ଆବୁଧାବିରେ ରାଫାଲ, ବୁଧବାର ଗୃହପ୍ରବେଶ

ଆସନ୍ତା କାଲି ଅବତରଣ...

ନୂଆଦିଲ୍ଲୀ: ଆବୁଧାବୀରେ ପହଞ୍ଚିଲା ରାଫାଲ। ଫ୍ରାନ୍ସ ବାୟୁସେନା ଏୟାରବେସରୁ କାଲିଠାରୁ ଉଡ଼ାଣ ଭରିଥିବା ୫ଟି ରାଫେଲ ବିମାନ ଆଜି ଆବୁଧାବୀରେ ପହଞ୍ଚିଛି।  ଆବୁଧାବୀର ଅଲ ଡଫରା ବିମାନଘାଟୀରେ ଆଜି ଅବତରଣ କରିଛି। ଆଉ ୨ ହଜାର କିଲୋମିଟର ଅତିକ୍ରମ କରିବା ପରେ ଆସନ୍ତା କାଲି ବୁଧବାର ହରିଆଣାର ଅମ୍ବାଲା ବିମାନ ଘାଟିରେ ଅବତରଣ କରିବ। ୫ଟି ରାଫାଲ ବିମାନ ଭାରତୀୟ ବାୟୁସେନାରେ ସାମିଲ ହେବା ପରେ ଭାରତୀୟ ବାୟୁସେନା ମଜବୁତ ହୋଇଯିବ। 

ଗତକାଲି ଏହି ୫ଟି ବିମାନ ଗୁଡ଼ିକରେ ଅନ୍ୟ ଏକ ବିମାନ ଦ୍ୱାରା ଇନ୍ଧନ ମଧ୍ୟ ଭରାଯାଇଥିଲା। ଫ୍ରାନ୍ସର ମେରିନୈକ ବିମାନ ଘାଟିରୁ ୭ ଘଣ୍ଟାର ଉଡ଼ାଣ ଭରିବା ପରେ ଆବୁଧାବୀର ଅଲ ଡଫରା ବିମାନଘାଟୀରେ ଅବତରଣ କରିଥିଲେ। ତେବେ ଏହି ୩ ହଜାର କିଲୋମିଟର ଯାତ୍ରା ଅତିକ୍ରମ କରିବା ମଧ୍ୟରେ ଏକାଧିକବାର ଇନ୍ଧନ ଭରାଯାଇଥିବା ସୂଚନା ମିଳିଛି। 

ସେପଟେ ଦୁଇ ଶତ୍ରୁ ରାଷ୍ଟ୍ର ପାକିସ୍ତାନ ଓ ଚୀନ ଚିନ୍ତାରେ ପଡ଼ିଛନ୍ତି। ରାଫାଲ ପହଞ୍ଚିବା ପରେ ଉଭୟ ପାକିସ୍ତାନ ଓ ଚୀନ ଚିନ୍ତାରେ ପଡ଼ିଯାଇଛନ୍ତି। କାରଣ ଏହି ରାଫେଲ ଆଣିବା ପରେ ଭାରତର ଶକ୍ତି ବୃଦ୍ଧି ଘଟିଛି। ଚୀନ ଓ ପାକିସ୍ତାନ ନିକଟରେ ମଧ୍ୟ ରାଫାଲର ମୁକାବିଲା କରିବା ପାଇଁ ମଧ୍ୟ ଯୁଦ୍ଧ ଜାହାଜ ନାହିଁ। ଏପରିକି ଗୋଟିଏ ରାଫାଲ ବିମାନ ଏକ ସଙ୍ଗେ ଶତ୍ରୁ ରାଷ୍ଟ୍ରର ୮ଟି ସ୍ଥାନରେ ନଜର ରଖିପାରିବ। ସେପଟେ ରାଫାଲର ସାମ୍ନା କରିବା ପାଇଁ ପାକିସ୍ତାନର ଯୁଦ୍ଧ ଜାହାଜ ଏଫ-୧୬ ଭଳି ଦୁଇଟି ଜାହାଜର ଜରୁରୀ ହୋଇ ପଡ଼ିବ। 

ଏପରିକି ପାକିସ୍ତାନର ମିଶାଇଲକୁ ମାଟିରେ ମିଶାଇବାର କ୍ଷମତା ରଖିଛି ରାଫାଲ। ଆଖିପିଛୁଳାକେ ମିଶାଇଲକୁ ଧ୍ୱଂସ କରିବାର କ୍ଷମତା ରଖିଛି ରାଫାଲ। ଅନୁରୂପ ଭାବେ ଚୀନର ଲଢୁଆ ବିମାନ ଜେ-୧୧କୁ ମଧ୍ୟ ନଷ୍ଟ କରିବାର କ୍ଷମତା ରଖିଛି। କହିବାକୁ ଗଲେ ରାଫାଲ ଯୁଦ୍ଧ ବିମାନ ଭାରତରେ ପହଞ୍ଚିବା ପରେ ଭାରତର ପ୍ରତିରକ୍ଷା ବିଭାଗ ଆହୁରି ଶକ୍ତିଶାଳୀ ହୋଇପଡ଼ିବ। ଯାହାକୁ ନେଇ ଏବେ ପଡ଼ୋଶୀ ଶତ୍ରୁ ରାଷ୍ଟ୍ର ଚିନ୍ତାରେ ରହିଛନ୍ତି।