ମୁମ୍ୱାଇ ଝିଅ ବନିଥିଲେ ପାକିସ୍ତାନୀ ବୋହୂ, ପୋଲିସ ତଦନ୍ତରେ ଆଶ୍ଚର୍ଯ୍ୟଜନକ ତଥ୍ୟ

ନୂଆଦିଲ୍ଲୀ: ମୁମ୍ବାଇରେ ରହୁଥିବା ଜଣେ ମହିଳା ପାକିସ୍ତାନୀ ବ୍ୟକ୍ତିଙ୍କୁ ବିବାହ କରିଥିଲେ । ମହିଳାଙ୍କ ନାମ ନଗମା ନୁର ମାକସୁଦ ଅଲି ହୋଇଥିବାବେଳେ ସେ ନାମ ବଦଳାଇ ସନମ ଖାନ କରିଥିଲେ । ତେବେ କାହିଁକି ମହିଳାଜଣକ ନିଜ ନାଁକୁ ବଦଳାଇଲେ ତାହା ସମସ୍ତଙ୍କ ପାଇଁ ଆଶ୍ଚର୍ଯ୍ୟକର ବିଷୟ ପାଲଟିଛି । ପୋଲିସ ତଦନ୍ତରୁ ଅନେକ ତଥ୍ୟ ସାମ୍ନାକୁ ଆସିଛି ।

ପୋଲିସ ଯେତେବେଳେ ମହିଳାଙ୍କ ପାକିସ୍ତାନ ଯାତ୍ରା ସମ୍ବନ୍ଧରେ ମିଳିଥିବା ସରକାରୀ କାଗଜ ଗୁଡ଼ିକୁ ଯାଞ୍ଚ କଲା ସେତେବେଳେ ଜଣାପଡିଥିଲା ଯେ, ନାଗମା ବେଆଇନ ଭାବେ ନିଜ ନାମ ପରିବର୍ତ୍ତନ କରିଥିଲେ । ବର୍ତ୍ତମାନ ନାଗମାଙ୍କୁ ପୋଲିସ ହେପାଜତକୁ ନେବା ସହ ଅଧିକ ତଦନ୍ତ ଆରମ୍ଭ କରିଛି । ଅଗଷ୍ଟ ପ୍ରଥମ ସପ୍ତାହରେ ଜାମିନରେ ଜେଲରୁ ମୁକୁଳିଥିବା ନାଗମା ବର୍ତ୍ତମାନ କୋର୍ଟଙ୍କ ବିନା ଅନୁମତିରେ ପାକିସ୍ତାନକୁ ଫେରିପାରିବେ ନାହିଁ।

ସୂଚନା ମୁତାବକ, ନାଗମା ନୁର ପ୍ରାୟ ୧୦ ବର୍ଷ ତଳେ ଜଣେ ଦୋକାନୀଙ୍କ ସାହାଯ୍ୟରେ ସନମ ଖାନଙ୍କ ଆଧାର କାର୍ଡ ପାଇଥିଲେ । ସେତେବେଳେ ତାଙ୍କ ବୟସ 18 ଥିଲା । ଡକ୍ୟୁମେଣ୍ଟରେ ଜାଲିଆତି ହୋଇଥିବା କାରଣରୁ ନାଗମାଙ୍କୁ ପୋଲିସ ଗିରଫ କରିଥିଲା । ପୋଲିସ କହିବାନୁଯାୟୀ, ନାଗମା ପିଲାଦିନରୁ ନିଜ ନାମକୁ ନାପସନ୍ଦ କରୁଥିଲେ ତେଣୁ ସେ ତାଙ୍କ ନାମ ବଦଳାଇଥିଲେ । ୨୦୨୫ ମସିହାରେ ନାଗମା (ଛଦ୍ମନାମ) ନିଜର ନାମକୁ ବଦଳାଇ ସନାମ ଖାନ କରିଥିଲେ । ପୋଲିସ ସୂଚନାନୁଯାୟୀ, ନାଗାମା ପ୍ରାୟ ୨୦ ହଜାର ଟଙ୍କା ଖର୍ଚ୍ଚ କରି ସମସ୍ତ ନକଲି କାଗଜପତ୍ର ପ୍ରସ୍ତୁତ କରିଥିଲେ ।

୨୦୨୯ ମସିହାରେ ନାଗମାଙ୍କ ସ୍ୱାମୀଙ୍କର ଦେହାନ୍ତ ହୋଇଥିଲା । ପରେ ଫେସବୁକ ମାଧ୍ୟମରେ ୨୦୨୧ ମସିହା ମଇ ମାସରେ ନାଗମା ପାକିସ୍ତାନର ବାବର ବଶିର ଅହମ୍ମଦଙ୍କ ସହିତ ଚାଟିଂ କରିଥିଲେ । ନାଗାମାଙ୍କୁ ସେ ନିଜର ବିବାହ ଏବଂ ଦୁଇ ଝିଅ ଅଛନ୍ତି ବୋଲି କହିଥିଲେ । ଉଭୟ ନିଜ ସମ୍ପର୍କକୁ ଅଫିସିଆଲ୍ ଘୋଷଣା କରିବାକୁ ନିଷ୍ପତ୍ତି ନେଇଥିଲେ । ୨୦୨୨ ମସିହାରେ, ପରିବାର ସଦସ୍ୟ ମଧ୍ୟ ଭିଡିଓ କଲରେ କଥା ହୋଇଥିଲେ । ପରେ ୨୦୨୩ ମସିହାରେ ପାର୍ସପୋର୍ଟ ତିଆରି କରିବା ପାଇଁ ନାଗମା ନିଜର ପୂର୍ବ ପ୍ରସ୍ତୁତି ଡକ୍ୟୁମେଣ୍ଟ ବ୍ୟବହାର କରିଥିଲେ ।