Rajkot Fire Tragedy: ଗୁଜୁରାଟର ରାଜକୋଟର ଟିଆରପି ଗେମିଂ ଜୋନରେ ବ୍ୟାପକ ଅଗ୍ନିକାଣ୍ଡ ଘଟଣା। ଏହି ମୃତ୍ୟୁ ସଂଖ୍ୟା ୨୭ କୁ ବୃଦ୍ଧି ପାଇଛି। ସର୍ଟ ସର୍କିଟ ଅଗ୍ନିକାଣ୍ଡ ଘଟିଥିବା କୁହାଯାଉଛି। ଅପରାହ୍ନ ପ୍ରାୟ ସାଢେ ୪ଟା ବେଳେ ଏହି ଅଘଟଣ ଘଟିଥିଲା। ଗ୍ରୀଷ୍ମ ଛୁଟି ଏବଂ ଶନିବାର ଥିବାରୁ ଏଠାକୁ ବହୁ ପିଲାମାନେ ଆସିଥିବାର କୁହାଯାଉଛି।
Trending Photos
Rajkot Fire Tragedy: ଗୁଜୁରାଟର ରାଜକୋଟର ଟିଆରପି ଗେମିଂ ଜୋନରେ ବ୍ୟାପକ ଅଗ୍ନିକାଣ୍ଡ ଘଟଣା। ଏହି ମୃତ୍ୟୁ ସଂଖ୍ୟା ୨୭ କୁ ବୃଦ୍ଧି ପାଇଛି। ସର୍ଟ ସର୍କିଟ ଅଗ୍ନିକାଣ୍ଡ ଘଟିଥିବା କୁହାଯାଉଛି। ଅପରାହ୍ନ ପ୍ରାୟ ସାଢେ ୪ଟା ବେଳେ ଏହି ଅଘଟଣ ଘଟିଥିଲା। ଗ୍ରୀଷ୍ମ ଛୁଟି ଏବଂ ଶନିବାର ଥିବାରୁ ଏଠାକୁ ବହୁ ପିଲାମାନେ ଆସିଥିବାର କୁହାଯାଉଛି। ଫଳରେ ଗେମିଂ ଜୋନରେ ହଠାତ୍ ନିଆଁ ଲାଗିଯାଇଥିଲା। ଫାଇବରରେ ନିର୍ମିତ ଗେମିଂ ଜୋନ୍ ଟି କ୍ଷଣିକ ମଧ୍ୟରେ ନିଆଁରେ ପୋଡି ପାଉଁଷ ହୋଇଯାଇଥିଲା। ଅଗ୍ନିକାଣ୍ତ ଏତେ ଭୟଙ୍କର ଥିଲା ଯେ, ପୂରା ପରିବେଶ ଧୂଆଁମୟ ହୋଇଯାଇଥିଲା। ଗେମିଂ ଜୋନ୍ ମାଲିକ ପ୍ରକାଶ ଜୈନ୍ ଏବଂ ଯୁବରାଜ ସିଂଙ୍କୁ ପୋଲିସ ଗିରଫ କରିଛି। ଉଭୟଙ୍କୁ ପଚରାଉଚରା ପାଇଁ ପୋଲିସ ଷ୍ଟେସନକୁ ଅଣାଯାଇଛି। ମୃତ୍ୟୁ ସଂଖ୍ୟା ଆଗକୁ ବଢିପାରେ ବୋଲି ଆଶଙ୍କା କରାଯାଉଛି। ସହକାରୀ ପୋଲିସ କମିଶନର ରାଧିକା ଭରାଇ କହିଛନ୍ତି ଯେ, ଏପର୍ଯ୍ୟନ୍ତ ୨୭ ଜଣଙ୍କ ମୃତ୍ୟୁ ହୋଇଛି। କେତେକ ଶରୀର ଏତେ ଜଳିଯାଇଛି ଯେ ସେମାନଙ୍କୁ ଚିହ୍ନଟ କରିହେଉ ନାହିଁ। କିନ୍ତୁ ବିଳମ୍ବିତ ରାତିରେ ନ୍ୟୁଜ୍ ଏଜେନ୍ସି (IANS) ୩୫ ଜଣଙ୍କ ମୃତ୍ୟୁ ହୋଇଥିବା ସୂଚନା ଦେଇଛି।
ପ୍ରତ୍ୟକ୍ଷଦର୍ଶୀମାନେ କହିଛନ୍ତି ଯେ, ଶନିବାର ଥିବାରୁ ଏଠାରେ ବହୁ ସଂଖ୍ୟାରେ ଜନସମାଗମ ହୋଇଥିଲା। ଉପର ଭାଗରେ କାମ ଚାଲିଥିଲା ଯେଉଁଠାରେ ଏହି ଗେମିଂ ଜୋନ୍ ଅବସ୍ଥିତ । ଏହି ସମୟ ମଧ୍ୟରେ ହଠାତ୍ ସର୍ଟ ସର୍କିଟ ଯୋଗୁଁ ନିଆଁ ଲାଗି ଯାଇଥିଲା। ଅହମ୍ମଦାବାଦର ଅଗ୍ନିଶମ ଅଧିକାରୀ ରାଜେଶ ଭଟ୍ଟ କହିଛନ୍ତି ଯେ, ଘଟଣାର ପ୍ରକୃତ କାରଣ ଅନୁସନ୍ଧାନ ପରେ ହିଁ ଜଣା ପଡିବ। ସେପଟେ, ମୃତକଙ୍କୁ ପାଇଁ ସରକାର ଅନୁକମ୍ପା ରାଶି ଘୋଷଣା କରିଛନ୍ତି ସରକାର। ଗୁଜୁରାଟ ସରକାର ମୃତକଙ୍କ ପରିବାରକୁ ପ୍ରତ୍ୟେକଙ୍କୁ ୪ ଲକ୍ଷ ଟଙ୍କା ଏବଂ ଆହତମାନଙ୍କୁ ୫୦,୦୦୦ ଟଙ୍କା ସହାୟତା ଘୋଷଣା କରିଛନ୍ତି। ପୋଲିସ କମିଶନର ରାଜୁ ଭର୍ଗାଭା କହିଛନ୍ତି ଯେ, ସେମାନଙ୍କ ପିଲା ଏବଂ ସମ୍ପର୍କୀୟଙ୍କ ସମ୍ପର୍କରେ ସୂଚନା ପିତାମାତାଙ୍କଠାରୁ ନିଆଯାଉଛି, ଯାହାଫଳରେ ନିଖୋଜଙ୍କ ସମ୍ପର୍କରେ ତଥ୍ୟ ସଂଗ୍ରହ କରାଯାଇପାରିବ। ୧୫ ଶିଶୁଙ୍କୁ ସୁରକ୍ଷିତ ଭାବେ ସ୍ଥାନାନ୍ତର କରାଯାଇଛି। ସେ ସିଭିଲ ହସ୍ପିଟାଲରେ ଚିକିତ୍ସିତ ହେଉଛନ୍ତି। ଏହି ଘଟଣା ସମ୍ପର୍କରେ ସୂଚନା ପାଇବା ପରେ ମୁଖ୍ୟମନ୍ତ୍ରୀ ଭୁପେନ୍ଦ୍ରଭାଇ ପଟେଲ (Bhupendrabhai Patel) ରାଜକୋଟର ସମସ୍ତ ଗେମିଂ ଜୋନ୍ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି। ସେପଟେ, ଏହି ଘଟଣାରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଗୃହମନ୍ତ୍ରୀ ଅମିତ ଶାହା ସମବେଦନା ଜଣାଇଛନ୍ତି।