Kanpur Test: ସମାପ୍ତ ହେଲା ପ୍ରଥମ ଦିନର ଖେଳ, ଆୟର-ଜାଡେଜା ଦମ୍ ରେ ଦୃଢ଼ ସ୍ଥିତିରେ ଭାରତ

Kanpur Test: କାନପୁରର ଗ୍ରୀନ୍ ପାର୍କ ଗ୍ରାଉଣ୍ଡରେ ଟିମ୍ ଇଣ୍ଡିଆ 2 ମ୍ୟାଚ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚ ନ୍ୟୁଜିଲ୍ୟାଣ୍ଡ ବିପକ୍ଷରେ ଖେଳୁଛି । ପ୍ରଥମ ଟେଷ୍ଟର ପ୍ରଥମ ଦିନରେ ଟିମ୍ ଇଣ୍ଡିଆ 4 ୱିକେଟ୍ ହରାଇ 258 ରନ୍ ସଂଗ୍ରହ କରିଛି ।

ନୂଆଦିଲ୍ଲୀ: ଭାରତ-ନ୍ୟୁଜିଲ୍ୟାଣ୍ଡ ଟେଷ୍ଟ ସିରିଜ୍ (India vs New Zealand Test Series) ଆରମ୍ଭ ହୋଇଛି । କାନପୁରର (Kanpur) ଐତିହାସିକ ଗ୍ରୀନ୍ ପାର୍କ ଷ୍ଟାଡିୟମରେ (Green Park Stadium) ଏହି ସିରିଜର ପ୍ରଥମ ଟେଷ୍ଟ୍ ମ୍ୟାଚ ( India vs New Zealand 1st Test) ଆୟୋଜନ ହୋଇଛି । ଏହି ମ୍ୟାଚର ପ୍ରଥମ ଦିନର ଖେଳ ସମାପ୍ତ ହୋଇଛି । ଭାରତ ପ୍ରଥମ ଦିନର ଖେଳ ଶେଷସୁଦ୍ଧା 4 ୱିକେଟ୍ ହରାଇ ଭାରତ 258 ରନ୍ ସଂଗ୍ରହ କରିଛି ।

ଭାରତର ଇନିଂସ
ଟିମ୍ ଇଣ୍ଡିଆ ପାଇଁ ଶୁଭମନ ଗିଲ ଏବଂ ମୟଙ୍କ ଅଗ୍ରୱାଲ ଇନିଂସ ଆରମ୍ଭ କରିଥିଲେ । ମୟଙ୍କ ମାତ୍ର 13 ରନ୍ ସ୍କୋର କରି କାଇଲ୍ ଜାମିସନଙ୍କ ବଲରେ ଶିକାର ହୋଇଥିବାବେଳେ ଗିଲ୍ ପଚାଶ ସ୍କୋର କରିବା ପରେ ଜମିସନଙ୍କ ବଲରେ ଆଉଟ ହୋଇ ଯାଇଥିଲେ । ତିନି ନମ୍ବରରେ ଆସିଥିବା ଚେତେଶ୍ୱର ପୂଜାରା କେବଳ 26 ରନ୍ ସ୍କୋର କରିପାରିଥିଲେ, ଏହାସହ 35 ରନ୍ ସ୍କୋର କରି ଅଧିନାୟକ ରାହାଣେ ଆଉଟ ହୋଇଯାଇଥିଲା । ଏହା ପରେ ଶ୍ରେୟସ୍ ଆୟର 75 ଏବଂ ରବିନ୍ଦ୍ର ଜାଡେଜା 50 ରନ୍ ସ୍କୋର କରି ବର୍ତ୍ତମାନ ସୁଦ୍ଧା କ୍ରିଜରେ ଅପରାଜିତ ଅଛନ୍ତି । ସାବଧାନତାର ସହ ଖେଳି ବଡ଼ ସ୍କୋର କରିବା ଭାରତୀୟ ବ୍ୟାଟ୍ସମ୍ୟାନଙ୍କ ଦାୟିତ୍ୱ ଅଟେ, ଯାହାଫଳରେ କିୱି ଦଳ ପାଇଁ ଚ୍ୟାଲେଞ୍ଜ ଉପସ୍ଥାପିତ ହୋଇପାରିବ । ପ୍ରଥମ ଦିନ ପରେ ଟିମ୍ ଇଣ୍ଡିଆର ସ୍କୋର 258/4 (84 ଓଭର) ରହିଛି ।

ଶୁଭମନ ଗିଲଙ୍କ ଅର୍ଦ୍ଧଶତକ 
ଶୁଭମନ ଗିଲ ତାଙ୍କ ଟେଷ୍ଟ କ୍ୟାରିୟରର ଚତୁର୍ଥ ଅର୍ଦ୍ଧଶତକ ପୂରଣ କରିଛନ୍ତି, ସେ ମାତ୍ର 81 ବଲରେ 50 ରନ ମାର୍କ ଛୁଇଁଥିଲେ, ଏହି ସମୟ ମଧ୍ୟରେ ସେ 5 ଚୌକା ଓ ଗୋଟିଏ ଛକା ମାରିଥିଲେ । ସେ ନିଜର ପ୍ରଥମ ଟେଷ୍ଟ ଶତକ ଆଡକୁ ଯାଉଥିଲେ, କିନ୍ତୁ କାଇଲ ଜାମିସନ ତାଙ୍କୁ 52 ରନରେ ବୋଲ୍ଡ଼ କରି ଦେଇଥିଲେ ।

ଟସ୍ ଜିତିଥିଲା ଟିମ ଇଣ୍ଡିଆ
ଟିମ୍ ଇଣ୍ଡିଆର ଅଧିନାୟକ ଅଜିଙ୍କ୍ୟ ରାହାଣେ ଟସ୍ ଜିତି ନ୍ୟୁଜିଲ୍ୟାଣ୍ଡକୁ ପ୍ରଥମେ ବୋଲିଂ କରିବାକୁ ଆମନ୍ତ୍ରଣ କରଥିଲେ । ରାହାଣେ କହିଛନ୍ତି ଯେ ନ୍ୟୁଜିଲ୍ୟାଣ୍ଡ ଏକ ଗୁଣାତ୍ମକ ଦଳ ଏବଂ ଆମେ ସେମାନଙ୍କୁ ହାଲୁକା ଭାବେ ଗ୍ରହଣ କରିବୁ ନାହିଁ । କେନ୍ ୱିଲିୟମ୍ସନ୍ ମଧ୍ୟ ଭାରତୀୟ ଚ୍ୟାଲେଞ୍ଜକୁ ଗ୍ରହଣ କରିଥିଲେ ।