ED ମହାରାଷ୍ଟ୍ରର ରାଜନୀତି ଓ ଦୁର୍ନୀତି ବିଷୟରେ ଏକ ବଡ଼ ଖୁଲାସା କରିଛି । ED ଦାବି କରିଛି ଯେ ବରଖାସ୍ତ ହୋଇଥିବା ପୋଲିସ ଅଧିକାରୀ ସଚିନ ୱାଜେ ପୂର୍ବତନ ଗୃହମନ୍ତ୍ରୀ ଅନିଲ ଦେଶମୁଖଙ୍କ ପାଇଁ ୪ କୋଟିରୁ ଅଧିକ ଟଙ୍କା ସଂଗ୍ରହ କରିଛନ୍ତି । ଏହି ଟଙ୍କା ଦେଶମୁଖଙ୍କଙ୍କୁ ତାଙ୍କ PA ମାଧ୍ୟମରେ ପଠାଯାଇଥିଲା ।
Trending Photos
5
12
5
6 "(ଫାଇଲ ଫଟୋ)")
ମୁମ୍ବାଇ: ପ୍ରବର୍ତ୍ତନ ନିର୍ଦ୍ଦେଶାଳୟ (ED) ଶନିବାର ଦିନ ମୁମ୍ବାଇର ଏକ କୋର୍ଟକୁ କହିଛି ଯେ ମହାରାଷ୍ଟ୍ରର ପୂର୍ବତନ ଗୃହମନ୍ତ୍ରୀ ଅନିଲ ଦେଶମୁଖ (Anil Deshmukh) ମୁମ୍ବାଇର (Mumbai) ବାର ମାଲିକଙ୍କଠାରୁ ୪ କୋଟି ଟଙ୍କା ପାଇଛନ୍ତି । ସେ ବିଭିନ୍ନ ରାଶି କମ୍ପାନୀ ମାଧ୍ୟମରେ ଦାନ ଭାବରେ ଦର୍ଶାଇ ଏହାକୁ ନିଜ ଟ୍ରଷ୍ଟରେ ରଖିଥିଲେ ।
ଇଡି ଅନୁଯାୟୀ, ଏହି ଟଙ୍କା ବରଖାସ୍ତ ହୋଇଥିବା ପୋଲିସ ଅଧିକାରୀ ସଚିନ ୱାଜେଙ୍କ (Sachin Vaze) ଦ୍ୱାରା ଉଠାଯାଇଥିଲା । ଦେଶମୁଖଙ୍କ ବ୍ୟକ୍ତିଗତ ସଚିବ ସଞ୍ଜୀବ ପଲାଣ୍ଡେ ଓ ବ୍ୟକ୍ତିଗତ ସହାୟକ କୁନ୍ଦନ ସିନ୍ଦେଙ୍କୁ ରିମାଣ୍ଡରେ ନେବାକୁ ଏକ ଶୁଣାଣି ସମୟରେ ED ଏହି ଦାବି କରିଛି ।
ଜୁଲାଇ ୧ ପର୍ଯ୍ୟନ୍ତ ଇଡି ହେପାଜତରେ ରହିବେ ଦେଶମୁଖ ଉଭୟ PA
ED ଅଧିକାରୀ କହିଛନ୍ତି ଯେ ବହୁ କୋଟି ଟଙ୍କା ଲାଞ୍ଚ ତଥା ଟଙ୍କା ହେରଫେର ମାମଲାରେ ପଲାଣ୍ଡେ ଓ ସିନ୍ଦେଙ୍କୁ ଗିରଫ କରାଯାଇଛି । ଏହି ପରିପ୍ରେକ୍ଷୀରେ ଦେଶମୁଖଙ୍କୁ ଏପ୍ରିଲରେ ଇସ୍ତଫା ଦେବାକୁ ପଡିଥିଲା । ଅଧିକାରୀ କହିଛନ୍ତି ଯେ ମନି ଲଣ୍ଡରିଂ ଆକ୍ଟର (PMLA) ଧାରା ଅନୁଯାୟୀ ଉଭୟଙ୍କ ବିରୋଧରେ ଏକ ମାମଲା ରୁଜୁ ହୋଇଛି । ଏହା ପରେ ଉଭୟଙ୍କୁ ଜୁଲାଇ ୨ ପର୍ଯ୍ୟନ୍ତ ଇଡି ହେପାଜତକୁ ପଠାଯାଇଛି ।
ଅଧିକ ପଢ଼ନ୍ତୁ: ଟେଷ୍ଟରେ No.3 ନମ୍ବରରେ ବ୍ୟାଟିଂ କରିପାରନ୍ତି ବିରାଟ, ପୂଜାରାଙ୍କ ହେବ ଛୁଟି
ୱାଜେ ନଗଦ ୪.୭୦ କୋଟି ଟଙ୍କା ସଂଗ୍ରହ କରିଥିଲେ
ଇଡି ଅନୁଯାୟୀ ବରଖାସ୍ତ ହୋଇଥିବା ପୋଲିସ ଅଧିକାରୀ ସଚିନ ୱାଜେ (Sachin Vaze) କହିଛନ୍ତି ଯେ ସେ ମୁମ୍ବାଇର ବାର ମାଲିକଙ୍କ ଠାରୁ ୪.୭୦ କୋଟି ଟଙ୍କା ସଂଗ୍ରହ କରିଛନ୍ତି । ଏହି ଟଙ୍କା ମହାରାଷ୍ଟ୍ରର ପୂର୍ବତନ ଗୃହମନ୍ତ୍ରୀ ଦେଶମୁଖଙ୍କ ବ୍ୟକ୍ତିଗତ ସହାୟକଙ୍କୁ ହସ୍ତାନ୍ତର କରାଯାଇଥିଲା । ଯାଞ୍ଚକାରୀ ଏଜେନ୍ସି ଏହା ମଧ୍ୟ ଦାବି କରିଛି ଯେ ମୁମ୍ବାଇ ପୋଲିସର କ୍ରାଇମ ଇଣ୍ଟେଲିଜେନ୍ସ ୟୁନିଟର (ସିଆଇୟୁ) ପୂର୍ବତନ ମୁଖ୍ୟ ୱଜେ ବାର୍ ମାଲିକ ଓ ପରିଚାଳକମାନଙ୍କୁ କହିଛନ୍ତି ଯେ ଏହି ଟଙ୍କା 'ନମ୍ବର' 'ଓ ମୁମ୍ବାଇ ପୋଲିସର କ୍ରାଇମ ବ୍ରାଞ୍ଚ ଓ ସୋସିଆଲ୍ ସର୍ଭିସେସ୍ ୱିଙ୍ଗକୁ ଯିବ । ୱାଜେ ଯାଞ୍ଚକାରୀ ସଂସ୍ଥାକୁ କହିଛନ୍ତି ଯେ ପୋଲିସର ତଦନ୍ତ ମାମଲାରେ ସେ ତତ୍କାଳୀନ ଗୃହମନ୍ତ୍ରୀ ଅନିଲ ଦେଶମୁଖଙ୍କଠାରୁ (Anil Deshmukh) ପ୍ରତ୍ୟକ୍ଷ ନିର୍ଦ୍ଦେଶ ନେଉଛନ୍ତି । ଇଡି ଶନିବାର ଦେଶମୁଖଙ୍କ ବ୍ୟକ୍ତିଗତ ସଚିବ ପଲାଣ୍ଡେ ଓ ସିନ୍ଦେଙ୍କୁ ଗିରଫ କରିଥିଲା ।
