ତିନିମାସ ପରେ ଦେଶରେ ଆସିପାରେ କୋରୋନାର ତୃତୀୟ ଲହର, ଚେତାବନୀ ଦେଲେ ବିଶେଷଜ୍ଞ

ନୂଆଦିଲ୍ଲୀ: Coronavirus Third Wave: ଦେଶରେ କୋରୋନା ଭୂତାଣୁର ଦ୍ୱିତୀୟ ଲହର (Second Wave Of COVID-19) ର ପ୍ରକୋପ ବର୍ତ୍ତମାନ ଧୀରେ ଧୀରେ ହ୍ରାସ ପାଉଛି । କିନ୍ତୁ ସମସ୍ୟା ଏପର୍ଯ୍ୟନ୍ତ ସମ୍ପୂର୍ଣ୍ଣ ଭାବେ ଶେଷ ହୋଇନାହିଁ । ଦ୍ୱିତୀୟ ଲହର ମଧ୍ୟରେ ବୈଜ୍ଞାନିକମାନେ କ୍ରମାଗତ ଭାବରେ ତୃତୀୟ ଲହର (Coronavirus Third Wave) କୁ ନେଇ ଚେତାବନୀ ଦେଉଛନ୍ତି । ତେବେ ତୃତୀୟ ଲହର କେବେ ଆସିବ ସେ ନେଇ କଳ୍ପନାଜଳ୍ପନା ଜାରି ରହିଛି । ଏହି ସମୟରେ ବିଶେଷଜ୍ଞମାନେ କହିଛନ୍ତି ଯେ ଭାରତରେ ତିନି ମାସ ପରେ ତୃତୀୟ ଲହର ଏଣ୍ଟ୍ରି କରିପାରେ ।

ଅଧିକ ପଢ଼ନ୍ତୁ:-ରାଜଧାନୀରେ ପୁଣି କମିଲା ସୁନା-ରୁପା ଦର, ଜାଣନ୍ତୁ କ'ଣ ରହିଛି ରେଟ୍

ଦେଶରେ କୋରୋନାର ଦ୍ୱିତୀୟ ଲହର  (Second Wave Of Coronavirus) ର ଏଣ୍ଟ୍ରି ମାରିବା ପରେ କୋରୋନାର ନୂତନ ମାମଲା ଅତି ଦ୍ରୁତ ଗତିରେ ବୃଦ୍ଧି ପାଇଥିଲା । ନୂତନ କୋରୋନା ମାମଲା (COVID-19 Cases) ରେ କ୍ରମାଗତ ବୃଦ୍ଧି ହେତୁ ଡାକ୍ତରଖାନାଗୁଡ଼ିକରେ ଭିଡ଼ ଜମିଥିଲା ​​ଏବଂ ସ୍ୱାସ୍ଥ୍ୟ ବ୍ୟବସ୍ଥା ବିଗିଡ଼ିଯାଇଥିଲା । ଅନେକ ପ୍ରତିବନ୍ଧକ ପରେ ଦ୍ୱିତୀୟ ଲହର (Corona Second Wave) ର ବିପଦରେ କମି ଆସିଛି । ଯଦିଓ ବର୍ତ୍ତମାନ ତିନି ମାସ ପରେ ତୃତୀୟ ଲହର ଆସିପାରେ ବୋଲି ବିଶେଷଜ୍ଞମାନେ କହୁଛନ୍ତି । ଏହା ବ୍ୟତୀତ ନିକଟ ଅତୀତରେ ଦିଲ୍ଲୀ ହାଇକୋର୍ଟ ମଧ୍ୟ କେନ୍ଦ୍ର ତଥା ଦିଲ୍ଲୀ ସରକାରଙ୍କୁ ଆଲର୍ଟ କରାଇ ଦେଇଛନ୍ତି ଯେ ବର୍ତ୍ତମାନ ଆମେ ତୃତୀୟ ଲହରଠାରୁ ଦୂରରେ ନାହୁଁ ।

ଅଧିକ ପଢ଼ନ୍ତୁ:-ଆରପାରିରେ ଫ୍ଲାଇଂ ଶିଖ୍ ମିଲଖା ସିଂହ

ତେବେ କୋରୋନା ଭୂତାଣୁର ତୃତୀୟ ଲହର ବିଷୟରେ ସରକାର ପୂର୍ବରୁ ସତର୍କ ଅଛନ୍ତି ଏବଂ ଏହା ଉପରେ ଆବଶ୍ୟକ ପଦକ୍ଷେପ ନେବା ଆରମ୍ଭ କରି ଦେଇଛନ୍ତି । ମେଡିକାଲ୍ ବିଶେଷଜ୍ଞଙ୍କ ଏକ ରଏଟର୍ସ ସର୍ଭେରୁ ଜଣାପଡିଛି ଯେ, ଅକ୍ଟୋବର ସୁଦ୍ଧା ଭାରତରେ କୋରୋନା ସଂକ୍ରମଣର ତୃତୀୟ ଲହର ଆସିବାର ସମ୍ଭାବନା ରହିଛି । ଯଦିଓ ଏହା ପୂର୍ବ ଲହର ଅପେକ୍ଷା ବହୁତ ଭଲ ନିୟନ୍ତ୍ରିତ ହୋଇପାରିବ । ମହାମାରୀ ଅତି କମରେ ଆଉ ଏକ ବର୍ଷ ପାଇଁ ଜନସ୍ୱାସ୍ଥ୍ୟ ପାଇଁ ବିପଦ ହୋଇ ରହିବ । ସାରା ଦୁନିଆର ୪୦ ସ୍ୱାସ୍ଥ୍ୟ ବିଶେଷଜ୍ଞ, ଡାକ୍ତର, ବୈଜ୍ଞାନିକ, ଭାଇରୋଲୋଜିଷ୍ଟ୍, ଏପିଡେମୋଲୋଜିଷ୍ଟ୍ ଏବଂ ପ୍ରଫେସରଙ୍କ ଜୁନ ୩ରୁ ୧୭ ମଧ୍ୟରେ କରାଯାଇଥିବା ସ୍ନାପ୍ ସର୍ଭେରୁ ଜଣାପଡିଛି ଯେ ନୂତନ ପ୍ରକୋପକୁ କିଛି ପରିମାଣରେ କମ୍ କରିବା ଦିଗରେ ଟିକାକରଣ (Vaccination) ଅଭିଯାନ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ।

ଅଧିକ ପଢ଼ନ୍ତୁ:-ଟିକିରୀ ସୀମାରେ ପେଟ୍ରୋଲ ଢାଳି ଜଣେ ବ୍ୟକ୍ତିଙ୍କୁ ଜାଳି ଦେଲେ ପ୍ରଦର୍ଶନକାରୀ!

ରଏଟର୍ସ ଅନୁଯାୟୀ, ଯେଉଁମାନେ ତୃତୀୟ ଲହରର ଭବିଷ୍ୟବାଣୀ କରିଛନ୍ତି ସେମାନଙ୍କ ମଧ୍ୟରୁ ୮୫ ପ୍ରତିଶତରୁ ଅଧିକ ଉତ୍ତରଦାତା କିମ୍ବା ୨୪ ଜଣଙ୍କ ମଧ୍ୟରୁ ୨୧ ଜଣ କହିଛନ୍ତି ଯେ ଆଗାମୀ ଲହର ଅକ୍ଟୋବର ସୁଦ୍ଧା ପହଞ୍ଚିବ । ଯେଉଁଥିରୁ ୩ ଜଣ ଅଗଷ୍ଟର ପ୍ରାରମ୍ଭ ଓ ସେପ୍ଟେମ୍ବରର ପୂର୍ବାନୁମାନ କରିଥିଲେ । ଅବଶିଷ୍ଟ ତିନିଜଣ ନଭେମ୍ବରରୁ ଫେବୃଆରୀ ମଧ୍ୟରେ କହିଛନ୍ତି ।

ଅନ୍ୟପକ୍ଷେ ୭୦ ପ୍ରତିଶତରୁ ଅଧିକ ବିଶେଷଜ୍ଞ କିମ୍ବା ୩୪ ଜଣଙ୍କ ମଧ୍ୟରୁ ୨୪ ଜଣ କହିଛନ୍ତି ଯେ ବର୍ତ୍ତମାନର ଅପେକ୍ଷା କୌଣସି ନୂତନ ଲହରକୁ ଭଲ ଭାବରେ ନିୟନ୍ତ୍ରଣ କରାଯିବ । ସେମାନେ କହିଛନ୍ତି ଯେ ଦ୍ୱିତୀୟ ଲହରରେ ଡାକ୍ତରଖାନାରେ ଟିକା, ଅମ୍ଳଜାନ, ଔଷଧ, ଶଯ୍ୟା ଅଭାବ ହେତୁ ଏହା ଅଧିକ ଭୟଙ୍କର ରୂପ ନେଇଛି ।

ଅଲ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ (AIIMS) ର ନିର୍ଦ୍ଦେଶକ ଡକ୍ଟର ରଣଦୀପ ଗୁଲେରିଆ (Dr. Randeep Guleria) କହିଛନ୍ତି, "ଏହା ଅଧିକ ନିୟନ୍ତ୍ରିତ ହେବ, କାରଣ ମାମଲାଗୁଡ଼ିକ କମ୍ ହେବ । କାରଣ ଟିକାକରଣ (Vaccination) ଦ୍ରୁତଗତିରେ ଆରମ୍ଭ ହେଉଛି ଏବଂ ଦ୍ୱିତୀୟ ଲହରରେ ମିଳୁଥିବା କିଛି ମାତ୍ରାରେ ପ୍ରାକୃତିକ ପ୍ରତିରୋଧକ ଶକ୍ତି ମଧ୍ୟ ରହିବ ।" 

ଅଧିକ ପଢ଼ନ୍ତୁ:-ବେଲ ବଗିଚା ନାଁରେ ଲକ୍ଷାଧିକ ଟଙ୍କାର ଦୁର୍ନୀତି

ଦ୍ୱିତୀୟ ଲହର ମଧ୍ୟରେ ଅନେକ ରାଜ୍ୟରେ ପ୍ରତିବନ୍ଧକକୁ ଶୀଘ୍ର ହଟାଇ ଦିଆଯାଇଛି । ଏଥି ସହିତ ଯେତେବେଳେ ପଚରାଗଲା ଯେ ୧୮ ବର୍ଷରୁ କମ୍ ବୟସର ପିଲା ଏବଂ ଲୋକମାନେ ସମ୍ଭାବ୍ୟ ତୃତୀୟ ଲହରରେ ଅଧିକ ବିପଦରେ ପଡ଼ିବେ କି, ପ୍ରାୟ ଦୁଇ ତୃତୀୟାଂଶ ବିଶେଷଜ୍ଞ କିମ୍ବା ୪୦ରୁ ୨୬ ଜଣ ହଁ ଉତ୍ତର ଦେଇଛନ୍ତି । ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ମେଣ୍ଟଲ ହେଲଥ ଆଣ୍ଡ ନ୍ୟୁରୋସାଇନ୍ସେଜର ମହାମାରୀ ବିଭାଗର ମୁଖ୍ୟ ଡକ୍ଟର ପ୍ରଦୀପ ବନନ୍ଦୁର କହିଛନ୍ତି ଯେ, "ବର୍ତ୍ତମାନ ସେମାନଙ୍କ (ଶିଶୁ) ପାଇଁ କୌଣସି ଟିକା ଉପଲବ୍ଧ ନାହିଁ ।" ପରିସ୍ଥିତି ଗୁରୁତର ହୋଇପାରେ ବୋଲି ବିଶେଷଜ୍ଞମାନେ ଚେତାବନୀ ଦେଇଛନ୍ତି ।