ଦେଶରେ ମହଙ୍ଗା ହେବାକୁ ଯାଉଛି ବିଦ୍ୟୁତ୍ ବିଲ୍, ସରକାର ଆଣୁଛନ୍ତି ଏକ ନୂଆ ଆଇନ

New Electricity Bill: ଦେଶରେ ପେଟ୍ରୋଲ ଏବଂ ଡିଜେଲ ପରେ ବର୍ତ୍ତମାନ ବିଜୁଳି ମଧ୍ୟ ମହଙ୍ଗା ହୋଇପାରେ । ଦେଶରେ କାର୍ଯ୍ୟକାରୀ ହେବାକୁ ଥିବା ଏକ ନୂତନ ବିଦ୍ୟୁତ୍ ବିଲ୍ ଡ୍ରାଫ୍ଟ କେନ୍ଦ୍ର ସରକାର ପ୍ରସ୍ତୁତ କରିଛନ୍ତି । ଏହି ନୂତନ ବିଦ୍ୟୁତ୍ ଆଇନ କାର୍ଯ୍ୟକାରୀ ହେବା ପରେ ସରକାର ବିଦ୍ୟୁତ୍ କମ୍ପାନୀଗୁଡିକୁ ସବସିଡି ଦେବା ବନ୍ଦ କରିବେ ।

ନୂଆଦିଲ୍ଲୀ: ଦେଶରେ ପେଟ୍ରୋଲ ଏବଂ ଡିଜେଲର ମୂଲ୍ୟ ଆକାଶକୁ ଛୁଇଁଥିବାବେଳେ ବର୍ତ୍ତମାନ ବିଦ୍ୟୁତ୍ ମୂଲ୍ୟରେ (Electricity bill) ମଧ୍ୟ ବୃଦ୍ଧି ଘଟିପାରେ । ବାସ୍ତବରେ କେନ୍ଦ୍ର ସରକାରଙ୍କ (Central government) ତରଫରୁ ଦେଶରେ ଏକ ନୂତନ ବିଦ୍ୟୁତ୍ ବିଲ୍ (New Electricity Bill) ଡ୍ରାଫ୍ଟ ପ୍ରସ୍ତୁତ କରାଯାଇଛି । ଏହି ମାସରୁ ଆରମ୍ଭ ହେବାକୁ ଥିବା ଶୀତ ଅଧିବେଶନରେ (Winter session) ସରକାର ସଂସଦରେ ଏହି ବିଲ୍ ଆଗତ କରିପାରନ୍ତି ବୋଲି କଳ୍ପନାଜଳ୍ପନା କରାଯାଉଛି । ଏହି ଆଇନ ଲାଗୁ ହେବା ପରେ ସାରା ଦେଶରେ କୋଟି କୋଟି ଲୋକଙ୍କ ପକେଟ ଉପରେ ସିଧାସଳଖ ପ୍ରଭାବ ପଡ଼ିବ । ଜାଣନ୍ତୁ ଏହି ବିଦ୍ୟୁତ୍ ବିଲ୍ ବିଷୟରେ...

ରାଜ୍ୟ ସରକାର ଯୋଗାଇ ପାରିବେ ନାହିଁ ମାଗଣାରେ ବିଦ୍ୟୁତ
ବାସ୍ତବରେ ଶସ୍ତା ବିଦ୍ୟୁତ ଯୋଗାଣ ପାଇଁ କେନ୍ଦ୍ର ସରକାର ସବସିଡି ପ୍ରଦାନ କରୁଛନ୍ତି । ସରକାର ବର୍ତ୍ତମାନ ଏହି ସବସିଡି ବନ୍ଦ କରିବାକୁ ଯାଉଛନ୍ତି । ଏହା ପରେ ପାୱାର କମ୍ପାନୀଗୁଡିକ ଗ୍ରାହକଙ୍କଠାରୁ ସମ୍ପୂର୍ଣ୍ଣ ଚାର୍ଜ ଆଦାୟ କରିବା ଆରମ୍ଭ କରିବେ । ଏହି ବିଲ୍ ପାରିତ ହେବା ପରେ କୌଣସି ରାଜ୍ୟ ସରକାର ମାଗଣାରେ ବିଦ୍ୟୁତ୍ ଯୋଗାଇ ପାରିବେ ନାହିଁ । ଏହା ମଧ୍ୟ ହୋଇପାରେ ଯେ କେନ୍ଦ୍ର ସରକାର ଏଲପିଜି ସବସିଡି ପରି ଗ୍ରାହକଙ୍କ ଆକାଉଣ୍ଟକୁ ସିଧାସଳଖ ଟଙ୍କା ଟ୍ରାନ୍ସଫର କରିବ ।

କମ୍ପାନୀଗୁଡିକର କ୍ଷତି ପାଇଁ କ୍ଷତିପୂରଣ ଦିଅନ୍ତି ସରକାର 
ନୂତନ ବିଦ୍ୟୁତ୍ ଆଇନ ଲାଗୁ ହେବା ପରେ ପେଟ୍ରୋଲ ଭଳି ବିଦ୍ୟୁତର ମୂଲ୍ୟ ମଧ୍ୟ ଶୀଘ୍ର ବଢ଼ିପାରେ । କାରଣ ଇନପୁଟ୍ ମୂଲ୍ୟ ଆଧାରରେ ଗ୍ରାହକଙ୍କଠାରୁ ବିଲ୍ ସଂଗ୍ରହ କରିବାକୁ ପାୱାର୍ କମ୍ପାନୀଗୁଡିକ ମୁକ୍ତ ହେବେ । କହିରଖୁଛୁ ଯେ ବର୍ତ୍ତମାନ ଗ୍ରାହକଙ୍କ ଠାରୁ ଚାର୍ଜ ହୋଇଥିବା ବିଲ୍ ତୁଳନାରେ ବିଦ୍ୟୁତ୍ କମ୍ପାନୀଗୁଡିକର ଉତ୍ପାଦନ ମୂଲ୍ୟ ୟୁନିଟ୍ ପିଛା ୦.୪୭ ଟଙ୍କା ଅଧିକ । ସରକାର ସବସିଡି ଦେଇ କମ୍ପାନୀଗୁଡିକର ଏହି କ୍ଷତି ପୂରଣ କରନ୍ତି ।

୫୦ ହଜାର କୋଟିରୁ ଅଧିକ ଟଙ୍କା କ୍ଷତି ସହୁଛନ୍ତି କମ୍ପାନୀ
ଆଜିକାଲି ବିଦ୍ୟୁତ୍ ବିତରଣ କମ୍ପାନୀଗୁଡିକ ବହୁ କ୍ଷତିରେ ଚାଲିଛନ୍ତି । ବର୍ତ୍ତମାନ କମ୍ପାନୀଗୁଡିକରେ ୫୦ ହଜାର କୋଟିରୁ ଅଧିକ ଟଙ୍କା କ୍ଷତି ହୋଇଛି । ଏହା ସହିତ କମ୍ପାନୀଗୁଡିକ ଡିସକମ୍ ଉପରେ ୯୫ ହଜାର କୋଟି ଋଣ କରିଛନ୍ତି ।