ଭାଗ୍ୟବାନ; ରାତାରାତି କୋଟିପତି କରିଦେଲା ୨୫୦୦ ଟଙ୍କାର Bowl

ୱାଶିଂଟନ: ଆମେରିକାର କନେକ୍ଟିକଟରେ ରହୁଥିବା ଜଣେ ବ୍ୟକ୍ତିଙ୍କ ଭାଗ୍ୟ ରାତାରାତି ବଦଳିଯାଇଛି । ସେ ରାସ୍ତା କଡ଼ରୁ କିଣିଥିବା ଏକ ପାତ୍ର ବା Bowl ମାତ୍ର ୨୫୦୦ ଟଙ୍କାରେ କିଣିଥିଲେ ହେଲେ ସେ ଜାଣିନଥିଲେ ଯେ, ଫୁଟପାଥରୁ କିଣିଥିବା ସେହି ପାତ୍ରଟି ତାଙ୍କର ଭାଗ୍ୟ ବଦଳାଇଦେବ । ଚିନ୍ନି ବା ଚିନା ମାଟିରେ ତିଆରି ହୋଇଥିବା ଏହି ପାତ୍ରଟି ପ୍ରକୃତରେ ସାଧାରଣ ପାତ୍ର ନୁହେଁ ବରଂ ଏହା ଚାଇନାର ଏକ ବହୁମୂଲ୍ୟ କଳାକୃତି ବୋଲି ଜଣାପଡ଼ିଛି । ଆଉ ଏହାର ମୂଲ୍ୟ ୫ ଡଲାର ଅର୍ଥାତ୍ ଭାରତୀୟ ମୁଦ୍ରା ଅନୁସାରେ ଗିନାର ମୂଲ୍ୟ ୩ କୋଟି ୫୫ ଲକ୍ଷ । 

ଧଳାରଙ୍ଗର ଏହି ପାତ୍ରରେ ନୀଳ ରଙ୍ଗରେ ଚିତ୍ରିତ କରାଯାଇଛି । ୬ ଇଞ୍ଚର ଏହି ପାତ୍ରକୁ ଖୁବଶୀଘ୍ର ନିଲାମୀ ପାଇଁ ପ୍ରସ୍ତୁତି କରାଯାଉଛି । କୁହାଯାଉଛି ଯେ, ପୁରୁଣା କଳାକୃତିକୁ ଭଲପାଉଥିବା ଜଣେ ବ୍ୟକ୍ତି ଗତବର୍ଷ ନ୍ୟୁ ହେଭେନ ଇଲାକା (New Heaven Area) ରେ ଲାଗିଥିବା ସେଲ ମାର୍କେଟରୁ ଏହି ଗିନା ବା ପାତ୍ର ଟିକୁ ଦେଖି କିଣିନେଇଥିଲେ । ହେଲେ ତାଙ୍କୁ ଜଣାନଥିଲା ଯେ, ମାତ୍ର ୨୫୦୦ ଟଙ୍କାରେ କିଣିଥିବା ଏହି ପାତ୍ର ତାଙ୍କୁ ରାତାରାତି କୋଟିପତି କରିଦେବ । ତେବେ ଏହିପରି ଚିନା ମାଟି ପାତ୍ର (Bowl) ଦୁନିଆରେ ମାତ୍ର ୭ଟି ରହିଛି।

ଆମ ସହଯୋଗୀ ୱେବସାଇଟ  WION ରିପୋର୍ଟ ଅନୁସାରେ, ନିଲାମ କମ୍ପାନୀ ସୋଥେବି (Sotheby) ଙ୍କ କହିବାନୁାଯାୟୀ, ଏହି ପାତ୍ର ୧୭ ମାର୍ଚ୍ଚରେ ନ୍ୟୁୟର୍କରେ ନିଲାମ ପାଇଁ ରଖାଯିବ । ରିପୋର୍ଟ ଅନୁଯାୟୀ, ମୂଲ୍ୟବାନ ଚାଇନା (China) ର କଳାକୃତି କିଣିଥିବା ବ୍ୟକ୍ତି ସୋଥେବିଙ୍କୁ ଏକ ଇମେଲ ପଠାଇ ତାଙ୍କ ସୂଚନା ପଠାଇଥିଲେ। ସୋଥେବୀଙ୍କ ନିଲାମ ବିଶେଷଜ୍ଞ ଆଞ୍ଜେଲା ମ୍ୟାକଟେର ଏବଂ ହ୍ୟାଙ୍ଗ ୟିନ୍ ପ୍ରାୟତ) ଏହିପରି ଇମେଲ ଗ୍ରହଣ କରନ୍ତି। ତେବେ ମେଲଟି ମିଳିବା ପରେ ସେ ଖୁସିରେ ଆତ୍ମହରା ହୋଇଉଠିଥିଲେ । 

Sotheby ନିଲାମ କମ୍ପାନୀର ଉପାଧ୍ୟକ୍ଷଙ୍କ କହିବାକଥା, ଯେତେବେଳେ ଏହି ପାତ୍ରଟିକୁ ଆମେ ଦେଖିଲୁ ଆମେ ସେତେବେଳେ ହିଁ ଜାଣିଯାଇଥିଲୁ ଯେ, ଏହି ପାତ୍ରଟି ବହୁତ ଖାସ ଓ ମୂଲ୍ୟବାନ । ପାତ୍ର (Bowl) ଟିର ରଙ୍ଗ, ଆକାର, ଅଙ୍କନ, ୧୫୦୦ ଶତାବ୍ଦୀରେ ଚିନ୍ନା ମାଟିରେ ତିଆରି କରାଯାଇଛି । ତେବେ ଯାଞ୍ଚ ପରେ ଏହା ସ୍ପଷ୍ଟ ହୋଇଥିଲା ଯେ, ଏହି ପାତ୍ରଟି ୧୪୦୦ ଶତାବ୍ଦୀ ବେଳକୁ ତିଆରି କରାଯାଇଥିଲା । ହେଲେ ତାଙ୍କ କହିବା କଥା, ଏହି ପାତ୍ରକୁ ଯାଞ୍ଚ ପାଇଁ କୌଣସି ପ୍ରକାରର ବୈଜ୍ଞାନିକ ପଦ୍ଧତିର ବ୍ୟବହାର କରାଯାଇନାହିଁ। ଆଉ ଏହି ପାତ୍ରଟି ମିଙ୍ଗ କାଳ (Ming Period) ର ବୋଲି ଜଣାପଡ଼ିଛି ।