ଜରୁରୀକାଳୀନ ବ୍ୟବହାର ପାଇଁ ଅନୁମୋଦିତ ହେଲା ଜିଡସ୍ କ୍ୟାଡିଲା ଟିକା, ବିନା ଛୁଞ୍ଚିରେ ଲଗାଯିବ

ଭାରତରେ ଜରୁରୀକାଳୀନ ବ୍ୟବହାର ପାଇଁ ଜିଡସ୍ କ୍ୟାଡିଲାର କରୋନା ଟିକା ଅନୁମୋଦନ କରାଯାଇଛି । ଏହି ଟିକାକୁ ଡ୍ରଗ୍ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆ (DCGI) ଅନୁମୋଦନ କରିଛି । ଏହି ଟିକା ୧୨ ବର୍ଷରୁ ଅଧିକ ଲୋକଙ୍କୁ ଦିଆଯାଇପାରିବ ।

ନୂଆଦିଲ୍ଲୀ: ଭାରତରେ ଜରୁରୀକାଳୀନ ବ୍ୟବହାର ପାଇଁ ଜିଡସ୍ କ୍ୟାଡିଲାର କରୋନା ଟିକାକୁ ଅନୁମୋଦନ କରାଯାଇଛି । ଏହି ଟିକାକୁ ଡ୍ରଗ୍ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆ (DCGI) ଅନୁମୋଦନ କରିଛି । ଏହି ଟିକା ୧୨ ବର୍ଷରୁ ଅଧିକ ଥିବା ଲୋକଙ୍କୁ ଦିଆଯାଇପାରେ । Zydus Cadila ର କରୋନା ଟିକା ନାମ ZyCoV-D । ବିଶେଷ କଥା ହେଉଛି ଡିଏନ୍ଏ ଉପରେ ଆଧାରିତ ଏହା ହେଉଛି ବିଶ୍ୱର ପ୍ରଥମ ସ୍ୱଦେଶୀ ଟିକା । ଏହାକୁ ଦେବାରେ ନା ଛୁଞ୍ଚି ବ୍ୟବହାର କରାଯିବ ନା ଏହି ଟିକା ନେଉଥିବା ଲୋକକୁ ଯନ୍ତ୍ରଣା ହେବ ।

ଏହି ଟିକା ଜିଡସ୍ କ୍ୟାଡିଲା ଦ୍ୱାରା ବିକଶିତ ହୋଇଛି । ଅହମ୍ମଦାବାଦ ଲ୍ୟାବରେ ଜାଇକୋଭ-ଡି ଟିକା ପ୍ରସ୍ତୁତ କରାଯାଉଛି । ଏହା ହେଉଛି ପ୍ରଥମ ପ୍ଲାଜ୍ମା DNA ଟିକା । ଏହି ଟିକାରେ ଭୂତାଣୁର ଜେନେଟିକ୍ ଉପାଦାନଗୁଡିକ ବ୍ୟବହୃତ ହୋଇଛି । ଏହି ଟିକା ୧୨ ବର୍ଷରୁ ଅଧିକ ଲୋକଙ୍କ ପାଇଁ ନିରାପଦ ଅଟେ । ମଣିଷମାନଙ୍କ ସହିତ ଏହି ଟିକା ଅନ୍ୟ ପ୍ରାଣୀମାନଙ୍କ ଉପରେ ମଧ୍ୟ ପରୀକ୍ଷା କରାଯାଇଛି । ଏହି ଟିକାର ପ୍ରଭାବ ୬୬.୬ ପ୍ରତିଶତ ଥିଲା ।

ଅଧିକ ପଢ଼ନ୍ତୁ: ତାଲିବାନକୁ ଆମେରିକା ରାଷ୍ଟ୍ରପତି ବାଇଡେନ ଦେଲେ ଖୋଲା ଚେତାବନୀ, '...ତେବେ ପରିଣାମ ଭୟଙ୍କର ହେବ'

ଜାଣି ରଖନ୍ତୁ ୪ ସପ୍ତାହ ବ୍ୟବଧାନରେ ZyCov-D ଟିକା ଦିଆଯିବ । ଏହି ଟିକା ୨ ରୁ ୮ ° C ତାପମାତ୍ରାରେ ଗଚ୍ଛିତ ହୋଇପାରିବ । ତେବେ ଏହାର ମୂଲ୍ୟ ସମ୍ପର୍କରେ ଏପର୍ଯ୍ୟନ୍ତ କୌଣସି ଘୋଷଣା କରାଯାଇ ନାହିଁ ।

ଦେଶରେ ଟିକାକରଣ ଅଭିଯାନ ଦ୍ରୁତ ଗତିରେ ଚାଲିଛି । ବର୍ତ୍ତମାନ ପର୍ଯ୍ୟନ୍ତ ୫୭ କୋଟି ୬୧ ଲକ୍ଷ ୧୭ ହଜାର ୩୫୦ ଲୋକଙ୍କୁ ଭାରତରେ ଟିକା ଦିଆଯାଇଛି । ଗତ ୨୪ ଘଣ୍ଟା ମଧ୍ୟରେ ୩୬ ଲକ୍ଷ ୩୬ ହଜାର ୪୩ ଜଣ ଲୋକଙ୍କୁ ଟିକା ଦିଆଯାଇଛି ।

ଅଧିକ ପଢ଼ନ୍ତୁ: ସଲମାନ ଖାନଙ୍କୁ ବିମାନବନ୍ଦରରେ ଅଟକାଇଲେ CRPF ଯବାନ, ତା’ପରେ ଏହା ଘଟିଲା...

ଉଲ୍ଲେଖନୀୟ କଥା ହେଉଛି, ଗତ ଏକ ସପ୍ତାହ ମଧ୍ୟରେ କୋରୋନାର ନୂଆ ମାମଲା ହ୍ରାସ ପାଇଛି । ୧୫ ଅଗଷ୍ଟରେ ୩୬,୦୮୩, ୧୬ ଅଗଷ୍ଟରେ ୩୨,୯୩୭, ୧୭ ଅଗଷ୍ଟରେ ୨୫,୧୬୬, ୧୮ ଅଗଷ୍ଟରେ ୩୫,୧୭୮, ୧୯ ଅଗଷ୍ଟରେ ୩୬,୪୦୧, ୨୦ ଅଗଷ୍ଟରେ ୩୬,୫୭୧ ଓ ୨୧ ଅଗଷ୍ଟରେ ୩୪,୪୫୭ ନୂଆ ମାମଲା ଚିହ୍ନଟ ହୋଇଛି ।