Hyderabad Gang Rape Case: ୫ ନାବାଳକ ସହ ୬ ଗିରଫ; ସାମ୍ନାକୁ ଆସିଲା AIMIM-TRS ସମ୍ପୃକ୍ତି

ଏହି ଘଟଣାରେ ମଙ୍ଗଳବାର ଏକ ସାମ୍ବାଦିକ ସମ୍ମିଳନୀ କରି ପ୍ରତିକ୍ରିୟା ରଖି ହାଇଦ୍ରାବାଦ ପୋଲିସ କମିଶନର ସିବି ଆନନ୍ଦ ସମ୍ପୂର୍ଣ୍ଣ ବିବରଣୀ ଦେଇଛନ୍ତି।

Hyderabad Police Arrest Rape Accused:ହାଇଦ୍ରାବାଦ ଗଣଦୁଷ୍କର୍ମ ମାମଲାରେ ପୋଲିସ ୫ ନାବାଳକ ସହ ୬ ଅଭିଯୁକ୍ତଙ୍କୁ ଗିରଫ କରିଛି। ଏହି ଘଟଣାରେ ଶାସକ TRS ଏବଂ ବିରୋଧି AIMIM ସମ୍ପୃକ୍ତି ସାମ୍ନାକୁ ଆସିଛି। ଗିରଫ ଅଭିଯୁକ୍ତଙ୍କ ମଧ୍ୟରେ ଜଣେ AIMIM ବିଧାୟକଙ୍କ ସମ୍ପର୍କୀୟ ଏବଂ ଅନ୍ୟ ଜଣେ TRS ନେତାଙ୍କ ପୁଅ ସାମିଲ ରହିଛି। ଏହି ଘଟଣାରେ ବ୍ୟବହୃତ ହୋଇଥିବା ଗାଡ଼ି଼ ମଧ୍ୟ ଜବକ କରାଯାଇଛି। ଏହି ଘଟଣାରେ ଗିରଫ ହୋଇଥିବା ଅଭିଯୁକ୍ତଙ୍କ ମଧ୍ୟରୁ ନାବାଳକଙ୍କୁ ବାଳ ସୁଧାର ଗୃହ ଏବଂ ସାବାଳକଙ୍କୁ ଜେଲ ପଠାଯାଇଛି।

ଏହି ଘଟଣାରେ ମଙ୍ଗଳବାର ଏକ ସାମ୍ବାଦିକ ସମ୍ମିଳନୀ କରି ପ୍ରତିକ୍ରିୟା ରଖି ହାଇଦ୍ରାବାଦ ପୋଲିସ କମିଶନର (Hyderabad Police Commissioner) ସିବି ଆନନ୍ଦ ସମ୍ପୂର୍ଣ୍ଣ ବିବରଣୀ ଦେଇଛନ୍ତି। ସେ କହିଛନ୍ତି ଯେ ମୁଖ୍ୟ ଅଭିଯୁକ୍ତ ସଦୁଦ୍ଦିନ ମଲିକ ଏବଂ ଜଣେ ନାବାଳକ ମେ ୨୮ ତାରିଖରେ ମଦ୍ୟ ପାନ କରିବାକୁ ପବ୍ ଯାଇଥିଲେ। ସେଠାରେ ସେ ପୂର୍ବରୁ ପୀଡିତାଙ୍କ ସହ ଅସଦାଚରଣ କରିଥିଲେ। ସିସିଟିଭି ଫୁଟେଜ ଦର୍ଶାଉଛି ଯେ ଯେତେବେଳେ ପୀଡିତା ପବ୍ ଭିତରୁ ବାହାରକୁ ଆସିଲା ସେତେବେଳେ ସେମାନେ ତାଙ୍କୁ ଗୋଡ଼ାଇଥିଲେ। ଏହି ଘଟଣାରେ ସମ୍ପୃକ୍ତ ଚାରିଜଣ ନାବାଳକ ଏବଂ ଝିଅ ଏକ ବେକେରୀ ଯିବାକୁ ମର୍ସିଡିଜ ଗାଡିରେ ଚଢିଥିଲେ। ମଲିକ୍ ଏବଂ ଅନ୍ୟ ୪ ନାବାଳକ ଇନୋଭା ଗାଡି ଧରିଥିଲେ। ବେକେରୀ ଯିବାବେଳେ ସେ ମର୍ସିଡିଜ ଗାଡିରେ ଜଣେ ନାବାଳିକାକୁ ଜବରଦସ୍ତ ଚୁମ୍ବନ ଦେଇଥିଲେ ଏବଂ ଏହାର ଏକ ଭିଡିଓ ପ୍ରସ୍ତୁତ କରି ଏହାକୁ ପ୍ରସାର କରିଥିଲେ।

ଏହା ପରେ ସେମାନେ ସନ୍ଧ୍ୟା ୫ଟା ୫୧ ମିନିଟରେ ବେକେରୀ ଠାରେ ପହଞ୍ଚିଥିଲେ। ସେଠାରୁ ପୀଡିତା ମର୍ସିଡିଜ ଗାଡିରୁ ଓହ୍ଲାଇ ଇନୋଭା ଗାଡିରେ ଚଢିଥିଲେ। ଏହି ଗାଡିରେ ସଦୁଦ୍ଦିନ ମଲିକ ଏବଂ ତାଙ୍କର ୫ ନାବାଳକ ସହଯୋଗୀ ଏବଂ ପୀଡିତା ଥିଲେ। ଇନୋଭା ସନ୍ଧ୍ୟା ୬ଟା ୧୫ ମିନିଟରେ ଚାଲିଗଲା। କିଛି ମିନିଟ୍ ପରେ, ଜଣେ ନାବାଳକ କିଛି କାମ ପାଇଁ ବେକେରୀ ଫେରି ଆସିଥିଲା। ମଲିକ୍ ଏବଂ ଅନ୍ୟ 4 ନାବାଳକ ଇନୋଭା ଗାଡିକୁ ପେଡାମା ମନ୍ଦିର ପଛରେ ୪୪ ନମ୍ବର ରାସ୍ତାରେ ନେଇଥିଲେ। ସେଠାରେ ସେ ଇନୋଭା ପାର୍କିଂ କରି ପୀଡ଼ିତା ସହ ବଳାତ୍କାର କରିଥିଲେ।

ଏହା ପରେ ଇନୋଭା ପୁନର୍ବାର ପବ୍ ଚାଲି ଯାଇଥିଲା ଏବଂ ପୀଡିତାଙ୍କୁ ସେମାନେ ସେଠାରେ ଛାଡି ଦେଇଥିଲେ। ପୀଡିତାଙ୍କ ବାପା ସନ୍ଧ୍ୟା ୭ଟା ୫୩ ମିନିଟରେ ଝିଅକୁ ନେବା ପାଇଁ ସେଠାରେ ପହଞ୍ଚିଥିଲେ। ଘରକୁ ଯିବା ପରେ ପୀଡିତାଙ୍କ ସ୍ୱାସ୍ଥ୍ୟବସ୍ଥା ଖରାପ ହୋଇଯାଇଥିଲା ଏବଂ ସେ ତାଙ୍କ ପରିବାର ସଦସ୍ୟଙ୍କୁ ଘଟଣା ବାବଦରେ କହିଥିଲେ। ଏହା ପରେ ମେ ୩୧ ତାରିଖରେ ପୀଡିତାଙ୍କ ବାପା ପୋଲିସ ନିକଟରେ ଅଭିଯୋଗ କରିଥିଲେ। ଅଭିଯୁକ୍ତଙ୍କ ବିରୋଧରେ ପୋଲିସ ପାଖରେ ଦୃଢ ପ୍ରମାଣ ରହିଛି ବୋଲି କମିଶନର କହିଛନ୍ତି। ସମସ୍ତଙ୍କୁ ବିରୋଧରେ ଏକ ସ୍ୱତନ୍ତ୍ର ଅଦାଲତରେ ବିଚାର କରାଯିବ ଏବଂ ସେମାନଙ୍କୁ ସର୍ବନିମ୍ନ ୨୦ ବର୍ଷ ଜେଲଦଣ୍ଡ କିମ୍ବା ମୃତ୍ୟୁଦଣ୍ଡ ମିଳିପାରେ।