Rishi Sunak Mocked: ନିଷ୍ଠୁର ରାଜନୀତି! ଭାରତୀୟ ବଂଶଦ୍ଭବ ଋଶି ସୁନାକକୁ ଅପମାନିତ କଲା ବ୍ରିଟ୍ରେନ କମ୍ପାନୀ

Rishi Sunak Mocked, ଲଣ୍ଡନ: ରାଜନୀତି କେତେ ଯେ ନିଷ୍ଠୁର ହୋଇପାରେ ତାହାର ସୀମା ନାହିଁ। ବ୍ରିଟ୍ରେନ ପ୍ରଧାନମନ୍ତ୍ରୀ ନିର୍ବାଚନ ହାରିବା ପରେ ଭାରତୀୟ ବଂଶଦ୍ଭବ ଋଷି ସୁନାକକୁ ଅପମାନିତ କରାଯାଇଛି। ବ୍ରିଟେନର ଏକ ନିଯୁକ୍ତି କମ୍ପାନୀ ଋଷିଙ୍କୁ ନେଇ ଏକ ଲଜ୍ଜାଜନକ ବିଜ୍ଞାପନ ପ୍ରଚାର କରିଛି। ସୁନାକଙ୍କ ଫଟୋ ଛାପି କମ୍ପାନୀ ସେଥିରେ ଆପତ୍ତିଜନକ ଟିପ୍ପଣୀ ଲେଖିଛି। ଯାହାରକୁ ନେଇ ସୋସିଆଲ ମିଡିଆରେ ଝଡ ସୃଷ୍ଟି ହୋଇଛି।  

ପ୍ରଧାନମନ୍ତ୍ରୀ ନିର୍ବାଚନରେ ସୋମବାର ବ୍ରିଟେନର ପୂର୍ବତନ ବୈଦେଶିକ ମନ୍ତ୍ରୀ ଲିଜ ଟ୍ରସ ପୂର୍ବତନ ଭାରତୀୟ ବଂଶଦ୍ଭବ ଅର୍ଥମନ୍ତ୍ରୀ ଋଷି ସୁନାକଙ୍କୁ ପରାସ୍ତ କରିଛନ୍ତି। ଏହା ପରେ ବ୍ରିଟେନରେ ଚାକିରି ଯୋଗାଉଥିବା ସିଭି ଲାଇବ୍ରେରୀ ନାମକ ଏକ କମ୍ପାନୀ ଋଷି ସୁନାକଙ୍କ ଫଟୋ ବ୍ୟବହାର କରି ପ୍ରଚାର ଆରମ୍ଭ କରିଥିଲା। ଚାକିରି ଖୋଜିବା ୱେବସାଇଟ୍ କମ୍ପାନୀ ବ୍ରିଟେନର ପୂର୍ବତନ ଅର୍ଥମନ୍ତ୍ରୀ ଋଷି ସୁନାକଙ୍କ ଫଟୋକୁ ବିଲବୋର୍ଡରେ ଛପି କରି ବ୍ରିଟେନ ରାସ୍ତାରେ ପ୍ରଚାର କରିଥିଲା।

ବିଲ ବୋର୍ଡରେ ଋଷିଙ୍କ ଫଟୋ ସହ ଲେଖାଯାଇଥିଲା ଯେ, ତୁମେ ଚାକିରି ପାଇ ନାହଁ କି? ଏହି ଟ୍ୟାଗଲାଇନ୍ ତଳେ ଏହା ଲେଖାଯାଇଥିଲା, ଆମ ସମସ୍ତଙ୍କ ପାଇଁ ଚାକିରି ଅଛି। ଆପଣଙ୍କ ପାଇଁ କାମ କରୁଥିବା ବ୍ୟକ୍ତିଙ୍କୁ ଖୋଜନ୍ତୁ। ୪୨ ବର୍ଷିୟ ଋଷି ସୁନାକ ପରାଜୟ ପରେ ଟ୍ୱିଟରରେ ସମସ୍ତଙ୍କୁ ଧନ୍ୟବାଦ ଜଣାଇ ଲେଖିଛନ୍ତି, "ମୁଁ ପୁରା ସମୟ କହିଛି ଯେ, କଞ୍ଜରଭେଟିବ୍ ଗୋଟିଏ ପରିବାର। ବର୍ତ୍ତମାନ ସମୟ ଆସିଛି ଯେତେବେଳେ ସେ ନୂଆ ପ୍ରଧାନମନ୍ତ୍ରୀ ଲିଜ ଟ୍ରସଙ୍କ ସହ ଏକଜୁଟ ହେବେ। ଦେଶ ଏହାକୁ ସମୟ ପୂର୍ବରୁ ନେବ।

ସେପଟେ ସିଭି ଲାଇବ୍ରେରୀର ବିଜ୍ଞାପନକୁ ସୋସିଆଲ ମିଡିଆରେ ତୀବ୍ର ନିନ୍ଦା କରାଯାଇଛି। ଜଣେ ଲିଙ୍କଡଇନ ବ୍ୟବହାରକାରୀ ଲେଖିଛନ୍ତି, ସମ୍ବାଦ ବ୍ୟତୀତ, ମୁଁ କେବଳ ଏହି ଅନୁଭବ କରୁଛି ଯେ ଡିଜିଟାଲ ବିଜ୍ଞାପନର ନୂତନ ପଦ୍ଧତି ଅତ୍ୟନ୍ତ ଅବୈଧ? ଅନ୍ୟ ଜଣେ ଯୁଜର ଲେଖିଛନ୍ତି, ଏକ ସ୍କ୍ରିନ ସହିତ ସହରରେ ଏକ ମିନିଭ୍ୟାନ ଚଲାଇ ଟ୍ରାଫିକ୍ ଜାମ୍ କରିବା ଦାୟୀତ୍ୱହୀନତା। ତା’ପରେ ଜଣେ ତୃତୀୟ ବ୍ୟକ୍ତି ଲେଖିଛନ୍ତି, "ଏହା ଅତ୍ୟନ୍ତ ଲଜ୍ଜାଜନକ! ଏଠାରେ ଋଷିଙ୍କ ଫଟୋ ଅଛି, ଯଦି ଏହା ଲିଜ୍ କିମ୍ବା ବୋରିସ୍ ହୋଇଥାନ୍ତେ। ଯଦି ଆପଣଙ୍କ ପିଲା ଚାହୁଁଥିବା ଚାକିରି ନ ପାଆନ୍ତି ତେବେ ଆମେ ହସିବା କି?

ସୂଚନାଯୋଗ୍ୟ, ବୋରିସ ଜନସନଙ୍କ ଇସ୍ତଫା ପରେ ବ୍ରିଟେନର ପ୍ରଧାମନ୍ତ୍ରୀ ପଦ ପାଇଁ ନିର୍ବାଚନ ହୋଇଥିଲା। ପ୍ରଥମେ ଭାରତୀୟ ବଂଶଦ୍ଭବ ଋଷି ସୁନାକ ଏହି ନିର୍ବାଚରେ ଆଗୁଆ ଥିଲେ। କିନ୍ତୁ ଶେଷ ପର୍ଯ୍ୟାୟ ବେଳକୁ ଲିଜ ଟ୍ରସ ବାଜି ମାରିନେଇଥିଲେ। ସୋମବାର ସେ ପ୍ରଧାନମନ୍ତ୍ରୀ ନିର୍ବାଚନରେ ବିଜୟ ହୋଇଛନ୍ତି। ଲିଜ୍ ପ୍ରଧାନମନ୍ତ୍ରୀ ହେବା ପରେ ଓ ପୂର୍ବରୁ ପ୍ରୀତି ପଟେଲଙ୍କ ସମେତ ଏକାଧିକ ମନ୍ତ୍ରୀ ବ୍ରିଟିସ କ୍ୟାବିନେଟରୁ ଇସ୍ତଫା ଦେଇଛନ୍ତି। ଏବେ ଭାରତୀୟ ବଂଶଦ୍ଭବ ସ୍ୱେଲା ଫର୍ଣ୍ଣାଣ୍ଡିଜ୍ ବ୍ରାଭରମ୍ୟାନଙ୍କୁ ନୂତନ ସରକାରରେ ଗୃହମନ୍ତ୍ରୀ କରାଯାଇଛି।