#bangaloreriots: ହିଂସାକାଣ୍ଡ ଘଟଣାରେ ୧୧୦ ଗିରଫ, ୩ ମୃତ

#bangaloreriots: କର୍ଣ୍ଣାଟକରେ ହୋଇଥିବା ହିଂସାକାଣ୍ଡ ଘଟଣାରେ ୧୧୦ ଜଣଙ୍କୁ ଗିରଫ କରାଯାଇଥିବା, ପୋଲିସ କାର୍ଯ୍ୟାନୁଷ୍ଠାନରେ ୩ ଜଣଙ୍କ ମୃତ୍ୟୁ ଘଟିଛି ।

ବେଙ୍ଗାଲୁରୁ: ବିବାଦୀୟ ଫେସବୁକ ପୋଷ୍ଟକୁ ନେଇ ବେଙ୍ଗାଲୁରୁ ସହରରେ ହୋଇଥିବା ହିଂସାକାଣ୍ଡ ଘଟଣା (bengaluruviolence)ରେ ୧୧୦ ଜଣଙ୍କୁ ଗିରଫ କରାଯାଇଥିବା ବେଳେ, ଦଙ୍ଗାକୁ ନିୟନ୍ତ୍ରଣ କରିବା ଲାଗି ପୋଲିସ କାର୍ଯ୍ୟ ପକ୍ଷରୁ  ଗ୍ରହଣ କରାଯାଇଥିବା କାର୍ଯ୍ୟାନୁଷ୍ଠାନରେ ୩ ଜଣଙ୍କ ମୃତ୍ୟୁ ଘଟିଛି।

ବେଙ୍ଗାଲୁରୁ ହିଂସାକାଣ୍ଡ ଘଟଣାରେ ୬୦ ପୋଲିସ କର୍ମୀ ଏବଂ ଜଣେ ଆଡିସନାଲ କମିସନର ଅଫ ପୋଲିସ-ଏସିପି (Additional Commissioner of Police) ଆହତ ହୋଇଥିବା ନେଇ ବେଙ୍ଗାଲୁରୁ ପୋଲିସ କମିଶନର (Bengaluru Police Commissioner) କମଲ ପନ୍ତ (Kamal Pant) କହିଛନ୍ତି । କର୍ଣ୍ଣାଟକର ଡିଜେ ହାଲି (DJ Halli) ଓ କେଜି ହାଲି (KG Halli) ପୋଲିସ ଥାନା ଅଞ୍ଚଳରେ ଏପରି ଘଟଣା ଘଟିଛି ।

ହିଂସାକାଣ୍ଡକୁ ରୋକିବା ଲାଗି ସିଆରପିସି ସେକ୍ସନ (CrPc Section 144) ୧୪୪ ଧାରା ଜାରି କରାଯାଇଛି । ଏହା ସହିତ ପରିସ୍ଥିତି ଉପରେ ତୀକ୍ଷ୍ଣ ନଜର ରଖିଛି ପୋଲିସ । 

With regard to incidents in DJ Halli, accused Naveen arrested for posting derogatory posts.. also total 110 accused arrested for arson, stone pelting and assault on police. APPEAL TO ALL TO COOPERATE WITH POLICE TO MAINTAIN PEACE.

— Kamal Pant, IPS (@CPBlr) August 11, 2020

ଏହି ଘଟଣାକୁ ନିନ୍ଦା କରିଛନ୍ତି କର୍ଣ୍ଣାଟକ ଗୃହମନ୍ତ୍ରୀ ବାସଭରାଜ ବୋମାଇ । ଏହା ସହିତ ଆଇନ ଶୃଙ୍ଖଳା ପରିସ୍ଥିତି ବଜାୟ ରଖିବା ଲାଗି  ଲୋକଙ୍କୁ ନିବେଦନ କରିଛନ୍ତି ସେ । ବିବାଦୀୟ ପୋଷ୍ଟ କରିବା ଘଟଣାରେ ଜଡିତ ଅଭିଯୁକ୍ତ ନବୀନକୁ ଗିରଫ କରାଯାଇଥିବା ନେଇ ଜଣାଇଛନ୍ତି ବେଙ୍ଗାଲୁରୁ ପୋଲିସ କମିଶନର । ଗିରଫ ଅଭିଯୁକ୍ତ କର୍ଣ୍ଣାଟକର ପୁଲକେଶୀନଗର ବିଧାନସଭା ଆସନର କଂଗ୍ରେସ ବିଧାୟକ ଅଖାଣ୍ଡ ଶ୍ରୀନିବାସ ମୂର୍ତ୍ତିଙ୍କ ସମ୍ପର୍କୀୟ।

ବିଧାୟକଙ୍କ ସମ୍ପର୍କୀୟ ଦ୍ୱାରା କରାଯାଇଥିବା ଏକ ବିବାଦୀୟ ପୋଷ୍ଟକୁ ନେଇ ଉତ୍ତକ୍ଷିପ୍ତ ହୋଇପଡିଥିଲା ଏକ ନିର୍ଦ୍ଧିଷ୍ଟ ସମ୍ପ୍ରଦାୟ। ଏ ଘଟଣାରେ ଉତ୍ତ୍ୟକ୍ତ ହୋଇ ପଡିଥିବା ସମ୍ପ୍ରାଦାୟର ଲୋକେ ବିଧାୟକଙ୍କ ବାସଭବନ ଉପରକୁ ଢେଲାପଥର ମାଡ କରିଥିଲେ । ଏପରି ହିଂସାତ୍ମକ ଘଟଣାରେ ପ୍ରାୟ ୫୦ ଲୋକ ଆହତ ହୋଇଛନ୍ତି । ଏପରିକି ପୋଲିସ ଥାନା ମଧ୍ୟ ଆକ୍ରମଣକାରୀଙ୍କ ରୋଷରୁ ବର୍ତ୍ତି ପାରିନାହିଁ ।   

ଏ ଘଟଣାରେ ପ୍ରତିକ୍ରିୟା ରଖି କର୍ଣ୍ଣାଟକ ମୁଖ୍ୟମନ୍ତ୍ରୀ ବିଏସ ୟେଦିୟୁରାପ୍ପା କହିଛନ୍ତି ଏ ଘଟଣାରେ ଜଡିତ ଥିବା ବ୍ୟକ୍ତିବିଶେଷଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବା ଲାଗି ବିଭାଗୀୟ କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦିଆଯାଇଛି । ପୋଲିସ ଏବଂ ଗଣମାଧ୍ୟମ ପ୍ରତିନିଧିଙ୍କ ବିରୁଦ୍ଧରେ ହୋଇଥିବା ଏପରି ଆକ୍ରମଣ ଗ୍ରହଣ ଯୋଗ୍ୟ ନୁହେଁ । ଆଇନ ଶୃଙ୍ଖଳା ବଜାୟ ରଖିବା ଲାଗି ଆବଶ୍ୟକୀୟ ପଦକ୍ଷେପ ନିଆଯିବ । ଶାନ୍ତି ବଜାୟ ରଖିବାକୁ ମୁଖ୍ୟମନ୍ତ୍ରୀ ରାଜ୍ୟବାସୀଙ୍କୁ  ଅନୁରୋଧ କରିଛନ୍ତି ।