ଋଷର ଆକ୍ରମଣ ମଧ୍ୟରେ ୟୁକ୍ରେନର ମହିଳାଙ୍କୁ ନେଇ ଚୀନର ବଢ଼ିଛି ଆଗ୍ରହ, ଏହା ହେଉଛି ଏକ କାରଣ

Russia-Ukraine War: 'ଇନସାଇଡର୍'ର ରିପୋର୍ଟ ଅନୁଯାୟୀ, ମେକ୍ ଇନ୍ ସର୍ଭିସ Meilishka ଋଷର ମାଲିକ ପାଭେଲ ଷ୍ଟେପାନେଟସ୍ କହିଛନ୍ତି ଯେ, ପ୍ରତିଦିନ ଚାଇନାରୁ ୫ରୁ ୬ କଲ୍ ୟୁକ୍ରେନ ମହିଳାଙ୍କ ବିଷୟରେ ପଚରାଉଚରା ପାଇଁ ଆସୁଥିଲା, କିନ୍ତୁ ବର୍ତ୍ତମାନ ଏହି ସଂଖ୍ୟା ୧୦-୧୨କୁ ବୃଦ୍ଧି ପାଇଛି । ବର୍ତ୍ତମାନ ଅନେକ ଚୀନର ପୁରୁଷ ୟୁକ୍ରେନ ଝିଅମାନଙ୍କୁ ନେଇ ଆଗ୍ରହ ଦେଖାଉଛନ୍ତି ।

କୀଭ: Russia-Ukraine War: ଋଷ (Russia) ଓ ୟୁକ୍ରେନ (Ukraine) ମଧ୍ୟରେ ଭୀଷଣ ସଂଗ୍ରାମ ଜାରି ରହିଛି । ଏହି ସମୟରେ ଦେଶ ଛାଡ଼ି ଯାଉଥିବା ୟୁକ୍ରେନ ମହିଳାମାନଙ୍କୁ (Ukrainian Women) ନେଇ ଚୀନ (China) ର  ଆଗ୍ରହ ବୃଦ୍ଧି ପାଇଛି । ଚାଇନାରେ ୟୁକ୍ରେନ ମହିଳାଙ୍କ ଚାହିଦା ଦ୍ୱିଗୁଣିତ ହୋଇଛି । ବାସ୍ତବରେ, ଚାଇନାରେ ମହିଳାଙ୍କ ସଂଖ୍ୟା ପୁରୁଷଙ୍କ ତୁଳନାରେ ବହୁତ କମ୍ ଅଛି । ଏଭଳି ପରିସ୍ଥିତିରେ ଚାଇନାର ପୁରୁଷମାନେ ଘର ବସାଇବା ପାଇଁ ଅନ୍ୟ ଦେଶରେ ମହିଳାମାନଙ୍କୁ ଖୋଜନ୍ତି । ମ୍ୟାଚ୍ ମେକିଂ ସେବା ମେଲିସ୍କା (Meilishka) ଅନୁଯାୟୀ, ଗତ ମାସରୁ ୟୁକ୍ରେନ ମହିଳାଙ୍କୁ ନେଇ ଜିଜ୍ଞାସା ଦ୍ୱିଗୁଣିତ ହୋଇଯାଇଛି । ଋଷର ଆକ୍ରମଣ ଯୋଗୁଁ ବହୁ ସଂଖ୍ୟକ ୟୁକ୍ରେନ ମହିଳା ଦେଶ ଛାଡି ଚାଲିଯାଉଛନ୍ତି । ଏହି କାରଣରୁ ସେମାନଙ୍କ ଚୋରା ଚାଲାଣ ଓ ଶୋଷଣର ସମ୍ଭାବନା ମଧ୍ୟ ବୃଦ୍ଧି ପାଇଛି ।

'ଇନସାଇଡର୍'ର ରିପୋର୍ଟ ଅନୁଯାୟୀ, ମେକ୍ ଇନ୍ ସର୍ଭିସ Meilishka ଋଷର ମାଲିକ ପାଭେଲ ଷ୍ଟେପାନେଟସ୍ କହିଛନ୍ତି ଯେ, ପ୍ରତିଦିନ ଚାଇନାରୁ ୫ରୁ ୬ କଲ୍ ୟୁକ୍ରେନ ମହିଳାଙ୍କ ବିଷୟରେ ପଚରାଉଚରା ପାଇଁ ଆସୁଥିଲା, କିନ୍ତୁ ବର୍ତ୍ତମାନ ଏହି ସଂଖ୍ୟା ୧୦-୧୨କୁ ବୃଦ୍ଧି ପାଇଛି । ବର୍ତ୍ତମାନ ଅନେକ ଚୀନର ପୁରୁଷ ୟୁକ୍ରେନ ଝିଅମାନଙ୍କୁ ନେଇ ଆଗ୍ରହ ଦେଖାଉଛନ୍ତି । ସେମାନେ ଜାଣନ୍ତି ଯେ ୟୁକ୍ରେନ ଝିଅମାନେ ଦୁଃଖୀ ଅଛନ୍ତି ଓ ଏକ ସୁରକ୍ଷିତ ସ୍ଥାନ ଭାବରେ ଚୀନକୁ ନେଇ ବିଚାର କରିପାରନ୍ତି । ସେଥିପାଇଁ ଚାଇନାର ପୁରୁଷମାନେ ଭାବନ୍ତି ଯେ ଏହି ଝିଅମାନେ ସେମାନଙ୍କୁ ନିଜର ଜୀବନସାଥୀ କରିପାରନ୍ତି ।

Meilishka ଅନୁଯାୟୀ, ବର୍ତ୍ତମାନ ସ୍ଲାଭିକ୍ ଦେଶଗୁଡ଼ିକରୁ ପ୍ରାୟ ୮୦୦ ଝିଅ ଚାଇନାର ପୁରୁଷଙ୍କ ସହ ସମ୍ପର୍କ ସ୍ଥାପନ କରିବାକୁ ପ୍ରସ୍ତୁତ ଅଛନ୍ତି । ସ୍ଲାଭିକ୍ ଦେଶଗୁଡିକ ମଧ୍ୟରେ ପୋଲାଣ୍ଡ, ଚେକ ରିପବ୍ଲିକ୍, ସ୍ଲୋଭାକିଆ, ଋଷ, ବେଲାଋଷ, ୟୁକ୍ରେନ, କ୍ରୋଏସିଆ, କ୍ରୋଏସିଆ, ବୋସନିଆ ଓ ହେର୍ଜେଗୋଭିନା, ସର୍ବିଆ, ବୁଲଗେରିଆ, ଉତ୍ତର ମାକେଡୋନିଆ, ମୋଣ୍ଟେନେଗ୍ରୋ ଏବଂ ସ୍ଲୋଭେନିଆ ସାମିଲ ରହିଛି । ଷ୍ଟେପନେଟ ରିପୋର୍ଟ କରିଛି ଯେ ଚାଇନାର ପୁରୁଷମାନେ ପୂର୍ବ ୟୁରୋପୀୟ ମହିଳାଙ୍କୁ ପସନ୍ଦ କରନ୍ତି କାରଣ ସେମାନେ ସ୍ଥାନୀୟ ମହିଳାଙ୍କ ତୁଳନାରେ କମ୍ ଟଙ୍କା ଡିମାଣ୍ଡ ବା ଦାବି କରନ୍ତି ।

ଏହା ବି ପଢ଼ନ୍ତୁ:-କ’ଣ ପାଇଁ ପାଳନ କରାଯାଏ ହୋଲି ? ଜାଣନ୍ତୁ ଏହାର ଇତିହାସ

ଏହା ବି ପଢ଼ନ୍ତୁ:-ରାଷ୍ଟ୍ରପତି ନିର୍ବାଚନକୁ ନେଇ ମମତା କଲେ ବଡ଼ ଦାବି, କହିଲେ-ଖେଳ ଏଯାଏଁ ଶେଷ ହୋଇନି 

ଏହା ବି ପଢ଼ନ୍ତୁ:-କୋରୋନାକୁ ନେଇ ପୁଣି ବଡ଼ ଚେତାବନୀ ଜାରି କଲା WHO

ଚୀନରେ ସୁନ୍ଦର ଝିଅମାନଙ୍କୁ ବିବାହ କରିବା ପୁରୁଷର ସଫଳତାର ପ୍ରତୀକ ଭାବରେ ଦେଖାଯାଏ । ଷ୍ଟେପାନେଟସ୍ କହିଛନ୍ତି ଯେ ୟୁକ୍ରେନ ମହିଳାମାନେ ଦୁନିଆର ସବୁଠାରୁ ସୁନ୍ଦର ବୋଲି ମନେ କରାଯାଏ । ତେଣୁ ଋଷର ଆକ୍ରମଣ ମଧ୍ୟରେ ଚୀନରେ ସେମାନଙ୍କର ଚାହିଦା ବୃଦ୍ଧି ପାଇଛି । ଉଲ୍ଲେଖନୀୟ କଥା ହେଉଛି ୧୯୮୦ ଦଶକରେ ଲାଗୁ କରାଯାଇଥିବା ଗୋଟିଏ ଶିଶୁ ନୀତି ଚାଇନାରେ ଲିଙ୍ଗ ଅନୁପାତକୁ ବିଗାଡ଼ି ଦେଇଥିଲା, ଯାହା ଏପର୍ଯ୍ୟନ୍ତ ବିଶେଷ ଉନ୍ନତି ହୋଇନାହିଁ । ପ୍ରତିବର୍ଷ ଲକ୍ଷ ଲକ୍ଷ ଚାଇନିଜ୍ ପୁରୁଷ ନିଜ ପାଇଁ ଝିଅ ଖୋଜିବା ପାଇଁ ବିଦେଶ ଯାଆନ୍ତି ।