Dearness Allowance: କେନ୍ଦ୍ରୀୟ କର୍ମଚାରୀଙ୍କୁ ଝଟକା! ସରକାର ନେଲେ ବଡ ନିଷ୍ପତ୍ତି

Dearness Allowance News: କେନ୍ଦ୍ର ସରକାର କୋରୋନା ମହମାରୀ ସମୟରେ କେନ୍ଦ୍ରୀୟ କର୍ମଚାରୀଙ୍କୁ ମହଙ୍ଗା ଭତ୍ତା ଏବଂ ପେନସନଭୋଗୀଙ୍କୁ ମହଙ୍ଗା ରିଲିଫ୍ ପ୍ରଦାନ ଉପରେ ପ୍ରତିବନ୍ଧକ ଲଗାଇଥିଲେ।

Govt Of India On Dearness Allowance: କେନ୍ଦ୍ର ସରକାରଙ୍କ ପକ୍ଷରୁ କେନ୍ଦ୍ରୀୟ କର୍ମଚାରୀଙ୍କୁ ମିଲିଛି ଜବରଦସ୍ତ ଝଟକା। କେନ୍ଦ୍ର ସରକାର ଲୋକସଭାରେ କହିଛନ୍ତି ଯେ କୋରୋନା ମହାମାରୀ ସମୟରେ କେନ୍ଦ୍ରୀୟ କର୍ମଚାରୀ ଏବଂ ପେନସନଭୋଗୀଙ୍କୁ ୧୮ ମାସର ମହଙ୍ଗା ଭତ୍ତା ଦିଆଯିବ ନାହିଁ। କେନ୍ଦ୍ର ଅର୍ଥ ରାଷ୍ଟ୍ରମନ୍ତ୍ରୀ ପଙ୍କଜ ଚୌଧୁରୀ ଏକ ଲିଖିତ ପ୍ରଶ୍ନର ଉତ୍ତରରେ ଦେଇଛନ୍ତି ଯେ କେନ୍ଦ୍ରୀୟ କର୍ମଚାରୀ ଏବଂ ପେନସନଭୋଗୀଙ୍କୁ ମହଙ୍ଗା ଭତ୍ତା ଏବଂ ମହଙ୍ଗା ଆଶ୍ୱସ୍ତିର ୩ କିସ୍ତି ବକେୟା ଦେବାର କୌଣସି ଯୋଜନା ନାହିଁ। କେନ୍ଦ୍ରମନ୍ତ୍ରୀ କହିଛନ୍ତି ଯେ କେନ୍ଦ୍ର ସରକାରଙ୍କ ବିଭିନ୍ନ କର୍ମଚାରୀ ଏବଂ ପେନ୍‌ସନ୍‌ଭୋଗୀ ସଙ୍ଗଠନ ୧୮ ମାସର DA ଏବଂ DR ଜାରି କରିବାକୁ ସରକାରଙ୍କ ନିକଟରେ ଅନେକ ଆବେଦନ କରିଛନ୍ତି।

କେନ୍ଦ୍ର ସରକାର (Govt Of India) କୋରୋନା ମହମାରୀ (Corona Pandemic) ସମୟରେ କେନ୍ଦ୍ରୀୟ କର୍ମଚାରୀଙ୍କୁ ମହଙ୍ଗା ଭତ୍ତା (Dearness Allowance) ଏବଂ ପେନସନଭୋଗୀଙ୍କୁ ମହଙ୍ଗା ରିଲିଫ୍ (Dearness Relief) ପ୍ରଦାନ ଉପରେ ପ୍ରତିବନ୍ଧକ ଲଗାଇଥିଲେ। କେନ୍ଦ୍ର ଅର୍ଥ ରାଷ୍ଟ୍ରମନ୍ତ୍ରୀ ପଙ୍କଜ ଚୌଧୁରୀ (Union Minister of State Finance Pankaj Chaudhary) କହିଛନ୍ତି ଯେ, ୨୦୨୦ ଜାନୁଆରୀ ୧ ତାରିଖରୁ ୧ ଜୁଲାଇ ଏବଂ ୨୦୨୧ ଜାନୁୟାରୀ ୧ ତାରିଖରେ ପ୍ରଦାନ କରାଯିବାକୁ ମହଙ୍ଗା ଭତ୍ତା ପ୍ରଦାନକୁ ରୋକିବାକୁ ନିଆଯାଇଥିବା ନିଷ୍ପତ୍ତି କୋରୋନା ମହାମାରୀ କାରଣରୁ ହୋଇଥିବା ଆର୍ଥିକ ବ୍ୟାଘାତ କାରଣରୁ ନିଆଯାଇଛି। ଯାହା ଦ୍ୱାରା ସରକାରଙ୍କ ଉପରେ ପଡ଼ଥିବା ଆର୍ଥିକ ବୋଝକୁ ହ୍ରାସ କରାଯାଇ ପାରିବ। ସରକାର ଏହା ମାଧ୍ୟମରେ ୩୪,୪୦୨.୩୨ କୋଟି ଟଙ୍କା ସଞ୍ଚୟ କରିଛନ୍ତି।

କେନ୍ଦ୍ର ଅର୍ଥ ରାଷ୍ଟ୍ରମନ୍ତ୍ରୀଙ୍କ କହିବା ଅନୁସାରେ କୋରୋନା ସମୟରେ କେନ୍ଦ୍ର ସରକାରଙ୍କୁ କଲ୍ୟାଣକାରୀ ଯୋଜନା ପାଇଁ ବହୁ ଅର୍ଥ ଖର୍ଚ୍ଚ କରିବାକୁ ପଡ଼ିଥିଲା। ଏହାର ପ୍ରଭାବ ୨୦୨୦-୨୧ ଏବଂ ଏହା ପରେ ମଧ୍ୟ ଅନୁଭୂତ ହୋଇଛି। ସରକାର ସ୍ପଷ୍ଟ କରିଛନ୍ତି ଯେ ବର୍ତ୍ତମାନ ବଜେଟ ନିଅଣ୍ଟ FRBM ଅଧିନିୟମ (Budget Deficit FRBM Act) ତୁଳନାରେ ୨ ଗୁଣ ରହିଛି। ଏହି କାରଣରୁ ମହଙ୍ଗା ଭତ୍ତା ପ୍ରଦାନ କରିବାକୁ ପ୍ରସ୍ତାବ ଦିଆଯାଉନାହିଁ। ଏଥିରୁ ଏହା ସ୍ପଷ୍ଟ ହୋଇଛି ଯେ ଏହି ଖବର ଦ୍ୱାରା କୋଟି କୋଟି ସରକାରୀ କର୍ମଚାରୀ ଆଶ୍ଚର୍ଯ୍ୟ ହୋଇଯାଇଛନ୍ତି। ବକେୟା ପାଇବାକୁ ରହିଥିବା ସେମାନଙ୍କ ଆଶା ନଷ୍ଟ ହୋଇଯାଇଛି। କେନ୍ଦ୍ରୀୟ କର୍ମଚାରୀ ସେମାନଙ୍କର ବକେୟା ମହଙ୍ଗା ଭତ୍ତା ରାଶି ପାଇଁ ଦୀର୍ଘ ସମୟ ଧରି ଅପେକ୍ଷା କରି ରହିଥିଲେ। କେନ୍ଦ୍ର ସରକାର ଏହା ଉପରେ ଶୀଘ୍ର ନିଷ୍ପତ୍ତି ନେବାକୁ ସେମାନେ ଦାବି କରୁଥିଲେ।

ଗୁରୁତ୍ୱପୂର୍ଣ୍ଣ କଥା ହେଉଛି, ଦୀପାବଳିର ଏକ ମାସ ପୂର୍ବରୁ ମୋଦି ସରକାର କେନ୍ଦ୍ରୀୟ କର୍ମଚାରୀଙ୍କୁ ଏକ ବଡ଼ ଉପହାର ଦେଇଥିଲେ। କେନ୍ଦ୍ର ସରକାର କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତାକୁ ୪ ପ୍ରତିଶତ ବୃଦ୍ଧି କରିଥିଲେ। ପୂର୍ବରୁ କେନ୍ଦ୍ରୀୟ କର୍ମଚାରୀଙ୍କୁ ୩୪ ପ୍ରତିଶତ ମହଙ୍ଗା ଭତ୍ତା ମିଳୁଥିଲା। ଯାହା ବର୍ତ୍ତମାନ ୩୮ ପ୍ରତିଶତକୁ ବୃଦ୍ଧି ପାଇଛି। କେନ୍ଦ୍ର ସରକାର ବ୍ୟତୀତ ଝାଡଖଣ୍ଡ, ଛତିଶଗଡ, ହରିୟାଣା, ଉତ୍ତର ପ୍ରଦେଶ, କର୍ଣ୍ଣାଟକ, ପଞ୍ଜାବ ଏବଂ ଆସାମ ସରକାର ସେମାନଙ୍କ କର୍ମଚାରୀଙ୍କ ମହଙ୍ଗା ଭତ୍ତା ବୃଦ୍ଧି କରିବାକୁ ଘୋଷଣା କରିଛନ୍ତି।