପଢ଼ନ୍ତୁ: Driving License ପାଇଁ ଦେବାକୁ ପଡିବ ନାହିଁ ଟେଷ୍ଟ, ୧ ଜୁଲାଇରୁ ବଦଳିବ ଏହି ନିୟମ

ମଙ୍ଗଳବାର ଦିନ ବିଜେପି ରାଜ୍ୟ ସାଧାରଣ ସମ୍ପାଦକ ଏସ ବିଷ୍ଣୁ ବର୍ଦ୍ଧନ ରେଡ୍ଡୀ (S. Vishnuvardhan Reddy) ଜିଲ୍ଲା କଲେକ୍ଟର ତଥା ପୋଲିସ ଅଧୀକ୍ଷକଙ୍କ ନିକଟରେ ଏକ ସମସ୍ତଙ୍କ ତରଫରୁ ଏକ ଉପସ୍ଥାପନା ପତ୍ର ଦେଇ ଏହି ପଦକ୍ଷେପକୁ ରୋକିବା ପାଇଁ ତାଙ୍କ ହସ୍ତକ୍ଷେପ ଲୋଡିଛନ୍ତି । ଯେଉଁ ପତ୍ରରେ ବେଆଇନ ଭାବେ ଏକ ପ୍ରତିମା ସ୍ଥାପନ କରିବାର ପ୍ରୟାସ କରାଯଇଛି ବୋଲି ସେ କହିଛନ୍ତି ।

କଲେକ୍ଟରଙ୍କ ନେତୃତ୍ୱରେ ଜିଲ୍ଲା ପ୍ରତିମୂର୍ତ୍ତି କମିଟି ଏହାକୁ ଅନୁମୋଦନ କରିନଥିବା ଦାବି କରି ସେ ବିଧାୟକଙ୍କୁ ଏକତରଫା ଭାବେ ଏହି ଯୋଜନା ଅନୁସରଣ କରୁଥିବା ଅଭିଯୋଗ କରିଛନ୍ତି ।

ଅଧିକ ପଢ଼ନ୍ତୁ: ଭଲ ଖବର! କେନ୍ଦ୍ର ସରକାର ଏହି ମାସରେ କୃଷକଙ୍କ ଆକାଉଣ୍ଟକୁ ଟ୍ରାନ୍ସଫର କରିବେ ୪୦୦୦ ଟଙ୍କା

ଶ୍ରୀ ବିଷ୍ଣୁଭାରଦ୍ ରେଡ୍ଡୀ କହିଛନ୍ତି “କମିଟିରୁ ଅନୁମୋଦନ ପାଇବା ଏକ ସାମ୍ବିଧାନିକ ଆବଶ୍ୟକତା, କିନ୍ତୁ କାଡ଼ପାରେ ଏହାର ବ୍ୟତିକ୍ରମ ବୋଲି ମନେହୁଏ । YSRCP ନେତାମାନେ ଅନୁଭବ କରୁଛନ୍ତି ଯେ ମୁଖ୍ୟମନ୍ତ୍ରୀଙ୍କ ଜିଲ୍ଲା ସାମ୍ବିଧାନିକ ଦୃଷ୍ଟିକୋଣରୁ ବାହାରେ ।"