ବୈଷ୍ଣୋଦେବୀ ଯାତ୍ରୀଙ୍କ ଲାଗି ଖୁସି ଖବର, ଏହି ଦିନ ଠାରୁ ଆରମ୍ଭ ହେବ ଅନଲାଇନ୍ ପଞ୍ଜୀକରଣ

ଜମ୍ମୁ: ବୈଷ୍ଣୋଦେବୀ ଭକ୍ତଙ୍କ ଲାଗି ଆସିଛି ଖୁସିଖବର । ଏହି ଯାତ୍ରାରେ ସାମିଲ ହେବାକୁ ଆଗ୍ରହୀ ଥିବା ଶ୍ରଦ୍ଧାଳୁ ଅନଲାଇନ (On line) ମାଧ୍ୟମରେ ପଞ୍ଜୀକରଣ (Registration) ଓ ହେଲିକପ୍ଟର ବୁକିଂ (Helicaptor Booking) ଅଗଷ୍ଟ ୨୬ ତାରିଖରୁ ସେପ୍ଟମ୍ବର ୫ ପର୍ଯ୍ୟନ୍ତ କରିପାରିବେ । ଏ ବାବଦରେ ଜଣାଇଛନ୍ତି ମାତା ବୈଷ୍ଣୋଦେବୀ ଶ୍ରାଇନ ବୋର୍ଡର ସିଇଓ ରମେଶ କୁମାର ଜାଙ୍ଗିଡ ।     

କଟରାସ୍ଥିତ ବୈଷ୍ଣୋଦେବୀ ମନ୍ଦିର ସାଧାରଣ ଦର୍ଶନ ଲାଗି ଅଗଷ୍ଟ ୧୬ ତାରିଖରୁ ଖୋଲାଯାଇଥିଲା । ପ୍ରଥମ ସପ୍ତାହରେ କେବଳ ୨୦୦୦ ତୀର୍ଥଯାତ୍ରୀଙ୍କୁ ଦର୍ଶନ ଲାଗି ଅନୁମତି ମିଳିଥିଲା । ସେମାନଙ୍କ ମଧ୍ୟରେ ୧୯୦୦ ଜମ୍ମୁ କାଶ୍ମୀରର ଏବଂ ବାକି ୧୦୦ ଦେଶର ବିଭିନ୍ନ ଅଞ୍ଚଳରୁ ଆସିଥିଲେ । ଦେଶରେ କୋରୋନା ପ୍ରକୋପ ଆରମ୍ଭ ହୋଇଯିବା ପରେ ମାର୍ଚ୍ଚ ୧୮ ତାରିଖରୁ ବୈଷ୍ଣୋଦେବୀ ଧାମକୁ ବନ୍ଦ କରି ଦିଆଯାଇଥିଲା। 

ପ୍ରାୟ ୫ ମାସ ଧରି ବନ୍ଦ ରହିଥିବା ବୈଷ୍ଣୋଦେବୀ ମନ୍ଦିର ଅଗଷ୍ଟ ୧୧ ତାରିଖରେ ଖୋଲିଥିଲା । ମନ୍ଦିରକୁ ଆସୁଥିବା ଭକ୍ତଙ୍କ ଉଦ୍ଦେଶ୍ୟରେ ଗାଇଡଲାଇନ ଜାରି କରିଥିଲା ମନ୍ଦିର ପ୍ରଶାସନ । ଏନେଇ କୁହାଯାଇଥିଲା ୧୦ ବର୍ଷରୁ କମ ବୟସର ଲୋକଙ୍କୁ ଦର୍ଶନ ଲାଗି ଅନୁମତି ମିଳିବ ନାହିଁ । ସମସ୍ତଙ୍କ ଲାଗି ମାସ୍କ ପିନ୍ଧିବା ବାଧ୍ୟତାମୂଳକ। ରାତ୍ରୀ ସମୟରେ ମନ୍ଦିର ବନ୍ଦରହିବ । ସକାଳେ ହେଉଥିବା ହେଉଥିବା ଆରତୀରେ ସାମିଲ ହେବା ଲାଗି ଭକ୍ତଙ୍କୁ ଅନୁମତି ମିଳିବ ନାହିଁ ।      

ବୈଷ୍ଣୋଦେବୀ ଦର୍ଶନରେ ଆସୁଥିବା ଭକ୍ତଙ୍କୁ ଅନଲାଇନ ପଞ୍ଜୀକରଣ କରିବାକୁ ପଡିବ । ଜମ୍ମୁ କାଶ୍ମୀର ବାହାରୁ ଆସୁଥିବା ତୀର୍ଥଯାତ୍ରୀଙ୍କ ଲାଗି ଶତ ପ୍ରତିଶତ  କୋରୋନା ଏଣ୍ଟିଜେନ ପରୀକ୍ଷଣ ପ୍ରୋଟକଲ ପାଳନ କରିବାକୁ ହେବ । କୋରୋନା ନେଗେଟିଭ ଟେଷ୍ଟ ରିପୋର୍ଟ ଆସିବା ପରେ ଜଣେ ଯାତ୍ରୀଙ୍କୁ ଯାତ୍ରା ଲାଗି ଅନୁମତି ମିଳିବ । 

ଏହା ସହିତ ଯେଉଁ ଶ୍ରଦ୍ଧାଳୁ, ଜାମ୍ମୁ କାଶ୍ମୀରର ରେଡ ଜୋନରୁ ଆସୁଥିବା ସେମାନଙ୍କ ଲାଗି କୋରୋନା ପରୀକ୍ଷା କରାଇବାକୁ ହେବ । ରିପୋର୍ଟ ନେଗେଟି ଆସିବା ପରେ ସେ ଯାତ୍ରା କରିବାକୁ ସକ୍ଷମ ହେବେ ।