Presidential Election 2022: ରାଷ୍ଟ୍ରପତି ନିର୍ବାଚନ ପୂର୍ବରୁ ଏକାଠି ହେବେ ବିରୋଧୀ! ଜୁନ୍ ୧୫ ରେ ବୈଠକ ଡାକିଲେ ମମତା

Presidential Election 2022: ଆସନ୍ତା ରାଷ୍ଟ୍ରପତି ନିର୍ବାଚନ ପାଇଁ ତାରିଖ ଘୋଷଣା ହେବା ପରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସ ମୁଖ୍ୟ ମମତା ବାନାର୍ଜୀ (Mamata Banerjee) ପୁଣି ଥରେ ଜାତୀୟ ଚେହରା ଭାବେରେ ପ୍ରାଧାନ୍ୟ ବିସ୍ତାର କରିବାକୁ ଆକ୍ଟିଭ ହୋଇଛନ୍ତି ।

Presidential Election 2022: ଆଗକୁ ରାଷ୍ଟ୍ରପତି ନିର୍ବାଚନ ଥିବାରୁ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସର ସୁପ୍ରିମୋ ମମତା ବାନାର୍ଜୀ (Mamata Banerjee) ବିରୋଧୀ ଦଳର ନେତା ତଥା ଅଣ-ବିଜେପି ଶାସିତ ରାଜ୍ୟମାନଙ୍କ ସହ ଯୋଗାଯୋଗ କରିଛନ୍ତି । ନ୍ୟୁଜ୍ ଏଜେନ୍ସି ANI ଦ୍ୱାରା ସେୟାର ହୋଇଥିବା ଇନପୁଟ ଅନୁଯାୟୀ, ଟିଏମସି ରିପୋର୍ଟ କରିଛି ଯେ ମମତା ବାନାର୍ଜୀ ଜୁନ୍ ୧୫ ରେ ଦିଲ୍ଲୀର କନ୍ସଟିଚ୍ୟୁସନ କ୍ଲବରେ ବିରୋଧୀ ଦଳର ନେତାଙ୍କ ମିଳିତ ବୈଠକ ଡାକିଛନ୍ତି ।

ଟିଏମସି ସୁପ୍ରିମୋ କଂଗ୍ରେସ ସଭାପତି ସୋନିଆ ଗାନ୍ଧୀ, ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ୍ ଆଦମୀ ପାର୍ଟି (AAP) ମୁଖ୍ୟ ଅରବିନ୍ଦ କେଜ୍ରିୱାଲ, କେରଳର ସିଏମ ତଥା ବାମପନ୍ଥୀ ନେତା ପିନାରାଇ ବିଜୟ, ଓଡ଼ିଶା ସିଏମ ତଥା ବିଜେଡି ମୁଖ୍ୟ ନବୀନ ପଟ୍ଟନାୟକ ଏବଂ ମହାରାଷ୍ଟ୍ର ମୁଖ୍ୟମନ୍ତ୍ରୀ ତଥା ଶିବସେନା ମୁଖ୍ୟଙ୍କ ଉଦ୍ଧବ ଠାକରେଙ୍କ ସମେତ ୨୨ ଜଣ ନେତାଙ୍କୁ ଏକ ଚିଠି ଲେଖିଛନ୍ତି ।

କୁହାଯାଉଛି ଯେ ମମତା ବାନାର୍ଜୀ ନିଜ ତେଲେଙ୍ଗାନା ପ୍ରତିପକ୍ଷ କେ ଚନ୍ଦ୍ରଶେଖର ରାଓ (ତେଲେଙ୍ଗାନା ରାଷ୍ଟ୍ର ସମିତି), ତାମିଲନାଡୁର ଏମ.କେ ଷ୍ଟାଲିନ (DMK), ଝାଡ଼ଖଣ୍ଡର ହେମନ୍ତ ସୋରେନ ଏବଂ ପଞ୍ଜାବର ଭଗବନ୍ତ ମାନଙ୍କ ସହ ଯୋଗାଯୋଗ କରିଛନ୍ତି ।

With Presidential election around the corner, West Bengal CM Mamata Banerjee, with an initiative of strong & effective opposition against divisive forces, has reached out to the opposition CMs & leaders to participate in a joint meeting at Constitution Club, Delhi on June 15: TMC pic.twitter.com/vjOZEuz739

— ANI (@ANI) June 11, 2022

୨୦୨୧ ମସିହାରେ ଅନୁଷ୍ଠିତ ବେଙ୍ଗଲ ବିଧାନସଭା ନିର୍ବାଚନରେ ​​ନିଜର ବୃହତ ବିଜୟ ପରଠାରୁ ଏକ ପ୍ରମୁଖ ଜାତୀୟ ଭୂମିକା ଗ୍ରହଣ କରୁଥିବା ମୁଖ୍ୟମନ୍ତ୍ରୀ ମମତା ବାନାର୍ଜୀ ଏକ ସର୍ବସମ୍ମତ ବିରୋଧୀ ପ୍ରାର୍ଥୀକୁ ବିଜେପି ପ୍ରାର୍ଥୀ ବିରୋଧରେ ଠିଆ କରିବାକୁ ଲକ୍ଷ୍ୟ ରଖିଛନ୍ତି ।

ଭାରତର ପରବର୍ତ୍ତୀ ରାଷ୍ଟ୍ରପତିଙ୍କ ନିର୍ବାଚନ ୧୮ ଜୁଲାଇରେ ଓ ୨୧ ଜୁଲାଇରେ ଭୋଟ୍ ଗଣତି ଅନୁଷ୍ଠିତ ହେବ । ରାଷ୍ଟ୍ରପତି ନିର୍ବାଚନ ପାଇଁ କାର୍ଯ୍ୟସୂଚୀ ଗୁରୁବାର ଦିନ ନିର୍ବାଚନ ଆୟୋଗ ଘୋଷଣା କରିଛି । ରାଷ୍ଟ୍ରପତି ନିର୍ବାଚନରେ ​​ଭୋଟ୍ ଦେବା ପ୍ରସଙ୍ଗରେ ରାଜନୈତିକ ଦଳ ସେମାନଙ୍କ ସାଂସଦ ତଥା ବିଧାୟକଙ୍କୁ କୌଣସି ବାଧ୍ୟବାଧ୍ୟକତା କରି ପାରିବେ ନାହିଁ ବୋଲି ନିର୍ବାଚନ ଆୟୋଗ ସ୍ପଷ୍ଟ କରିଛନ୍ତି । ନିର୍ବାଚନ କାର୍ଯ୍ୟସୂଚୀ ଘୋଷଣା କରି ମୁଖ୍ୟ ନିର୍ବାଚନ କମିଶନର ରାଜୀବ କୁମାର କହିଛନ୍ତି ଯେ ରାଷ୍ଟ୍ରପତି ରାମ ନାଥ କୋବିନ୍ଦଙ୍କ କାର୍ଯ୍ୟକାଳ ଜୁଲାଇ ୨୪ ରେ ଶେଷ ହେବ ।