BMC Election: ଉଦ୍ଧବଙ୍କୁ ଆଉ ଏକ ଝଟକା ଦେବ ବିଜେପି, ଜାଣନ୍ତୁ କଣ ରହିଛି ଯୋଜନା

BMC Election:  ମୁମ୍ବାଇ: ମୁମ୍ବାଇରେ ଆଗକୁ ହେବାକୁ ଥିବା ବୃହାନ ମୁମ୍ବାଇ ମ୍ୟୁନିସିପାଲିଟି କର୍ପୋରେସନ (ବିଏମସି) ନିର୍ବାଚନ ଲଢିବାକୁ ପ୍ରସ୍ତୁତ ହେଉଛି ବିଜେପି। ତେବେ ଏହି ନିର୍ବାଚନ ଅସଲି ଏକନାଥ ସିନ୍ଦେ ନେତୃତ୍ୱାଧିନ ଶିବସେନା ସହିତ ମିଶି ଲଢିବାକୁ ନିଷ୍ପତ୍ତି ନେଇଛି ବିଜେପି।  

ସେପଟେ ଏହି ନିର୍ବାଚନକୁ ମହାରାଷ୍ଟ୍ର ନବନିର୍ମାଣ ସେନା ଓ ଏକନାଥ ସିନ୍ଦେଙ୍କ ଶିବସେନା ସହିତ ମିଶି ଲଢିବା ନେଇ ଆଶଙ୍କା ପ୍ରକାଶ ପାଇଛି। ଏହି ଦାବିକୁ ନେଇ ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାବିସ କହିଛନ୍ତି କି ଏହା ଏକ ଗୁଜବ। ଏହାର କୌଣସି ଅସ୍ଥିତ୍ୱ ନାହିଁ। ଦେବେନ୍ଦ୍ର ଫଡନାବିସ ଆହୁରି ମଧ୍ୟ କହିଛନ୍ତି କି ବିଜେପି ଓ ଏକନାଥ ସିନ୍ଦେ ନେତୃତ୍ୱାଧିନ ମୂଳ ଶିବସେନା ମିଶି କରି ମୁମ୍ବାଇ କମିଶନର ନିର୍ବାଚନ ଲଢିବେ। ଏହା ସହିତ ବିଜୟ ମଧ୍ୟ ହାସଲ କରି ବୃହାନ ମୁମ୍ବାଇ କମିଶନର କାର୍ଯ୍ୟାଳୟ ଉପରେ ଗେରୁଆ ପତାକା ଉଡ଼ାଇବୁ। 

ଭେଟେରାନ୍ ବିଜେପି ନେତା ଦେବେନ୍ଦ୍ର ଫଡନାଭିସ୍ କହିଛନ୍ତି ଯେ ବାରାମତୀ ନିର୍ବାଚନମଣ୍ଡଳୀ ଜିତିବା, ଏନସିପି ସଭାପତି ଶରଦ ପାୱାରଙ୍କ ଗଡ଼ ହେଉଛି ବିଜେପିର ମିଶନ ମହାରାଷ୍ଟ୍ରର ଏକ ଅଂଶ। ସେ କହିଛନ୍ତି ଯେ ବିଜେପି ମିଶନ ଇଣ୍ଡିଆ ଏବଂ ମିଶନ ମହାରାଷ୍ଟ୍ର ପ୍ରସ୍ତୁତ କରିଛି। ବାରାମତୀ ମହାରାଷ୍ଟ୍ରରେ ଥିବାରୁ ଏହି ମିଶନ ସ୍ପଷ୍ଟ ଭାବରେ ମିଶନ ମହାରାଷ୍ଟ୍ର ଅଧୀନରେ ଆସିଛି।

ସୂଚନାଯୋଗ୍ୟ କ୍ଷମତାରୁ ହଟିବା ପରେ ଉଦ୍ଧବ ଲଗାତାର ଭାବେ ଝଟକା ପାଇ ଆସୁଛନ୍ତି। ନିକଟରେ ଉଦ୍ଧବ ବିଧାନ ପରିଷଦ ପାଇଁ ସୁପାରିସ କରିଥିବା ତାଲିକାକୁ ଖାରଜ କରିଦେଇଥିଲେ ରାଜ୍ୟପାଳ। ବିଧାନ ପରିଷଦ ପାଇଁ ଉଦ୍ଧବ ମୁଖ୍ୟମନ୍ତ୍ରୀ ରହିଥିବା ସମୟରେ ପ୍ରସ୍ତାବିତ ତାଲିକାକୁ ବାତିଲ କରିଦେଇଛନ୍ତି ରାଜ୍ୟପାଳ। ଏହି ତାଲିକାକୁ ବାତିଲ କରିବା ପାଇଁ ଗତକାଲି ମୁଖ୍ୟମନ୍ତ୍ରୀ ଏକନାଥ ସିନ୍ଦେ ରାଜ୍ୟପାଳଙ୍କୁ ଚିଠି ଲେଖିଥିଲେ। ଏହି ତାଲିକା ପରିବର୍ତ୍ତେ ବର୍ତ୍ତମାନର ସରକାର ବିଧାନ ପରିଷଦ ପାଇଁ ନୂଆ ତାଲିକା ପଠାଇବେ ବୋଲି ସିନ୍ଦେ ତାଙ୍କ ପତ୍ରରେ କହିଥିଲେ। 

କ୍ଷମତାକୁ ଆସିବାର ଏକ ବର୍ଷ ପରେ ଉଦ୍ଧବ ୧୨ ଜଣିଆ ଏକ ତାଲିକା ରାଜ୍ୟପାଳଙ୍କ ନିକଟକୁ ପଠାଇଥିଲେ। ଏହି ତାଲିକାକୁ ମହାରାଷ୍ଟ୍ର କ୍ୟାବିନେଟ ଅନୁମୋଦନ ଦେଇଥିଲା। ପରେ ଅନୁମୋଦନ ପାଇଁ ରାଜ୍ୟପାଳଙ୍କ ନିକଟକୁ ପଠାଯାଇଥିଲା। ତେବେ ଉଦ୍ଧବ ଓ ରାଜ୍ୟପାଳଙ୍କ ମନୋମାଳିନ୍ୟ ଯୋଗୁଁ ଏହି ତାଲିକାକୁ ଅନୁମୋଦନ ମିଳିପାରିନଥିଲା। ସେହି ସମୟରେ ତତ୍କାଳିନ ମହା ବିକାଶ ଅଘାଡ଼ି ସରକାର ଓ ରାଜ୍ୟପାଳଙ୍କ ମଧ୍ୟରେ ବିବାଦ ଚରମ ରୂପ ନେଇଥିବାରୁ ଅନୁମୋଦନ ମିଳିବାରେ ବିଳମ୍ବ ହୋଇଥିଲା। 

ରାଜ୍ୟ କ୍ୟାବିନେଟର ଅନେକ ବରିଷ୍ଠ ସଦସ୍ୟ ନିଯୁକ୍ତି ଘୋଷଣା କରିବା ପାଇଁ ରାଜ୍ୟପାଳଙ୍କୁ ଭେଟିଥିଲେ, କିନ୍ତୁ ରାଜ ଭବନଙ୍କଠାରୁ କୌଣସି ପ୍ରତିକ୍ରିୟା ମିଳିନାହିଁ। ପରେ ବମ୍ବେ ହାଇକୋର୍ଟରେ ଏକ ଜନସ୍ୱାର୍ଥ ମାମଲା ଦାୟର କରାଯାଇଥିଲା ଯେଉଁଥିରେ ରାଜ୍ୟପାଳ ଶୀଘ୍ର ଏହି ମାମଲାରେ ତାଙ୍କ ନିଷ୍ପତ୍ତି ଘୋଷଣା କରିଥିଲେ। ତେବେ ରାଜ୍ୟପାଳ ଭାଗବତ ସିଂ କୋଶାରି ତାଙ୍କ ନିଷ୍ପତ୍ତିରୁ ଓହରି ନଥିଲେ। ମହାବିକାଶ ଅଘାଡ଼ ସରକାର ପଠାଇଥିବା ନାମକୁ ବିଧାନ ପରିଷଦର ସଦସ୍ୟ ଭାବରେ ମନୋନୀତ କରିନାହାଁନ୍ତି।