ମୋଦି ମନ୍ତ୍ରୀମଣ୍ଡଳରେ ଏହି ନେତାଙ୍କ ସ୍ଥାନ ପକ୍କା! ଜାଣନ୍ତୁ କେଉଁ ନେତାମାନଙ୍କୁ ଡକାଗଲା ଦିଲ୍ଲୀ

PM Modi Cabinet Expansion: ନିକଟରେ ପ୍ରଧାନମନ୍ତ୍ରୀ ମୋଦି, କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଓ ବି.ଏଲ୍ ସନ୍ତୋଷଙ୍କ ମଧ୍ୟରେ ଏକ ବୈଠକ ହୋଇଥିଲା । କୁହାଯାଉଛି ଯେ ଏହି ବୈଠକରେ ମନ୍ତ୍ରୀଙ୍କ ଚୂଡାନ୍ତ ତାଲିକାରେ ମୋହର ଲଗାଯାଇଛି ।

ନୂଆଦିଲ୍ଲୀ: କେନ୍ଦ୍ର ମନ୍ତ୍ରୀମଣ୍ଡଳ ସମ୍ପ୍ରସାରଣରେ (Union Cabinet Expansion) ଅଳ୍ପ ସମୟ ବାକି ଅଛି । ଆସନ୍ତା ୨୪ ରୁ ୪୮ ଘଣ୍ଟା ମଧ୍ୟରେ କେନ୍ଦ୍ର କ୍ୟାବିନେଟରେ ଏକ ବଡ ପରିବର୍ତ୍ତନ ହୋଇପାରେ । ଏଥି ସହିତ ସମ୍ଭାବ୍ୟ ମନ୍ତ୍ରୀମାନଙ୍କୁ ଦିଲ୍ଲୀ ଡାକିବାର ପକ୍ରିୟା ମଧ୍ୟ ଆରମ୍ଭ ହୋଇଛି । ବର୍ତ୍ତମାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ (PM Narendra Modi) କ୍ୟାବିନେଟରେ ମନ୍ତ୍ରୀଙ୍କ ସଂଖ୍ୟା ୫୩ ରହିଛି । ଯାହାକୁ ୮୧ କୁ ବୃଦ୍ଧି କରାଯାଇପାରେ । ଅନୁମାନ କରାଯାଉଛି ଏହି ସମୟର ସମ୍ପ୍ରସାରଣ ଆଗାମୀ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ମଧ୍ୟ କରାଯାଇପାରେ । ଉତ୍ତରପ୍ରଦେଶ, ମଧ୍ୟପ୍ରଦେଶ, ବିହାର, ମହାରାଷ୍ଟ୍ରର ବହୁ ବିଜେପି ନେତା ମନ୍ତ୍ରିମଣ୍ଡଳରେ ସାମିଲ ହେବାର ସମ୍ଭାବନା ରହିଛି ।

ଦିଲ୍ଲୀ ଗସ୍ତରେ ବହୁ ନେତା
ଖବର ଆସିଛି ​​ଯେ ସମ୍ଭାବ୍ୟ ନେତାମାନଙ୍କୁ ଦିଲ୍ଲୀ ଡକାଯାଉଛି । ଏଥିରେ ମଧ୍ୟପ୍ରଦେଶର ବରିଷ୍ଠ ନେତା ଜ୍ୟୋତିରାଦିତ୍ୟ ସିନ୍ଧିଆ (Jyotiraditya Scindia) ଆଜି ଅପରାହ୍ନରେ ଦିଲ୍ଲୀରେ ପହଞ୍ଚିଛନ୍ତି । ଏଥି ସହିତ ଆସାମର ପୂର୍ବତନ ମୁଖ୍ୟମନ୍ତ୍ରୀ ସରବାନନ୍ଦ ସୋନୋୱାଲ (Sarbananda Sonowal) ମଙ୍ଗଳବାର ଅପରାହ୍ନରେ ରାଜଧାନୀରେ ପହଞ୍ଚିବେ । ଏଥି ସହିତ ମହାରାଷ୍ଟ୍ରର ବରିଷ୍ଠ ନେତା ନାରାୟଣ ରାଣେ ମଧ୍ୟ ଆଜି ଅପରାହ୍ନରେ ଦିଲ୍ଲୀରେ ପହଞ୍ଚିବେ । ଏଠାରେ କେନ୍ଦ୍ରୀୟ କ୍ୟାବିନେଟରେ ଯୋଗଦେବାକୁ ଚାହୁଁଥିବା ଅପନା ଦଳର ଅନୁପ୍ରିଆ ପଟେଲଙ୍କୁ (Anupriya Patel) ମଧ୍ୟ ଡକାଯାଇଛି ।

ଏହି ନେତାମାନେ ହୋଇପାରନ୍ତି ମନ୍ତ୍ରୀମଣ୍ଡଳର ନୂଆ ଚେହେରା 
ଗଣମାଧ୍ୟମ ରିପୋର୍ଟ ଅନୁଯାୟୀ, ନିକଟରେ ପ୍ରଧାନମନ୍ତ୍ରୀ ମୋଦି, କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଓ ବି.ଏଲ୍ ସନ୍ତୋଷଙ୍କ ମଧ୍ୟରେ ଏକ ବୈଠକ ହୋଇଥିଲା । ଯେଉଁଥିରେ ମନ୍ତ୍ରୀଙ୍କ ଚୂଡ଼ାନ୍ତ ତାଲିକାକୁ ଅନୁମୋଦନ କରାଯାଇଛି । ଯେଉଁଥିରେ ରୀତା ବାହୁଗୁଣା ଯୋଶୀ, ପିଲିଭିତ ସାଂସଦ ବରୁଣ ଗାନ୍ଧୀ, ବାଲିୟା ରାଜ୍ୟସଭା ସାଂସଦ ସାକଲଦୀପ ରାଜଭାର, ଆଗ୍ରା ସାଂସଦ ଏସପି ସିଂ ବାଗେଲଙ୍କ ନାମକୁ ନେଇ ଚର୍ଚ୍ଚା ଜୋରଦାର ହୋଇଛି ।

ଜ୍ୟୋତିରାଦିତ୍ୟ ସିନ୍ଧିଆକୁ ମିଳିବ ସୁଯୋଗ?
କ୍ୟାବିନେଟ୍ ବିସ୍ତାରର କଳ୍ପନାଜଳ୍ପନା ମଧ୍ୟରେ ଜ୍ୟୋତିରାଦିତ୍ୟ ସିନ୍ଧିଆଙ୍କ ନାମ ଚର୍ଚ୍ଚାର ବିଷୟ ହୋଇ ରହିଛି । ସେ କଂଗ୍ରେସ ସହିତ ଅଲଗା ହେବା ପରେ ମଧ୍ୟପ୍ରଦେଶରେ ବିଜେପିରେ ଯୋଗ ଦେଇଥିଲେ । ଏହି ନିଷ୍ପତ୍ତି ଯୋଗୁଁ କଂଗ୍ରେସକୁ ରାଜ୍ୟରେ କ୍ଷମତା ହରାଇବାକୁ ପଡିଲା ଓ ଶିବରାଜ ସିଂ ଚୌହାନଙ୍କୁ ସିଏମ୍ ଆସନ ମିଳିଲା । ଏଭଳି ପରିସ୍ଥିତିରେ କ୍ୟାବିନେଟରେ ପରିବର୍ତ୍ତନର ଏକ ଗୁରୁତ୍ୱପୂର୍ଣ୍ଣ ଅଂଶ ଭାବରେ ସିନ୍ଧିଆକୁ ବିବେଚନା କରାଯାଉଛି ।

ଅଧିକ ପଢ଼ନ୍ତୁ: 7th Pay Commission: ସରକାରୀ କର୍ମଚାରୀଙ୍କ ପୂରଣ ହେଲା DA ସହିତ ଏହି ଦାବି

ବିହାର-ୟୁପିରେ ବଡ କୋଟା!
ବିହାରରେ ଲୋକ ଜନତା ପାର୍ଟିରେ ମାମୁଁ ଓ ଜ୍ୱାଇଁଙ୍କ ମଧ୍ୟରେ ଚାଲିଥିବା ବିବାଦ ଏପର୍ଯ୍ୟନ୍ତ ଶେଷ ହୋଇନାହିଁ । ଏଭଳି ପରିସ୍ଥିତିରେ ମାମୁଁ ପାଶୁପତି କୁମାର ପରାସ ମୋଦି ସରକାରରେ ସୁଯୋଗ ପାଇପାରନ୍ତି ବୋଲି ଖବର ଆସିଛି । ଏହା ବ୍ୟତୀତ ରାଜ୍ୟ ରାଜନୀତିରୁ ଦୂରେଇ ଯାଉଥିବା ପୂର୍ବତନ ଉପମୁଖ୍ୟମନ୍ତ୍ରୀ ସୁଶୀଲ କୁମାର ମୋଦି ମଧ୍ୟ ନୂତନ ମନ୍ତ୍ରୀମାନଙ୍କ ମଧ୍ୟରେ ସ୍ଥାନ ପାଇପାରନ୍ତି । ଏହା ସହିତ ରାଜୀବ ରଂଜନ ଓରଫ ଲଲନ ସିଂ, ଆରସିପି ସିଂ, ରାମନାଥ ଠାକୁର, ଚନ୍ଦ୍ରଶେଖର ପ୍ରସାଦ ଚନ୍ଦ୍ରବଂଶୀ, ଦିଲଶ୍ୱର କାମାଟ, ସାନ୍ତୋଶ କୁଶୱାଙ୍କ ସମେତ ଅନେକ ନେତାଙ୍କ ନାମ ଜେଡିୟୁ କୋଟାରୁ ଆଲୋଚନା ହେଉଛି ।

ଅଧିକ ପଢ଼ନ୍ତୁ: CBI ରାଡାରରେ ଅଖିଲେଶଙ୍କ ଡ୍ରିମ ପ୍ରୋଜେକ୍ଟ; ୪୦ଟି ସ୍ଥାନରେ ଚଢ଼ାଉ, ୧୯୦ ଜଣଙ୍କ ବିରୋଧରେ FIR

ଏହି ନେତାମାନେ ମଧ୍ୟ ରେସରେ ସାମିଲ ଅଛନ୍ତି
ପଶ୍ଚିମବଙ୍ଗ ବିଧାନସଭା ନିର୍ବାଚନ ପୂର୍ବରୁ ତୃଣମୂଳ କଂଗ୍ରେସ ଛାଡି ବିଜେପିରେ ଯୋଗ ଦେଇଥିବା ଦୀନେଶ ତ୍ରିବେଦୀଙ୍କୁ ମଧ୍ୟ ଏକ ବଡ଼ ଦାୟିତ୍ବ ଦିଆଯାଇପାରେ । ଏହା ବ୍ୟତୀତ ଓଡିଶାର ବୈଜୟନ୍ତ ପଣ୍ଡା, ମହାରାଷ୍ଟ୍ରର ସାଂସଦ ପ୍ରୀତମ ମୁଣ୍ଡେ, ଦିଲ୍ଲୀ ସାଂସଦ ମୀନାକ୍ଷୀ ଲେଖୀ, ମହାରାଷ୍ଟ୍ରର ସାଂସଦ ପଙ୍କଜ ଚୌଧୁରୀଙ୍କ ବିଷୟରେ ମଧ୍ୟ ସମ୍ଭାବନା ବଢୁଛି ।