ଡ଼ରାଉଛି କୋରୋନାର ନୂଆ ଷ୍ଟ୍ରେନ: ଆପଣଙ୍କ ଠାରେ ନାହିଁତ ଏହି ସବୁ ଲକ୍ଷଣ !

ନୂଆଦିଲ୍ଲୀ: ଦୀର୍ଘ ଏକ ବର୍ଷ କୋରୋନା ମହାମାରୀ ସହ ଲଢି ଦେଶବାସୀ କୋରୋନା ଭ୍ୟାକସିନ ଆସିବା ପରେ ଟିକେ ଆଶ୍ୱସ୍ତି ଲାଭ କରିଥିଲେ । ହେଲେ ଏବେ ଦୈନିକ ସଂକ୍ରମଣ ୨୬ ହଜାରରୁ ଅଧିକ ରହୁଥିବାରୁ ଏବେ ଚିନ୍ତା ବଢିଛି । ମହାରାଷ୍ଟ୍ରରେ କୋରୋନା (Coronavirus) ଅନିୟନ୍ତ୍ରିତ ହେବାରେ ଲାଗିଛି । କୋଭିଡ-19 (COVID-19) ର ନୂଆ ମାମଲାଗୁଡ଼ିକ ଅତି ଦ୍ରୁତ ଗତିରେ ବୃଦ୍ଧି ପାଉଛି । ଦେଶରେ ଗତ ୨୪ ଘଣ୍ଟା ମଧ୍ୟରେ ଭାରତରେ ୨୬,୨୯୧ ନୂତନ କୋରୋନା ସଂକ୍ରମିତ ମାମଲା ଚିହ୍ନଟ ହୋଇଛି । ଯାହା ପରେ ଦେଶରେ ବର୍ତ୍ତମାନ ଯାଏ ମୋଟ ୧,୧୩,୮୫,୩୩୯ ସଂକ୍ରମିତ ମାମଲା ସାମ୍ନାକୁ ଆସିଛି ।

ତେବେ ଏହାକୁ ନେଇ ଏବେ ଚିନ୍ତାପ୍ରକଟ କରିଛି କେନ୍ଦ୍ର ଓ ରାଜ୍ୟ ସ୍ବାସ୍ଥ୍ୟ ମନ୍ତ୍ରାଳୟ । ଆସନ୍ତାକାଲି ଏନେଇ ସବୁ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (Prime Minister Narendra Modi) । କେନ୍ଦ୍ର ସ୍ବାସ୍ଥ୍ୟମନ୍ତ୍ରୀଙ୍କ କହିବା କଥା, ସଚେତନ ଅଭାବରୁ କୋରୋନା ମହାମାରୀ (Corona Pandemic) ପୁଣିଥରେ ତାର ପ୍ରକୋପ ଦେଖାଇବାରେ ଲାଗିଛି । ତେବେ ଜନସାଧାରଣ ସରକାରଙ୍କ ଗାଇଡ ଲାଇନ ମାନିବା ସହ ଏହି ସବୁ ଲକ୍ଷଣ ଦେଖାଦେଲେ ତୁରନ୍ତ ଡାକ୍ତରଙ୍କ ପରାମର୍ଶ ନେବାକୁ କହିଛନ୍ତି ।

ନୂଆ ଷ୍ଟ୍ରେନର ନୂଆ ଲକ୍ଷଣ:  

• ଦେହହାତ ଅବଶ ବା ଥକ୍କାପଣ ଲାଗିବା
• ଭୋକ ନହେବା
• ମୁଣ୍ଡ ବିନ୍ଧା
• ଦେହହାତ ଘୋଳାବିନ୍ଧା
• ଦିନକୁ ୪ରୁ ୫ ଥର ପତଳା ଝାଡ଼ା ହେବା
• ତଣ୍ଟି ଦରଜ ହେବା 
• ନାକ ବାରମ୍ବାର ଖୁଞ୍ଚି ହେବା
• ସାମାନ୍ୟ କାଶ ସହ ଛାତିରେ ଯନ୍ତ୍ରଣା ହେବା
• ଚର୍ମ କୁଣ୍ଡାଇ ହେବା ସହ ନାଲି ବା ନୀଳ ରଙ୍ଗ ପଡ଼ିଯିବା

ତେବେ ଏହି ଲକ୍ଷଣ ଥିବା ବ୍ୟକ୍ତି ବିଶେଷ ଆଉ ବିଳମ୍ବ ନକରି ଯଥାଶୀଘ୍ର ଡାକ୍ତରଙ୍କ (Doctor) ପରାମର୍ଶ ନେବା ଜରୁରୀ । କାରଣ ଦେଖାଦେଇଥିବା କୋରୋନାର ନୂଆ ଷ୍ଟ୍ରେନ (New Strain Of Corona) ଅଧିକ ସଂକ୍ରାତ୍ମକ ଓ ଭୟଙ୍କର । ଏହା ଶୁଖିଲା ବସ୍ତୁରେ ୮ ଦିନ ଯାଏ ସକ୍ରିୟ ରହିବ । ପୂର୍ବ ଷ୍ଟ୍ରେନ ଅପେକ୍ଷା ଏହା ଅଧିକ ସହଜରେ ଦେହରେ ପ୍ରବେଶ କରିପାରେ । ତେବେ ଏହି ଭୂତାଣ  (Corona Virus) କୁ ନିୟନ୍ତ୍ରଣ କରିବା ଅତ୍ୟନ୍ତ କଷ୍ଟକର । 

ଏହାକୁ ନଜରରେ ରଖି, ସଚେତନ ହେବା ସହ ସତର୍କତା ଅବଲମ୍ବନ କରିବାକୁ ସ୍ୱାସ୍ଥ୍ୟ ବିଭାଗ ଚେତାଇ ଦେଇଛି  ।