ପିଜ୍ଜା ଡେଲିଭରୀ ବୟ କୋରୋନା ପଜିଟିଭ, ୭୨ଟି ପରିବାରକୁ କ୍ୱାରେଣ୍ଟାଇନରେ ରହିବାକୁ ନିର୍ଦ୍ଦେଶ

ଦିଲ୍ଲୀ: ଦକ୍ଷିଣ ଦିଲ୍ଲୀରେ ଆଜି ଜଣେ ପିଜ୍ଜା ଡେଲିଭରୀ ବୟ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ବ୍ୟକ୍ତି ଜଣକ କୋରୋନା ପଜିଟିଭ ଚିହ୍ନଟ ହେବା ପରେ ଦକ୍ଷିଣ ଦିଲ୍ଲୀର ୭୨ଟି ପରିବାରକୁ ହୋମ୍ କ୍ୱାରେଣ୍ଟାଇନରେ ରହିବାକୁ ନିର୍ଦ୍ଦେଶ ଦିଆଯାଇଛି । 

ଏହି ଡେଲିଭରୀ ବୟ ଜଣଙ୍କ ଏକ ମାସ ହେବ ଅସୁସ୍ଥ ଅନୁଭବ କରୁଥିଲେ । ସେ ଏ ନେଇ ଡାକ୍ତରଙ୍କ ପରାମର୍ଶ ନେିଥିବାବେଳେ ସାଧାରଣ ଥଣ୍ଡା ହୋଇଛି ବୋଲି କହି ଡାକ୍ତର ତାଙ୍କୁ ଘରକୁ ଫେରାଇଦେଇଥିଲେ । ମାତ୍ର ତାଙ୍କର ସ୍ୱାସ୍ଥ୍ୟ କ୍ରମାଗତ ଭାବରେ ଭଲ ନ ହେବାରୁ ତାଙ୍କୁ RML ଡାକ୍ତରଖାନାକୁ ପଠାଯାଇଥିଲା ଆଉ ସେଠାରେ ସେ COVID-19 ପଜିଟିଭ ଚିହ୍ନଟ ହୋଇଥିଲେ ।  

A pizza boy has been detected with #COVID19 here. 17 other delivery boys linked with him have been placed under institutional quarantine and 72 people have been placed under home quarantine: Delhi Health Minister Satyendar Jain https://t.co/X7fbrA4hws pic.twitter.com/5c9aCftNXV

— ANI (@ANI) April 16, 2020

ସାଉଥ ଦିଲ୍ଲୀର ଡିଏମଙ୍କ କହିବା ମୁତାବକ ସେ ଏପ୍ରିଲ ୧୧ତାରିଖ ଦିନ ପଜିଟିଭ ଚିହ୍ନଟ ହୋଇଥିଲେ । ଏବଂ ସେ ୭୨ଜଣଙ୍କ ଘରେ ପିଜ୍ଜା ଡେଲିଭରୀ କରିଥିଲେ । ସେ ଯେଉଁ ଯେଉଁ ଘରେ ପିଜ୍ଜା ଡେଲିଭରୀ କରିଥିଲେ ସେ ସମସ୍ତ ଘରକୁ କ୍ୱାରେଣ୍ଟାଇନରେ ରହିବାକୁ କୁହାଯାଇଛି । 

ଏତଦ୍ ବ୍ୟତୀତ ସେ ସିଧାସଳଖ ୧୭ଜଣ ଅନ୍ୟ ଡେଲିଭରୀ କର୍ମଚାରୀଙ୍କ ସଂସ୍ପର୍ଶରେ ଆସିଥିଲେ । ତେଣୁ ସେମାନଙ୍କୁ ଛତ୍ରପୁରରେ ହୋଇଥିବା କୋଭିଡ ୧୯ କ୍ୱାରେଣ୍ଟାଇନରେ ରଖାଯାଇଥିବା  ଡିଏମ ବି.ଏମ ମିଶ୍ର କହିଛନ୍ତି । 

ଦିଲ୍ଲୀରେ ବର୍ତ୍ତମାନ ୧୫୭୮ ଜଣ କୋରନା ପଜିଟିଭ ଚିହ୍ନଟ ହୋଇଥିବାବେଳେ ୩୨ଜଣଙ୍କର ଏଯାବତ ମୃତ୍ୟୁ ଘଟିଛି ।