ପାକିସ୍ତାନୀ ଦ୍ରୁତ ବୋଲରଙ୍କୁ ଏକ ବିଶେଷ ଉପହାର ପଠାଇଲେ ଧୋନି; ମିଳିଲା ଏହି ପ୍ରତିକ୍ରିୟା

MS Dhoni Gave Gift To Haris Rauf: ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ଏମଏସ ଧୋନି ପାକିସ୍ତାନର ଦ୍ରୁତ ବୋଲର ହାରିସ ରୌଫଙ୍କୁ ଏକ ବିଶେଷ ଉପହାର ଦେଇଛନ୍ତି ।

MS Dhoni Gave Gift To Haris Rauf: ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନି (MS Dhoni) ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥାଇ ପାରନ୍ତି, ତଥାପି ସେ ଅନେକ ସମୟରେ ହେଡଲାଇନରେ ରହିଥାନ୍ତି । ଏଥର ଧୋନି ପାକିସ୍ତାନୀ ବୋଲରଙ୍କୁ ଏକ ଉପହାର ପଠାଇ ହେଡଲାଇନରେ ଅଛନ୍ତି ।

ବାସ୍ତବରେ ଧୋନି ପାକିସ୍ତାନର ଯୁବ ଦ୍ରୁତ ବୋଲର ହରିସ ରୌଫଙ୍କୁ ଚେନ୍ନାଇ ସୁପର କିଙ୍ଗ୍ସ (CSK) ଜର୍ସିରେ ନିଜ ଅଟୋଗ୍ରାଫ ସହ ଏକ ଉପହାର ଦେଇଛନ୍ତି । ସୋସିଆଲ ମିଡିଆରେ ଏକ ପୋଷ୍ଟ ମାଧ୍ୟମରେ ହରିସ୍ ରୌଫ (Haris Rauf) ନିଜେ ଏହି ସୂଚନା ଦେଇଛନ୍ତି ।

ଉପହାର ଗ୍ରହଣ କରିବା ପରେ ହରିସ୍ ରୌଫ ସୋସିଆଲ ମିଡିଆରେ ଧୋନିଙ୍କ ପାଇଁ ଏକ ପୋଷ୍ଟ ଲେଖିଛନ୍ତି ଏବଂ ଧୋନିଙ୍କ ଜର୍ସିର ଫଟୋ ମଧ୍ୟ ସେୟାର କରିଛନ୍ତି । ହାରିସ୍ ରୌଫ ଟ୍ୱିଟରରେ ଲେଖିଛନ୍ତି- "ଭେଟେରାନ ଏବଂ କ୍ୟାପଟେନ୍ କୁଲ୍ ଏମ୍ଏସ୍ ଧୋନି ମୋତେ ତାଙ୍କର ସୁନ୍ଦର ସାର୍ଟ ଉପହାର ଦେଇ ସମ୍ମାନିତ କରିଛନ୍ତି । ନଂ- 7, ସେ ଏବେବି ନିଜର ଏହି ବ୍ୟବହାର ଏବଂ ଉଦାରତା ସହିତ ଲୋକଙ୍କ ହୃଦୟ ଜିତୁଛନ୍ତି ।"

କହିରଖୁଛୁ ଯେ ଏହି ଉପହାର ପଠାଇଥିବାରୁ ରୌଫ ଚେନ୍ନାଇ ସୁପର କିଙ୍ଗ୍ସ ମ୍ୟାନେଜର ରସେଲ ରାଧାକ୍ରିଷ୍ଣନଙ୍କୁ ମଧ୍ୟ ଧନ୍ୟବାଦ ଦେଇଛନ୍ତି । ହାରିସ୍ ଲେଖିଛନ୍ତି, ମୋତେ ସମର୍ଥନ କରିଥିବାରୁ ରସେଲ ରାଧାକୃଷ୍ଣନ୍ଙ୍କୁ ମଧ୍ୟ ଧନ୍ୟବାଦ ।

IPL 2022 ରେ ମଧ୍ୟ ନଜର ଆସିବେ ଧୋନି
 କହିରଖୁଛୁ ଯେ ଯଦିଓ ଧୋନି ଅନ୍ତର୍ଜାତୀୟ କ୍ରିକେଟରୁ ଅବସର ନେଇଛନ୍ତି, ତଥାପି ସେ ଇଣ୍ଡିଆନ ପ୍ରିମିୟର ଲିଗରେ ଖେଳୁଛନ୍ତି । ଆଇପିଏଲ୍ ର ଶେଷ ସିଜନରେ ସେ ଚେନ୍ନାଇ ସୁପର କିଙ୍ଗ୍ସକୁ ପୁଣି ଥରେ ଚାମ୍ପିଅନ୍ କରାଇଥିଲେ । ଚେନ୍ନାଇ ସୁପର କିଙ୍ଗ୍ସ ତାଙ୍କୁ ପୁଣି ଥରେ ରିଟେନ ରଖିଛି । ଏଭଳି ପରିସ୍ଥିତିରେ ମାହିଙ୍କୁ ଆଇପିଏଲ୍ 2022 ରେ ମଧ୍ୟ ଗ୍ରାଉଣ୍ଡରେ ନଜର ଆସିବେ ।