 "Road Accident: ବସ୍-ଟ୍ରକ୍ ମୁହାଁମୁହିଁ ଧକ୍କା, ଘଟଣାସ୍ଥଳରେ ୬ ମୃତ, ଏକାଧିକ ଆହତ")
Road Accident: ବାଟରେ ଛକି ବସିଥିଲା ଜମ। ଭୟଙ୍କର ଦୁର୍ଘଟଣାରେ ଲିଭିଗଲା ୬ ଜୀବନ ଦୀପ। ବସ୍- ଟ୍ରକ୍ ମଧ୍ୟରେ ମୁହାଁମୁହିଁ ଧକ୍କା ହେବାରୁ ଜଳିଗଲା ବସ୍। ଘଟଣାସ୍ଥଳରେ ୬ ଜଣଙ୍କର ମୃତ୍ୟୁ ହୋଇଥିବା ବେଳେ ଏକାଧିକ ଆହତ ହୋଇଛନ୍ତି । ସମସ୍ତ ଆହତଙ୍କୁ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଛି। ପୋଲିସ ଘଟଣାସ୍ଥଳରେ ପହଞ୍ଚି ଛାନଭିନ୍ ଆରମ୍ଭ କରିଛି । କିଭଳି ସ୍ଥିତିରେ ଏହି ଦୁର୍ଘଟଣା ଘଟିଲା ସନେଇ ତଦନ୍ତ ଚଳାଇଛି। ଆନ୍ଧ୍ର ପ୍ରଦେଶର ପାଲନାଡୁ ଜିଲ୍ଲାରେ ଏହି ଭୟଙ୍କର ମର୍ମନ୍ତୁଦ ଦୁର୍ଘଟଣା ଘଟିଛି । ତେବେ, ବସରେ ପାଖାପାଖି ୪୨ ଜଣ ଯାତ୍ରୀ ଥିବା ସୂଚନା ମିଳିଛି। ସମସ୍ତ ମୃତକ ପାଲନାଡୁ ଜିଲ୍ଲାର ବୋଲି ସୂଚନା ମିଳିଛି।
#WATCH | Andhra Pradesh: Six people died after a bus travelling from Chinnaganjam of Bapatla district to Hyderabad collided with a tipper lorry at Varipalem Donka of Chilkaluripet and bus and lorry caught fire. The injured were shifted to Guntur for further treatment:… pic.twitter.com/z3iDQ9jMG2
— ANI (@ANI) May 15, 2024
ସୂଚନା ଅନୁସାରେ, ଗତ ୧୩ ତାରିଖ ଦିନ ପାଲନାଡୁ ଜିଲ୍ଲା ଚିନ୍ନାଗଞ୍ଜାମ ଗାଁରେ ଭୋଟ୍ ଦେଇ ପ୍ରାୟ ୪୨ ଜଣ ଯାତ୍ରୀ ଏକ ବସରେ ହାଇଦ୍ରାବାଦକୁ ଫେରୁଥିଲେ। କିନ୍ତୁ ବିଳମ୍ବିତ ରାତିରେ ବସଟି ହାଇଦ୍ରାବାଦ-ବିଜୟୱାଡା ରାଜପଥରେ ଯାତ୍ରା କରୁଥିବା ବେଳେ ଏକ ଟ୍ରକ୍ ସାମ୍ନାପଟୁ ବସକୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ବସଟି ଜଳି ଯାଇଥିଲା।
ବସରେ ଥିବା ୪ ଜଣ ଯାତ୍ରୀ ଜୀବନ୍ତ ଦଗ୍ଧ ହୋଇଯାଇଥିବା ବେଳେ ଦୁର୍ଘଟଣାରେ ଟ୍ରକ୍ ଓ ବସ୍ ଡ୍ରାଇଭରଙ୍କ ମୃତ୍ୟୁ ଘଟିଛି । ଏ-ହାଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ। ପୋଲିସ୍ ଘଟଣାସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିବା ସହିତ ମୃତଦେହକୁ ଉଦ୍ଧାର କରି ପୋଷ୍ଟ ମଟମ୍ ପାଇଁ ପଠାଇଛି। ତେବେ, ଏହି ଦୁର୍ଘଟଣାରେ ପ୍ରାଣ ହରାଇଥିବା ଲୋକମାନେ ହେଲେ ବସ୍ ଡ୍ରାଇଭର ଅଞ୍ଜି (୩୫), ଉପାଗୁଣ୍ଡୁର କାଶୀ (୬୫), ଉପାଗୁଣ୍ଡୁର ଲକ୍ଷ୍ମୀ (୫୫) ଓ ମୁପ୍ପାରାଜୁ ଖ୍ୟାତି ଶାସ୍ତ୍ରୀ (୮)। ଅବଶିଷ୍ଟ ଦୁଇ ଜଣଙ୍କର ସୂଚନା ଏପର୍ଯ୍ୟନ୍ତ ମିଳିପାରି ନାହିଁ। ଏହି ଦୁର୍ଘଟଣାରେ ୩୨ ଜଣ ଆହତ ହୋଇଥିବା ପୋଲିସ୍ ପକ୍ଷରୁ ସୂଚନା ମିଳିଛି।
)