ବୁର୍ଜ ଖଲିପା: ଜାଣନ୍ତୁ କଣ ଏହି ସୁଉଚ୍ଚ ଅଟ୍ଟାଳିକାର ରହସ୍ୟ

ବିଶ୍ୱର ଧନୀ ସହର ମଧ୍ୟରେ ସୁଉଚ୍ଚ ଅଟ୍ଟାଳିକା ବୁର୍ଜ ଖଲିପାକୁ ନେଇ ଦୁବାଇର ନାମ ବିଶ୍ୱରେ ସବୁଠୁ ବଡ ଟାଇଟଲ୍ ହାସଲ କରିଛି । ହେଲେ ଏହି ଏହି ସୁଉଚ୍ଚ ଅଟ୍ଟାଳିକାର ନିର୍ମାଣ କେମିତି ହୋଇଥିଲା ତାହା ବୋଧହୁଏ କିଛି ମାତ୍ରାରେ ଲୋକଙ୍କୁ ଜଣାଥିବ।

ନୂଆଦିଲ୍ଲୀ: ବୁର୍ଜ ଖଲିଫା, ଦୁନିଆର ସବୁଠାରୁ ଉଚ୍ଚ ଅଟ୍ଟାଳିକା, ଉତକୃଷ୍ଟ ସ୍ଥାପତ୍ୟ ଓ ଇଞ୍ଜିନିୟରିଂଙ୍କ ଅଦ୍ଭୁତ ନମୁନା । ବିଶାଳ ଗଗନଚୁମ୍ୱି  ବୁର୍ଜ ଖଲିଫା ବିଶ୍ୱରେ ଦୁବାଇର ପରିଚୟକୁ ଆହୁରି ଶାଣିତ କରିପାରିଛି । ମହଙ୍ଗା କାଚଘରେ ସଜାଯାଇଥିବା ଏହି କୋଠାର ଉଚ୍ଚତା ଓ ବିଳାସପୂର୍ଣ୍ଣତା ପାଇଁ ସମଗ୍ର ବିଶ୍ୱରେ ପରିଚିତ । ସୁଉଚ୍ଚ ସହିତ ବିଶ୍ୱର ସବୁପ୍ରକାର ସୁସ୍ୱାଦୁ ଦାମୀ ଖାଦ୍ୟ ଓ ପାନୀୟ, ଅଟ୍ଟାଳିକାର ସାଜସଜ୍ଜା ଓ ଡିଜାଇନ୍ ଅଧିକାଂଶ ଲୋକଙ୍କୁ ଆକୃଷ୍ଟ କରିଥାଏ । ଏପରି ସୁଉଚ୍ଚ ବିଳାସପୂର୍ଣ୍ଣ ଅଟ୍ଟାଳିକାକୁ ଦେଖିବା ଓ ତା ବିଷୟରେ ଜାଣିବା ପାଇଁ ସମସ୍ତଙ୍କ ମନରେ ଇଛା ରହିଥାଏ । କିଛି ଲୋକ ବୁର୍ଜ ଖଲିପା ଅଟ୍ଟାଳିକା ତଳେ ଫଟୋ ଉଠାଇବାକୁ ଇଛାପ୍ରକାଶ କରିଥାନ୍ତି, ତ ଆଉ କିଛି ଏହି ଅଟ୍ଟାଳିକାରେ ଚଢ଼ି ଏହାର ସୌନ୍ଦର୍ଯ୍ୟକୁ ଆଖିରେ କଏଦ୍ କରିବାକୁ ଇଛା ପ୍ରକାଶ କରିଥାନ୍ତି ।

ଦୁବାଇରେ ଅବସ୍ଥିତ ବିରାଟ ବୁର୍ଜ ଖଲିଫାର ପ୍ରାୟ ୭୦ ପ୍ରତିଶତ ଲୋକଙ୍କ ପାଇଁ ରହିବାକୁ ଡିଜାଇନ୍ କରାଯାଇଛି । ଗଗନ ଚୁମ୍ୱିଂ ବୁର୍ଜ ଖଲିଫାର(Burj Khalifa) ଲମ୍ୱ ୮୨୮.୮ମିଟର ଲମ୍ୱ ରହିଛି, ଯାହାର ୨୦୦ ମିଟର ଅଂଶ ଖାଲି ରହିଛି । ଆକାଶକୁ ଛୁଇଁଥିବା ଏହି ବିଶାଳ ଅଟ୍ଟାଳିକାର ୧୬୩ ମହଲାରୁ ୧୬୦ ମହଲା ଲୋକଙ୍କ ରହିବା ପାଇଁ ଡିଜାଇନ୍ କରାଯାଇଛି । ଏହାର ବିଳାସପୂର୍ଣ୍ଣ ଘର ଓ ସୁଇମିଂପୁଲ୍ ଯୋଗୁଁ ବୁର୍ଜ ଖଲିଫା ଦୁନିଆର ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି । ଏଠାରେ ମନୋରଞ୍ଜନର ଅନେକ ମାଧ୍ୟମ, ଲୋକଙ୍କୁ ଆକର୍ଷିତ କରିଥାଏ । କିନ୍ତୁ ସମ୍ପୂର୍ଣ୍ଣ ଭିନ୍ନ ଡିଜାଇନ୍ ହେତୁ ପ୍ରାୟ ୨୦୦ ମିଟରର ଅଂଶ ଅତ୍ୟନ୍ତ ପତଳା, ଯେଉଁଥିପାଇଁ ଲୋକମାନଙ୍କୁ ରହିବା ପାଇଁ ଅନୁଉପଯୁକ୍ତ ଅଟେ । ସେଥିପାଇଁ ଏହି ୨୦୦ ମିଟର ଅଞ୍ଚଳରେ ଲୋକମାନଙ୍କୁ ରହିବାକୁ ଅନୁମତି ଦିଆଯାଏ ନାହିଁ।

ବୁର୍ଜ ଖଲିଫା ନିର୍ମାଣ ପାଇଁ ୬ ବର୍ଷ ସମୟ ଲାଗିଥିଲା, ଏହି ବହୁତଳ ସୁଉଚ୍ଚ ଅଟ୍ଟାଳିକା ପଇଁ ପ୍ରାୟ ୮ ବିଲିୟନ ଡଲାର ଖର୍ଚ୍ଚ ହୋଇଥିଲା । ବୁର୍ଜ ଖଲିଫାର(Burj Khalifa) ନିର୍ମାଣ ୨୦୦୪ ମସିହା ସେପ୍ଟେମ୍ୱର ୨୧ ତାରିଖରେ ସରିଥିଲା । ୨୦୧୦ ମସିହାରେ ଏହି ଅଟ୍ଟାଳିକାକୁ ଆନୁଷ୍ଠାନିକ ଭାବେ ଉଦଘାଟନ କରାଯାଇଥିଲା । ନିର୍ମାଣ କାର୍ଯ୍ୟରେ ୧,୧୦,୦୦୦ ଟନରୁ ଅଧିକ କଂକ୍ରିଟ, ୫୫ ହଜାରରୁ ଅଧିକ ଷ୍ଟିଲ୍ ରେଲିଂର ବ୍ୟବହାର କରାଯାଇଛି । ବୁର୍ଜ ଖଲିଫାର କାନ୍ଥରେ ବ୍ୟବହୃତ ସ୍ୱତନ୍ତ୍ର ଧରଣର କାଚ ପାଇଁ କୋଠରୀ ମଧ୍ୟରେ ଗରମ ଅନୁଭୂତ ହୋଇନଥାଏ । ଅଟ୍ଟାଳିକାର ବାହାରେ ୨୬,୦୦୦ ଗ୍ଲାସ୍ ପ୍ୟାନେଲ ଲଗାଯାଇଛି । 

ବୁର୍ଜ ଖଲିଫାର ନିର୍ମାଣ ସମୟରେ ପ୍ରାୟ ୧୨ହଜାର ଶ୍ରମିକ ନିୟମିତ ଶ୍ରମଦାନ କରିଥିଲେ। ଉଚ୍ଚତା କାରଣରୁ କୋଠାର ଉପର ମହଲାର ତାପମାତ୍ରା ତଳ ମହଲା ତାପମାତ୍ରା ତୁଳନାରେ ୧୫ ଡିଗ୍ରୀ କମ୍ ରହିଥାଏ । ଅନେକ ଲୋକ ଜାଣିନଥିଲେ ଏହି ସୁଉଚ୍ଚ ଅଟାଳିକାର ନିର୍ମାଣ ସମୟରେ ଏହାର ନାମ ବୁର୍ଜ ଦୁବାଇ ରଖାଯାଇଥିଲା | ଏଥିରେ ଆର୍ଥିକ ସହାୟତା ଯୋଗାଉଥିବା ସଂଯୁକ୍ତ ଆରବର ରାଷ୍ଟ୍ରପତି ଶେଖ ଖଲିଫା ବିନ୍ ଜାଏଦ ଅଲ ନାହିନଙ୍କ ସମ୍ମାନାର୍ଥେ ଉଦଘାଟନ ସମୟରେ ଏହାର ନାମ ବୁର୍ଜ ଖଲିଫା ରଖାଯାଇଥିଲା । ବିଲ୍ଡିଂର ନିର୍ମାଣ ଏହି ବିଲ୍ଡିଂର ଲିଫ୍ଟ ଘଣ୍ଟାପ୍ରତି ୬୫ କିଲୋମିଟର ବେଗରେ ଚାଲିଥାଏ । ବିଲ୍ଡିଂର ୧୨୪ ତମ ମହଲାରେ ଥିବା ପର୍ଯ୍ୟବେକ୍ଷଣ ଡେକ୍ 'ଆଟ୍ ଟପ୍'ରେ ମାତ୍ର ୨ ମିନିଟ୍ ମଧ୍ୟରେ ପହଞ୍ଚିଥାଏ । ପର୍ଯ୍ୟଟକମାନେ ଅଟାଳିକାର ପର୍ଯ୍ୟବେକ୍ଷଣ ଡେକ୍ ଉପରେ ଟେଲିସ୍କୋପରୁ ଦୁବାଇର ଦୃଶ୍ୟ ଦେଖିବା ଏକ ନିଆରା ଅନୁଭୂତ ହୋଇଥାଏ ।