RBI ର ବଡ ନିଷ୍ପତ୍ତି: ସାଂସଦ-ବିଧାୟକ ହୋଇପାରିବେ ନାହିଁ ସମବାୟ ବ୍ୟାଙ୍କର ନିର୍ଦ୍ଦେଶକ

ଆରବିଆଇ ଗାଇଡଲାଇନରେ କୁହାଯାଇଛି ଯେ ସହରାଞ୍ଚଳ ସମବାୟ ବ୍ୟାଙ୍କଗୁଡିକରେ MD-WTD ପଦବୀ ପାଇଁ ବିଧାୟକ (MLA), ସାଂସଦ (MP) କିମ୍ବା ମ୍ୟୁନିସିପାଲିଟି କର୍ପୋରେଟରଙ୍କୁ ନିଯୁକ୍ତି ଦିଆଯିବ ନାହିଁ ।

ନୂଆଦିଲ୍ଲୀ: ବିଧାୟକ, ସାଂସଦ କିମ୍ବା ମ୍ୟୁନିସିପାଲିଟି କର୍ପୋରେଟ ପରି ପ୍ରତିନିଧୀମାନେ ଆଉ ପ୍ରାଥମିକ ସହରୀ ସମବାୟ ବ୍ୟାଙ୍କର (Cooperative banks) ପରିଚାଳନା ନିର୍ଦ୍ଦେଶକ କିମ୍ବା ପୂରା ସମୟ ପାଇଁ ନିର୍ଦ୍ଦେଶକ (WTD) ହୋଇପାରିବେ ନାହିଁ । ରିଜର୍ଭ ବ୍ୟାଙ୍କ (Reserve bank) ଶୁକ୍ରବାର ଦିନ ଏହି ନିଯୁକ୍ତିକୁ ବାରଣ କରି ଏହି ପଦବୀ ପାଇଁ ସର୍ବନିମ୍ନ ଯୋଗ୍ୟତା ସ୍ଥିର କରିଛି ।

ଆରବିଆଇ ଗାଇଡଲାଇନରେ (RBI guidelines) କୁହାଯାଇଛି ଯେ ସହରାଞ୍ଚଳ ସମବାୟ ବ୍ୟାଙ୍କଗୁଡିକରେ MD-WTD ପଦବୀ ପାଇଁ ବିଧାୟକ (MLA), ସାଂସଦ (MP) କିମ୍ବା ମ୍ୟୁନିସିପାଲିଟି କର୍ପୋରେଟ ନିଯୁକ୍ତି ଦିଆଯିବ ନାହିଁ । ଏହି ପଦବୀରେ ନିଯୁକ୍ତି ପାଇଁ ସର୍ବନିମ୍ନ ଯୋଗ୍ୟତା (Minimum qualifications) ଆର୍ଥିକ କ୍ଷେତ୍ରରେ ମାଷ୍ଟର କିମ୍ବା ଡିଗ୍ରୀ ଭାବରେ ବିବେଚନା କରାଯିବ ।

ଏହା ବ୍ୟତୀତ ଚାର୍ଟାର୍ଡ ​​ଆକାଉଣ୍ଟାଣ୍ଟ, ଏମବିଏ (ଫାଇନାନ୍ସ) କିମ୍ବା ଡିପ୍ଲୋମା ଇନ୍ ବ୍ୟାଙ୍କିଙ୍ଗ୍ କିମ୍ବା କୋଅପରେଟିଭ୍ ବିଜିନେସ୍ ମ୍ୟାନେଜମେଣ୍ଟରେ ଡିପ୍ଲୋମା ଧାରକମାନେ ମଧ୍ୟ MD-WTD ଭାବରେ ନିଯୁକ୍ତ ହୋଇପାରିବେ । ଆବେଦନକାରୀଙ୍କ ବୟସ ୩୫ ବର୍ଷରୁ କମ୍ ଓ ୭୦ ବର୍ଷରୁ ଅଧିକ ହେବା ଉଚିତ୍ ନୁହେଁ ।

ଅଧିକ ପଢ଼ନ୍ତୁ: ED ର ବଡ ଖୁଲାସା: ଅନିଲ ଦେଶମୁଖ ବାର୍ ମାଲିକଙ୍କ ଠାରୁ ପାଇଛନ୍ତି ୪ କୋଟିରୁ ଅଧିକ ଟଙ୍କା

ଜଣେ ବରିଷ୍ଠ କିମ୍ବା ମଧ୍ୟମ ସ୍ତରୀୟ ପଦବୀରେ ବ୍ୟାଙ୍କିଙ୍ଗ କ୍ଷେତ୍ରରେ ଆଠ ବର୍ଷର ଅଭିଜ୍ଞତା ଥିବା ବ୍ୟକ୍ତି ମଧ୍ୟ ସମବାୟ ବ୍ୟାଙ୍କର MD-WTD ପଦବୀ ପାଇଁ ଯୋଗ୍ୟ ବିବେଚିତ ହେବେ । ପ୍ରତିନିଧୀଙ୍କ ବ୍ୟତୀତ ବ୍ୟବସାୟ କିମ୍ବା ସମବାୟ କମ୍ପାନୀ ପ୍ରତି କୌଣସି ଆଗ୍ରହ ଥିବା ବ୍ୟକ୍ତିଙ୍କୁ ମଧ୍ୟ ଏହି ପଦରେ ନିଯୁକ୍ତ କରାଯାଇପାରିବ ନାହିଁ ।

ସର୍ବାଧିକ ପାଞ୍ଚ ବର୍ଷ ପାଇଁ ନିଯୁକ୍ତି
ଆରବିଆଇ କହିଛି ଯେ ଜଣେ ବ୍ୟକ୍ତିଙ୍କୁ ସର୍ବାଧିକ ପାଞ୍ଚ ବର୍ଷ ପାଇଁ ନିଯୁକ୍ତ କରାଯିବ ଓ ତାଙ୍କୁ ପୁନଃ ନିଯୁକ୍ତ କରାଯାଇପାରିବ । ଯଦିଓ ସମଗ୍ର କାର୍ଯ୍ୟକାଳ ୧୫ ବର୍ଷରୁ ଅଧିକ ହେବ ନାହିଁ । ଯଦି ଆବଶ୍ୟକ ହୁଏ ତେବେ ଏହାକୁ ତିନି ବର୍ଷ ପର୍ଯ୍ୟନ୍ତ ବୃଦ୍ଧି କରାଯାଇପାରେ ।

ସହରୀ ସମବାୟ ବ୍ୟାଙ୍କ ଯିଏ ଏମଡି-ସିଇଓ ଭାବରେ କାର୍ଯ୍ୟକାଳ ପାଞ୍ଚ ବର୍ଷ ପୂରଣ କରିଛି, ପୁନଃ ନିଯୁକ୍ତି କିମ୍ବା ଦୁଇମାସ ମଧ୍ୟରେ ନୂତନ ନିଯୁକ୍ତି ପାଇଁ ଆରବିଆଇ ନିକଟକୁ ଆସିବ । ଯେକୌଣସି ବ୍ୟକ୍ତିର ପୁନଃ ନିଯୁକ୍ତି ପାଇଁ, କାର୍ଯ୍ୟକାଳ ଶେଷ ହେବା ପୂର୍ବରୁ ରିଜର୍ଭ ବ୍ୟାଙ୍କରୁ ଅନୁମୋଦନ ନେବାକୁ ପଡ଼ିବ ।

ଅଧିକ ପଢ଼ନ୍ତୁ: ଟେଷ୍ଟରେ No.3 ନମ୍ବରରେ ବ୍ୟାଟିଂ କରିପାରନ୍ତି ବିରାଟ, ପୂଜାରାଙ୍କ ହେବ ଛୁଟି

ମୁଖ୍ୟ ରିସ୍କ ଅଫିସରଙ୍କ ନିଯୁକ୍ତି ଜରୁରୀ
ଆରବିଆଇ କହିଛି, ୫ ହଜାର କୋଟିରୁ ଅଧିକ ପୁଞ୍ଜି ଥିବା ସମବାୟ ବ୍ୟାଙ୍କଗୁଡ଼ିକୁ ବାଧ୍ୟତାମୂଳକ ଭାବେ ଏକ ମୁଖ୍ୟ ରିସ୍କ ଅଫିସର (CRO) ନିଯୁକ୍ତ କରିବାକୁ ପଡ଼ିବ । ଆହୁରି ମଧ୍ୟ ସମସ୍ତ ସମବାୟ ବ୍ୟାଙ୍କଗୁଡିକ ବିପଦର ମୂଲ୍ୟାଙ୍କନ ପାଇଁ ସଠିକ୍ ବ୍ୟବସ୍ଥା କରିବାକୁ ପଡିବ ।

ବ୍ୟାଙ୍କର ବୋର୍ଡ CRO ର ଭୂମିକା ଓ ଦାୟିତ୍ବ ସ୍ଥିର କରିବ ଓ ନିଶ୍ଚିତ କରିବ ଯେ ସେମାନେ ସ୍ୱାଧୀନ ଭାବରେ ସେମାନଙ୍କର କାର୍ଯ୍ୟ କରିପାରିବେ । CRO ସିଧାସଳଖ ବ୍ୟାଙ୍କର MD-CEO କୁ ରିପୋର୍ଟ କରିବ ।