ସୁରକ୍ଷା ପରେ ସୋସିଆଲ ମେସେଜିଂ ଆପ୍ ବନାଇଲା ଭାରତୀୟ ସେନା

ନୂଆଦିଲ୍ଲୀ: ପ୍ରଧାନମନ୍ତ୍ରୀ ମୋଦି (Modi) ଙ୍କ ଆତ୍ମନିର୍ଭରଶୀଳ ଭାରତ (Self Reliant India) ଅଭିଯାନକୁ ଆଗେଇ ନେଇଛି ଭାରତୀୟ ସେନା (Indian Army)। ଏହିକ୍ରମରେ ହ୍ୱାଟ୍ସଆପ୍ (Whatsapp) ଏବଂ ଟେଲିଗ୍ରାମ (Telegram) ପରି ଏକ ସ୍ୱଦେଶୀ ମେସେଜିଂ ଆପ୍ (Messaging App) ବିକଶିତ କରିଛି। ଏନେଇ ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ କୁହାଯାଇଛି ଏହାର ନାମ ହେଉଛି ସିକ୍ୟୋର ଆପ୍ଲିକେଶନ ଫର ଇଣ୍ଟରନେଟ-ଏସଆଇଏ (SAI-Secure Application for Internet)।

ଏହି ଆପ୍ ମାଧ୍ୟମରେ ମେସେଜ ପଠାଇବା ସହ ଅଡିଓ-ଭିଡିଓ କଲିଂ (Audio-Video Calling) କରିହେବ। ଏହି ଆପ୍ ଆଣ୍ଡ୍ରଏଡ୍ (Android) ଆଧାରିତ ଇଣ୍ଟରନେଟ୍ ସେବା (Internet Service) ବ୍ୟବହାର କରି ସ୍ମାର୍ଟଫୋନ୍ (Smart Phone) ପାଇଁ ଡିଜାଇନ୍ ହୋଇଛି। ଏହି ଆପ୍ ରେ ଏନଆଇସି ଇନଫ୍ରାଷ୍ଟ୍ରକଚର ହୋଷ୍ଟିଂ ପ୍ରକିୟା (Infrastructure testing process on NIC), ବୌଦ୍ଧିକ ସମ୍ପତ୍ତି ଅଧିକାର ଫାଇଲି (IPR Filing) ଏବଂ ଆଇଓଏସ୍ (IOS) ସଂସ୍କରଣ ଉପରେ କାର୍ଯ୍ୟ ଚାଲିଛି।

ପ୍ରତିରକ୍ଷା ମନ୍ତ୍ରଣାଳୟ ଦ୍ୱାରା ଜାରି ବିବୃତ୍ତିରେ ଦର୍ଶାଯାଇଛି ଏସଆଇଏ ଆପ୍ ମଡେଲ୍ ହ୍ୱାଟ୍ସଆପ୍, ଟେଲିଗ୍ରାମ, ସମ୍ବାଦ (SAMVAD) ଏବଂ ଜିଆଇଏମଏସ (GIMS) ଭଳି ଉପଲବ୍ଧ ମେସେଜିଂ ଆପ୍ ସହିତ ସମାନ। ଏହା ଏନକ୍ରିପସନ୍ ମେସେଜିଂ ପ୍ରୋଟୋକଲ (Encryption messaging protocol) ଶେଷ କରିବା ପାଇଁ ଶେଷ ବ୍ୟବହାର କରେ। ଏହି ଆପ ଦ୍ୱାରା ସେନା ନିକଟକୁ ନିରାପଦରେ ବାର୍ତ୍ତା ପଠାଯିବ।

SAI ଆପ୍ CERT-in ପ୍ୟାନେଲରେ ଅନ୍ତର୍ଭୂକ୍ତ ଅଡିଟର ଏବଂ ଆର୍ମୀ ସାଇବର ଟିମ (Army Cyber Team) ଦ୍ୱାରା ପରୀକ୍ଷା କରାଯାଇଛି। ଏହି ଆପ୍ ସମୀକ୍ଷା କରିବା ପରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏହାକୁ ବିକଶିତ କରିଥିବା କର୍ଣ୍ଣେଲ ସାଇ ଶଙ୍କରଙ୍କୁ ଅଭିନନ୍ଦନ ଜଣାଇଛନ୍ତି।