ମଦ୍ୟପଙ୍କ ପାଇଁ ଏକ ବଡ଼ ଖବର, ଭୁଲରେ ମଧ୍ୟ କରନ୍ତୁ ନାହିଁ ଏହି କାମ

ନୂଆଦିଲ୍ଲୀ: ମଦ୍ୟପଙ୍କ (Drunkard) ପାଇଁ ଏକ ବଡ଼ ଖବର ରହିଛି । ମଦ ପିଉଥିବା ଲୋକଙ୍କ ପାଇଁ ସରକାର (Government of India) ଏକ ବଡ ଚେତାବନୀ ଦେଇଛନ୍ତି । ଏ ବାବଦରେ ପୋଲିସ (Police) ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପ୍ରସ୍ତୁତ ରହିଛି । ଏପରି ପରିସ୍ଥିତିରେ, ଆପଣଙ୍କୁ ମଦ୍ୟପାନ ସହିତ ଜଡିତ ନିୟମ ମାନିବାକୁ ପରାମର୍ଶ ଦିଆଯାଇଛି । ବାସ୍ତବରେ, ଯେଉଁମାନେ ଗାଡି ଚଳାଇବା ସମୟରେ ମଦ୍ୟପାନ କରିଥାନ୍ତି ସେମାନଙ୍କ ପାଇଁ ସଡକ ପରିବହନ ଏବଂ ରାଜପଥ ମନ୍ତ୍ରଣାଳୟ (Ministry of Road Transport & Highways) କହିଛି ଯେ ମଦ୍ୟପାନ କରି ଗାଡି ଚଳାନ୍ତୁ ନାହିଁ, ମଦ୍ୟପାନ ଯୋଗୁଁ ଆପଣଙ୍କ ଜୀବନ ମଧ୍ୟ ଚାଲି  ଯାଇପାରେ ।

ମଦ୍ୟପାନ କରି ଗାଡ଼ି ଚଲାଇ ଧରାପଡ଼ିଲେ କେତେ ଟଙ୍କା କଟାଯାଏ ଚାଲାଣ  
ମଦ୍ୟପାନ କରି ଗାଡ଼ି ଚଲାଇ ଧରାପଡ଼ିବା ସମୟରେ ଡ୍ରାଇଭରକୁ ୨ ବର୍ଷ ଜେଲ ଦଣ୍ଡ ସହ ୧୫,୦୦୦ ଟଙ୍କା ଜରିମାନା ଦେବାକୁ ପଡିପାରେ । ମୋଟର ଯାନ ଅଧିନିୟମର (Motor Vehicles Act) ଧାରା ୧୮୫ ଅନୁଯାୟୀ, ପ୍ରଥମ ଥର ଏପରି କଲେ ଆପଣ ୧୦୦୦୦ ଟଙ୍କା ଫାଇନ କିମ୍ବା ୬ ମାସ ଜେଲରେ ହୋଇପାରେ ଏବଂ ଯଦି ପୁନର୍ବାର ଏପରି ଭୁଲ୍ କରି ଧରାପଡ଼ନ୍ତି ତେବେ ଆପଣଙ୍କୁ ୨ ବର୍ଷ ଜେଲ ଏବଂ ୧୫୦୦୦ ଟଙ୍କା ଜରିମାନା ଦେବାକୁ ପଡିପାରେ ।

ଭାରତରେ ପ୍ରତିବର୍ଷ ପ୍ରାୟ ୧.୫ ଲକ୍ଷ ଲୋକ ସଡ଼କ ଦୁର୍ଘଟଣାରେ ମୃତ୍ୟୁ ବରଣ କରନ୍ତି
ନିକଟରେ ଭାରତରେ ସଡ଼କ ଦୁର୍ଘଟଣା ସମ୍ପର୍କରେ ଚିନ୍ତାଜନକ ପରିସଂଖ୍ୟାନ ମଧ୍ୟ ପ୍ରକାଶ ପାଇଛି । ଦୁର୍ଘଟଣା ସମ୍ପର୍କରେ କେନ୍ଦ୍ର ମନ୍ତ୍ରୀ ନିତିନ ଗଡକରୀ କହିଛନ୍ତି ଯେ ଭାରତରେ ପ୍ରତିବର୍ଷ ୫ ଲକ୍ଷ ସଡ଼କ ଦୁର୍ଘଟଣା ଘଟିଥାଏ, ଯାହାକି ବିଶ୍ୱରେ ସର୍ବାଧିକ ।

ଏହି ଦୁର୍ଘଟଣାରେ ପ୍ରାୟ ୧.୫ ଲକ୍ଷ ଲୋକଙ୍କର ମୃତ୍ୟୁ ଘଟିଛି ଏବଂ ୩ ଲକ୍ଷ ଲୋକ ଗୁରୁତର ଆହତ ହୋଇଛନ୍ତି । ଗଡକରୀ କହିଥିଲେ ଯେ ଦୁର୍ଭାଗ୍ୟଜନକ ଯେ ମୃତ୍ୟୁର ୭୦ ପ୍ରତିଶତ ୧୮ ରୁ ୪୫ ବର୍ଷ ବୟସରେ ହୋଇଥାଏ । ସଡକ ସୁରକ୍ଷା ଆମ ସରକାରଙ୍କ ସର୍ବୋଚ୍ଚ ପ୍ରାଥମିକତା ।