• ଆଜି ରୁକୁଣା ରଥଯାତ୍ରା
  • ବିନା ଭକ୍ତରେ ହେବ ରଥ ଟଣା
  • ଓଡ଼ିଶାରେ ଲାଗୁ ହେଲା ସପ୍ତାହାନ୍ତ ସଟଡ଼ାଉନ୍
  • ସବୁ ସହରାଂଚଳରେ ଶନିବାର , ରବିବାର ସଟଡ଼ାଉନ୍
  • ଦିଲ୍ଲୀରେ ସମ୍ପୂର୍ଣ୍ଣ ଲକଡାଉନ ପରେ ପ୍ରବାସୀଙ୍କ ଘର ବାହୁଡା
  • ଟ୍ରେନ ଓ ବସ୍ ଷ୍ଟାଣ୍ଡରେ ହଜାର ହଜାର ଲୋକଙ୍କ ଭିଡ
  • IPL 2021: ୪୫ ରନରେ ସାମସନ ବାହିନୀକୁ ମାତ୍ ଦେଲା ଧୋନୀବାହିନୀ
  • ରାଜସ୍ଥାନରେ ୧୫ ଦିନିଆ ଲକଡାଉନ ଘୋଷଣା
  • ନିର୍ବାଚନୀ ରାଲିକୁ ନା ପରେ ଟ୍ୱିଟରରେ ଟ୍ରେଣ୍ଡ କଲା ନବୀନଙ୍କ ନିଷ୍ପତ୍ତି
  • ମେ ୧ରୁ ୧୮ ବର୍ଷରୁ ଅଧିକ ସମସ୍ତଙ୍କୁ ମିଳିବ କରୋନା ଟିକା

ଝାଡ଼ଖଣ୍ଡ ବିଜେପି ପାଇଁ ମୋଦି କାଳ!

ଜଣେ ଗଢିଥିଲେ ଜଣେ ଭାଙ୍ଗୁଛନ୍ତି

ଝାଡ଼ଖଣ୍ଡ ବିଜେପି ପାଇଁ ମୋଦି କାଳ!
ଝାଡ଼ଖଣ୍ଡ ବିଜେପି ପାଇଁ ମୋଦି କାଳ!

ପ୍ରଜ୍ଞା ପାରମିତା ପତ୍ରୀ, ନୂଆଦିଲ୍ଲୀ: ସୋମବାର ପ୍ରକାଶ ପାଇଥିବା ଝାଡ଼ଖଣ୍ଡ ନିର୍ବାଚନର ଫଳାଫଳ ବିଜେପି ପାଇଁ ଥିଲା ଖୁବ୍ ନିରାଶଜନକ । ତେବେ ବିଜେପି ଯେ କେବଳ ସରକାର ଗଠନ କରିବା ପାଇଁ ଅସଫଳ ହୋଇଛି ତାହା ନୁହଁ ବରଂ ରାଜ୍ୟ ବିଧାନସଭାରେ ସବୁଠାରୁ ବଡ଼ ରାଜନୈତିକ ଦଳର ମାନ୍ୟତା ମଧ୍ୟ ହରାଇଛି । ଯାହାକି ବିଜେପିକୁ ଶକ୍ତ ଝଟକା ଦେଇଛି । ୮୧ ଆସନ ବିଶିଷ୍ଟ ଝାଡ଼ଖଣ୍ଡ ବିଧାନସଭାରେ ବିଜେପିକୁ ୨୫ଟି ଆସନରେ ସନ୍ତୁଷ୍ଟ ହେବାକୁ ପଡିଛି । ଜେଏମଏମ ନେତୃତ୍ୱାଧୀନ ମେଣ୍ଟକୁ ୪୭ ଆସନ ମିଳିଥିବା ବେଳେ ଜେଏମଏମକୁ କେବଳ ମିଳିଛି ୩୦ ଆସନ । ଯାହାକି ବିଧାନସଭାରେ ସବୁଠାରୁ ବଡ଼ ରାଜନୈତିକ ଦଳ ବିବେଚିତ ହୋଇଛି । ଆଉ ବିଜେପି ୨୫ ଆସନ ପାଇ ଦ୍ୱିତୀୟ ସ୍ଥାନରେ ରହିଛି । 

ଆଉ ଏହି ନମ୍ୱର ବିଜେପି ଶିବିରକୁ ଜୋର କା ଝଟକା ଦେଇଛି । ତେବେ ଝାରଖଣ୍ଡ ଗଠନ ହେବା ଦିନରୁ ବିଜେପି ବିରୋଧୀ ଆସନରେ ବସିଛି ନହେଲେ ଶାସକ ଦଳ ସାଜିଛି, ଆଉ ସବୁବେଳେ ପାଇଁ ଝାଡ଼ଖଣ୍ଡ ରାଜ୍ୟର ସବୁଠାରୁ ବଡ଼ ରାଜନୈତିକ ଦଳ ଭାବେ ବିବେଚିତ ହୋଇ ଆସିଛି । ମାତ୍ର ୨୦୧୯ ନିର୍ବାଚନ ବିଜେପିଠୁ ସରକାର ବନାଇବାର ସ୍ୱପ୍ନ ଛଡ଼ାଇନେବା ସହିତ ବଡ଼ ରାଜନୈତିକ ଦଳର ସମ୍ମାନ ମଧ୍ୟ ଛଡ଼ାଇ ନେଇଛି । 

୨୦୦୦ ମସିହାରେ ଯେତେବେଳେ କେନ୍ଦ୍ରରେ ବାଜପେୟୀ ସରକାରର ରାଜ ଥିଲା ସେତେବେଳେ ଝାରଖଣ୍ଡ ବିହାରଠାରୁ ଅଲଗା ହୋଇ ସ୍ୱତନ୍ତ୍ର ରାଜ୍ୟର ମାନ୍ୟତା ପାଇଥିଲା ଆଉ ୮୧ଟି ବିଧାନସଭା ମଣ୍ଡଳୀ ହୋଇଥିଲା । ଆଉ ୨୦୦୦ ମସିହାରେ ବିଜେପିର ୩୨ ଜଣ ବିଧାୟକ ଥିଲେ । ଆଉ ବିଜେପି ସବୁଠାରୁ ବଡ଼ ରାଜନୈତିକ ଦଳ ଥିଲା । ତେବେ ଗୋଟିଏ ପ୍ରକାର କୁହାଯାଇପାରେ ଯେ ଅଟଳ ବିହାରୀ ବାଜପେୟୀଙ୍କ ନେତୃତ୍ୱରେ ଦଳ ଝାଡ଼ଖଣ୍ଡରେ ନିଜର ଆଧିପତ୍ୟ ବିସ୍ଥାର କରିବା ସହିତ ଝାଡ଼ଖଣ୍ଡକୁ ସ୍ୱତନ୍ତ୍ର ରାଜ୍ୟର ମାନ୍ୟତା ଦେଇ ଝଡ଼ଖଣ୍ଡକୁ ଗଢ଼ି ତୋଳି ଥିଲା ।

୨୦୦୫ ମସିହା ନିର୍ବାଚନରେ ମଧ୍ୟ ବିଜେପି ପୁଣି ୩୦ ଆସନରେ ବିଜୟ ହୋଇ ବଡ଼ ଦଳ ହେବାର ତାଜକୁ ମୁଣ୍ଡାଇ ରଖିଥିଲା । ଏବଂ ୨୦୦୯ ନିର୍ବାଚନରେ ବିଜେପିର ସଂଖ୍ୟା ଯଦିଓ କମିଥିଲା କିନ୍ତୁ ସେ ଜେଏମଏମ ସହ ୧୮-୧୮ ଆସନ ହାସଲ କରି ସବୁଠାରୁ ବଡ଼ ଦଳର ସମ୍ମାନ ବଜାୟ ରଖିଥିଲା । 

୨୦୧୪ ନିର୍ବାଚନରେ ପୁଣି ବିଜେପିର ଝାରଖଣ୍ଡରେ ଐତିହାସିକ ବିଜୟ ହୋଇଥିଲା । ଯେଉଁଥିରେ ସେ ୩୭ଟି ବିଧାନସଭାରେ ନିଜର ଝଣ୍ଡା ପୋତି ଥିଲା । ସହଯୋଗୀ ଷ୍ଟୁଣ୍ଡେଣ୍ଟ ୟୁନିୟନ ସହ ମେଣ୍ଟ କରି ପୂର୍ଣ୍ଣ ବହୁମତ ସାବ୍ୟସ୍ତ କରି ସରକାର ଗଠନ କରିବା ସହ ବଡ଼ ଦଳ ହେବାର ସମ୍ମାନକୁ ଜାବୁଡ଼ି ଧରିଥିଲା ।

୨୦୧୪ରେ ମୋଦି ମ୍ୟାଜିକ କାମ ଦେଇଥିବା ବେଳେ ୨୦୧୯ ନିର୍ବାଚନରେ ମୋଦି ମ୍ୟାଜିକ ଫେଲ ମାରିଯାଇଥିଲା । ଚଳିତ ନିର୍ବାଚନରେ ମୋଦି ଓ ଶାହା ଖୁବ୍ ପରିଶ୍ରମ କରିଥିଲେ ମଧ୍ୟ ୨୫ ଆସନ ପାଇ ନିଜର ଧୋତି ଖୋଲା ସ୍ଥିତି ନେଇ ଆସିଥିଲା । ରାଜସ୍ଥାନ, ଛତିଶଗଡ଼, ମଧ୍ୟପ୍ରଦେଶରେ ମୋଦି ମ୍ୟାଜିକ ଫେଲ ମାରିବା ପରେ ଝାଡ଼ଖଣ୍ଡରେ ମଧ୍ୟ ସମାନ ସ୍ଥିତ ଦେଖିବାକୁ ମିଳିଛି । ତେଣୁ ଗୋଟିଏ ପ୍ରକାର କହିବାକୁ ଗଲେ ଝାରଖଣ୍ଡରେ ମୋଦି ଯାଦୁର ଅସର କମି କମି ଯାଉଛି ।