ଭାରତ କଲା MRSAM କ୍ଷେପଣାସ୍ତ୍ରର ସଫଳ ପରୀକ୍ଷଣ, ଜାଣନ୍ତୁ ଏହାର ବୈଶିଷ୍ଟ୍ୟ

MRSAM air defense missile: ବାଲେଶ୍ୱରରୁ ଆଜି ଭାରତ ଏକ ମଧ୍ୟମ ଦୂରଗାମୀ ଭୂପୃଷ୍ଠରୁ ବାୟୁକୁ ଲକ୍ଷଭେଦ କରିପାରୁଥିବା କ୍ଷେପଣାସ୍ତ୍ରକୁ ସଫଳତାର ସହ ପରୀକ୍ଷଣ କରିଛି ।

MRSAM Missile: ଭାରତ ଆଜି ଏକ ମଧ୍ୟମ ଦୂରଗାମୀ ଭୂପୃଷ୍ଠରୁ ବାୟୁକୁ ଲକ୍ଷ୍ୟଭେଦ କରିପାରୁଥିବା କ୍ଷେପଣାସ୍ତ୍ରକୁ (Missile Air Defence System) ସଫଳତାର ସହ ପରୀକ୍ଷଣ କରିଛି । ଏହି ପରୀକ୍ଷଣ ଓଡ଼ିଶାର ବାଲେଶ୍ୱର (Balasore) ଉପକୂଳରେ କରାଯାଇଥିଲା । ପରୀକ୍ଷଣରେ, କ୍ଷେପଣାସ୍ତ୍ର ଦୂରରୁ ସିଧାସଳଖ ନିଜ ଟାର୍ଗେଟକୁ ଭେଦ କରିଥିଲା । DRDO ଅଧିକାରୀ ଏହି ସୂଚନା ଦେଇଛନ୍ତି । ସୂଚନା ଅନୁଯାୟୀ, ବର୍ଦ୍ଧିତ ପରିସରର ଏହି କ୍ଷେପଣାସ୍ତ୍ର ଲକ୍ଷ୍ୟକୁ ସଠିକ୍ ଭାବରେ ଭେଦ କରିଥିଲା । 

DRDO ଏକ ଟ୍ୱିଟ୍‌ରେ କହିଛି ଯେ ସକାଳ ପ୍ରାୟ ୧୦.୩୦ ସମୟରେ ଓଡ଼ିଶାର ITR ବାଲେଶ୍ୱରରୁ MRSAM- ଆର୍ମି ମିସାଇଲ୍ ସିଷ୍ଟମର ସଫଳ ପରକ୍ଷଣ କରିଛି । DRDO ଅନୁଯାୟୀ, ସିଧାସଳଖ କ୍ଷେପଣାସ୍ତ୍ର ନିଜ ଟାର୍ଗେଟକୁ ନଷ୍ଟ କରି ଦେଇଥିଲା । DRDO ଅଧିକାରୀ କହିଛନ୍ତି ଯେ ଏହି ବ୍ୟବସ୍ଥା ଭାରତୀୟ ସେନାର ଏକ ଅଂଶ ।

ଏହି ପରୀକ୍ଷା ବହୁତ ସ୍ୱତନ୍ତ୍ର ବିବେଚନା କରାଯାଏ । କହିରଖୁଛୁ ଯେ ୨୩ ମାର୍ଚ୍ଚରେ, ଭାରତ ଆଣ୍ଡାମାନ ଏବଂ ନିକୋବରରେ ବ୍ରାହ୍ମୋସ୍ ସୁପରସୋନିକ୍ କ୍ରୁଜ୍ କ୍ଷେପଣାସ୍ତ୍ରକୁ ସଫଳତାର ସହ ପରୀକ୍ଷଣ କରିଥିଲା ​​। ବ୍ରହ୍ମୋସ କ୍ଷେପଣାସ୍ତ୍ର ସଠିକତା ସହିତ ଏହାର ଲକ୍ଷ୍ୟକୁ ଭେଦ କରିଥିଲା । ଇସ୍ରାଏଲର IAI କମ୍ପାନୀ ସହଯୋଗରେ DRDO ଏହି କ୍ଷେପଣାସ୍ତ୍ର ତିଆରି କରିଛି ।

MRSAM-Army missile system flight tested from ITR Balasore at around 1030 Hrs intercepting a high speed aerial target at long range. The target was destroyed by the missile in a direct hit.@PMOIndia @DefenceMinIndia @SpokespersonMoD @adgpi pic.twitter.com/Ra5yfHaHo1

— DRDO (@DRDO_India) March 27, 2022

ସୂଚନା ଅନୁଯାୟୀ, MRSAM ର ଓଜନ (ମଧ୍ୟମ ରେଞ୍ଜ ସର୍ଫେସ୍ ଟୁ ଏୟାର ମିସାଇଲ୍) ର ଓଜନ ପ୍ରାୟ ୨୭୫ କିଲୋଗ୍ରାମ । ଏହାର ଲମ୍ବ ୪.୫ ମିଟର ଏବଂ ବ୍ୟାସ ୦.୪୫ ମିଟର । ଯେତେବେଳେ କି ଏହି କ୍ଷେପଣାସ୍ତ୍ରରେ ୬୦ କିଲୋଗ୍ରାମ ୱାରହେଡ୍ ଅର୍ଥାତ୍ ଅସ୍ତ୍ର ଲୋଡ୍ ହୋଇପାରିବ । ଏହି କ୍ଷେପଣାସ୍ତ୍ର ଉତକ୍ଷେପଣ ପରେ କମ୍ ଧୂଆଁ ଛାଡିଥାଏ । କୌଣସି ଯାନ, ବିମାନ, ଡ୍ରୋନ୍ କିମ୍ବା କ୍ଷେପଣାସ୍ତ୍ର ଏହାର ସୀମା ମଧ୍ୟରେ ଆସି ବଞ୍ଚିବା ପ୍ରାୟ ଅସମ୍ଭବ ଅଟେ ।