ଚଳିତ ଦଶକର ଶ୍ରେଷ୍ଠ କ୍ରିକେଟ ଟିମ, ଧୋନି ଅଧିନାୟକ

ଚଳିତ ଦଶକର ଶ୍ରେଷ୍ଠ କ୍ରିକେଟ ଟିମ, ଧୋନି ଅଧିନାୟକ

ଚଳିତ ଦଶକର ସର୍ବଶ୍ରେଷ୍ଠ କ୍ରିକେଟ ଟିମ ଚୟନ କରିଛି ଅଷ୍ଟ୍ରେଲିଆ କ୍ରିକେଟ ଆସୋସିଏସନ

ଚଳିତ ଦଶକର ଶ୍ରେଷ୍ଠ କ୍ରିକେଟ ଟିମ, ଧୋନି ଅଧିନାୟକ

ନୂଆଦିଲ୍ଲୀ: ଚଳିତ ଦଶକର ସର୍ବଶ୍ରେଷ୍ଠ କ୍ରିକେଟ ଟିମ ଚୟନ କରିଛି ଅଷ୍ଟ୍ରେଲିଆ କ୍ରିକେଟ ଆସୋସିଏସନ । ଚୟନ କରାଯାଇଥିବା ଟିମରେ ଭାରତର 3 ଜଣ ସର୍ବଶ୍ରେଷ୍ଠ କ୍ରିକେଟର ସ୍ଥାନ ପାଇଛନ୍ତି । ମାତ୍ର ଦୁଃଖର କଥା ଏଥିରେ ପାକିସ୍ଥାନ ଦଳର କୌଣସି ଖେଳାଳିଙ୍କୁ ସ୍ଥାନ ମିଳିନାହିଁ । ଭାରତର ପକ୍ଷରୁ ମହେନ୍ଦ୍ର ସିଂହ ଧୋନୀ, ବିରାଟ କୋହଲି ଏବଂ ରୋହିତ ଶର୍ମା ସ୍ଥାନ ପାଇଛନ୍ତି । 

ଭାରତର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀଙ୍କୁ ଚୟନକର୍ତ୍ତା ଓ୍ୱିକେଟ କିପର ଏବଂ ଅଧିନାୟକ ଭାବେ ମନୋନୀତ କରିଛନ୍ତି । ସେହିପରି ରୋହିତ ଶର୍ମାଙ୍କୁ ଓପନର ଦାୟିତ୍ୱ ଦେଇଛନ୍ତି ଚୟନକର୍ତ୍ତା । ତେବେ ତୃତୀୟ ସ୍ଥାନରେ ରହିଛନ୍ତି ବିରାଟ କୋହଲି । 

ସେପଟେ ଏହି ଟିମ ପାଇଁ ପାକିସ୍ତାନ ଦଳର କୌଣସି ଖେଳାଳିଙ୍କୁ ସ୍ଥାନ ମିଳିନାହିଁ । ଦଳର କୌଣସି ଖେଳାଳିଙ୍କୁ ଚୟନକର୍ତ୍ତା ମନୋନୀତ କରିନଥିବା ବେଳେ ଆଫଗାନିସ୍ତାନର ବୋଲର ରଶିଦ ଖାନକୁ ଏହି ଦଳରେ ସ୍ଥାନ ମିଳିଛି । ସେହିପରି ବାଂଲାଦେଶର ଅଲରାଉଣ୍ଡର ସାକିବ ଅଲ ହାସିମ ଅମ୍ଳାଙ୍କୁ ମଧ୍ୟ ଦଳରେ ଦେଖିବାକୁ ମିଳିବ । ଦକ୍ଷିଣ ଆଫ୍ରିକାର ଏବି ଡିଭିଲିୟର୍ସ ଏବଂ ହାସିମ ଆମଲାଙ୍କୁ ମନୋନୀତ କରାଯାଇଛି । ଅଷ୍ଟ୍ରେଲିଆର ଏକମାତ୍ର ଖେଳାଳି ମିଶେଲ ଷ୍ଟାର୍କଙ୍କୁ ଦଳରେ ସ୍ଥାନ ମିଳିଛି । 

ସେହିଭଳି ବୋଲିଂ ବିଭାଗକୁ ସମ୍ଭାଳିବା ପାଇଁ ଚୟନକର୍ତ୍ତା ଶ୍ରୀଲଙ୍କାର ଘାତକ ବୋଲର ଲାସିଥ ମାଲିଙ୍ଗା ଏବଂ ନ୍ୟୁଜିଲାଣ୍ଡର ଟ୍ରେଣ୍ଟ ବୋଲ୍ଟଙ୍କୁ ମନୋନୀତ କରିଛନ୍ତି । ସେହିପରି ବ୍ୟାଟିଂ ବିଭାଗରେ ଜସ ବଟଲରଙ୍କୁ ଦଳରେ ସ୍ଥାନ ମିଳିଛି । 

ଟିମ
ରୋହିତ ଶର୍ମା, ହାସିମ ଅମ୍ଲା, ବିରାଟ କୋହଲି, ଏବି ଡିଭିଲିୟର୍ସ, ଶାକିବ ଅଲ ହାସନ, ଜଶ ବଟଲର, ଏମ ଏସ ଧୋନୀ(ଅଧିନାୟକ), ରାଶିଦ ଖାନ, ମିଶେଲ ଷ୍ଟାର୍କ, ଟ୍ରେଣ୍ଟ ବୋଲ୍ଟ ଏବଂ ଲାସିଥ ମାଲିଙ୍ଗା । 

Trending news