ନ୍ୟୁଜିଲାଣ୍ଡ ବିପକ୍ଷରେ କାନପୁର ଟେଷ୍ଟ ଡ୍ର ହେବା ପରେ କୋଚ୍ ଦ୍ରାବିଡ ନେଲେ ବଡ଼ ନିଷ୍ପତ୍ତି, ସମସ୍ତେ କରୁଛନ୍ତି ପ୍ରଶଂସା

ନୂଆଦିଲ୍ଲୀ: ଭାରତୀୟ କ୍ରିକେଟ୍ ଦଳର ନୂତନ କୋଚ୍ ରାହୁଲ ଦ୍ରାବିଡ (Rahul Dravid) ଶିବ କୁମାରଙ୍କ ନେତୃତ୍ୱରେ ଗ୍ରୀନ୍ ପାର୍କ ମୈଦାନରେ ଭଲ ପିଚ୍ ପ୍ରସ୍ତୁତ କରିବା ପାଇଁ କର୍ମଚାରୀଙ୍କୁ ୩୫,୦୦୦ ଟଙ୍କାର ପ୍ରୋତ୍ସାହିତ ରାଶି ଦ୍ୱାରା ସମ୍ନାନିତ କରିଛନ୍ତି । ଭାରତୀୟ ବଂଶଦ୍ଭୋବ ଏଜାଜ ପଟେଲ (Ajaz Patel) ଓ ରଚିନ୍ ରବିନ୍ଦ୍ର (Rachin Ravindra) ସୋମବାର ଗ୍ରୀନ୍ ପାର୍କରେ ଚମତ୍କାର ସଂଯମତାର ପରିଚୟ ଦେଇ ଶେଷ ୱିକେଟ୍ ସଂରକ୍ଷଣ କରି ନ୍ୟୁଜିଲାଣ୍ଡକୁ ପରାଜୟ ହେବାରୁ ରକ୍ଷା କରିଥିଲେ । ପରେ ପ୍ରେସ ବକ୍ସରେ ଉତ୍ତରପ୍ରଦେଶ କ୍ରିକେଟ୍ ଆସୋସିଏସନ୍ (UPCA) ଘୋଷଣା କରିଛି ଯେ, "ଆମେ ଏକ ଆଧିକାରୀକ ଘୋଷଣା କରିବାକୁ ଚାହୁଁଛୁ । ରାହୁଲ ଦ୍ରାବିଡ ବ୍ୟକ୍ତିଗତ ଭାବରେ ଆମର ଗ୍ରାଉଣ୍ଡ କର୍ମଚାରୀଙ୍କୁ ୩୫,୦୦୦ ଟଙ୍କା ଦେଇଛନ୍ତି ।"

ନିଜ ସମୟରେ ଦ୍ରାବିଡ ନିଜର ନିରପେକ୍ଷ ଖେଳ ପାଇଁ ଜଣାଶୁଣା ଥିଲେ । ଗ୍ରାଉଣ୍ଡମ୍ୟାନ୍ସଙ୍କୁ ମିଳିଥିବା ପ୍ରୋତ୍ସାହନ ରାଶି ଏହାର ଏକ ପ୍ରତୀକ ଥିଲା ଯେ ପିଚ୍ ମ୍ୟାଚ୍ରର ପାଞ୍ଚ ଦିନ ବୋଲର ଓ ବ୍ୟାଟ୍ସମ୍ୟାନ୍ସଙ୍କ ପାଇଁ କିଛି ଥିଲା । ଏହି ପିଚରେ ଯେଉଁଠାରେ ଉତ୍କୃଷ୍ଟ କୌଶଳ ପ୍ରଦର୍ଶନ କରୁଥିବା ଶ୍ରେୟସ୍ ଆୟର, ଶୁଭମାନ ଗିଲ, ଟମ ଲାଥାମ ଏବଂ ୱିଲ ୟଙ୍ଗଙ୍କ ଭଳି ବ୍ୟାଟ୍ସମ୍ୟାନ୍ସମାନେ ରନ୍ ସ୍କୋର କରିଥିଲେ ତ ଟିମ୍ ସାଉଥ୍ ଓ କାଇଲ୍ ଜାମିସନଙ୍କ ଭଳି ଦ୍ରୁତ ବୋଲରମାନେ ଭାରତର ଟପ୍ ଅର୍ଡରକୁ ଅସୁବିଧାରେ ପକାଇଥିଲେ । ଏହି ପିଚ୍ ଭାରତୀୟ ସ୍ପିନରମାନଙ୍କୁ ମଧ୍ୟ ସାହାଯ୍ୟ କରିଥିଲା ​​।

ଦ୍ରାବିଡ ଅଶ୍ୱିନଙ୍କ ସଫଳତାକୁ କହିଲେ ଅଦ୍ଭୂତପୂର୍ବ

ଅଫ୍ ସ୍ପିନର ରବିଚନ୍ଦ୍ରନ ଅଶ୍ୱିନଙ୍କ ମ୍ୟାଚ୍ ବିଜେତା ବୋଲି କହି ଭାରତୀୟ କୋଚ୍ ରାହୁଲ ଦ୍ରାବିଡ କହିଛନ୍ତି ଯେ ଟେଷ୍ଟ କ୍ରିକେଟରେ ଦେଶର ତୃତୀୟ ସଫଳ ବୋଲର ହେବାର ସଫଳତା ଅତ୍ୟନ୍ତ ସ୍ୱତନ୍ତ୍ର । ଅଶ୍ୱିନ ନିଜର ୪୧୮ ତମ ଟେଷ୍ଟ ୱିକେଟ୍ ନେଇ ନ୍ୟୁଜିଲ୍ୟାଣ୍ଡ ବିପକ୍ଷ ପ୍ରଥମ ଟେଷ୍ଟର ପଞ୍ଚମ ତଥା ଅନ୍ତିମ ଦିନରେ ଟମ୍ ଲାଥାମଙ୍କୁ ଆଉଟ୍ କରି ହରଭଜନ ସିଂଙ୍କୁ ପଛ ପକାଇଛନ୍ତି । ସେ ବର୍ତ୍ତମାନ କେବଳ ଅନିଲ କୁମ୍ବଲେ (୬୧୯) ଓ କପିଲ ଦେବ (୪୩୪) ଙ୍କ ପଛରେ ଅଛନ୍ତି । 

ମ୍ୟାଚ୍ ପରବର୍ତ୍ତୀ ସାମ୍ବାଦିକ ସମ୍ମିଳନୀରେ ଦ୍ରାବିଡ କହିଛନ୍ତି ଯେ ମୁଁ ଭାବୁଛି ଏହା ଏକ ଅଦ୍ୱିତୀୟ ସଫଳତା । ଆପଣ ଜାଣନ୍ତି ହରଭଜନ ପ୍ରକୃତରେ ଜଣେ ଭଲ ବୋଲର ଥିଲେ ଯାହାଙ୍କ ସହ ମୁଁ ବହୁତ କ୍ରିକେଟ୍ ଖେଳିଛି । ଅଶ୍ୱିନଙ୍କ ପାଇଁ ମାତ୍ର ୮୦ ଟେଷ୍ଟ ମ୍ୟାଚରେ ତାଙ୍କୁ ଅତିକ୍ରମ କରିବା ଏକ ଅଦ୍ଭୁତପୂର୍ବ ସଫଳତା ।