'ଆମେରିକାର ସେନାରେ ସାମିଲ ହେଲେ ଷ୍ଟିଭ୍ ସ୍ମିଥ୍', ସୋସିଆଲ ମିଡିଆରେ ଭାଇରଲ ହେଉଛି ଏହି ଫଟୋ

ନୂଆଦିଲ୍ଲୀ: ତାଲିବାନୀ ଆତଙ୍କବାଦୀ ସଂଗଠନ ଆଫଗାନିସ୍ତାନର ସମଗ୍ର ଅଞ୍ଚଳକୁ କବଜା କରି ନେଇଛି । ଏହି ଦେଶରୁ ତାଲିବାନର (Taliban) ବର୍ବରତା ପ୍ରତିଦିନ ସାମ୍ନାକୁ ଆସୁଛି । ଏହି ସମୟରେ ଆମେରିକା ସେନା (U.S. Army) ଆଫଗାନିସ୍ତାନରେ ଉଦ୍ଧାର କାର୍ଯ୍ୟ ଜାରି ର୍କଖିଛି । ଆଫଗାନିସ୍ତାନରେ (Afghanistan) ନିୟୋଜିତ ଥିବା ଜଣେ ଆମେରିକା ସୈନିକଙ୍କ ଫଟୋ ସୋସିଆଲ ମିଡିଆରେ ବର୍ତ୍ତମାନ ସମୟରେ ଜୋରଦାର ଭାବରେ ଭାଇରାଲ ହେବାରେ ଲାଗିଛି ।

'ଦେଖିବାକୁ ମିଳୁଛି ଷ୍ଟିଭ୍ ସ୍ମିଥଙ୍କ ଏକ ଇମୋସନାଲ ଲୁକ୍'
ବାସ୍ତବରେ ଏହା ଏକ ଆମେରିକା ସେନା ଯବାନଙ୍କ ଫଟୋ ଯାହା ସୋସିଆଲ ମିଡିଆରେ (Social Media) ଭାଇରାଲ ହେଉଛି । ତାଙ୍କ ଚେହେରା ଅଷ୍ଟ୍ରେଲିଆର କିମ୍ବଦନ୍ତୀ ବ୍ୟାଟ୍ସମ୍ୟାନ୍ ଷ୍ଟିଭ ସ୍ମିଥଙ୍କ (Steve Smith) ଭଳି । ଏହି ଫଟୋ ସୋସିଆଲ ମିଡିଆରେ ହଇଚଇ ସୃଷ୍ଟି କରିଛି ଓ ଲୋକମାନେ ଦାବି କରିଛନ୍ତି ଯେ ଷ୍ଟିଭ ସ୍ମିଥ ବର୍ତ୍ତମାନ ଆମେରିକୀୟ ସେନାରେ ଯୋଗ ଦେଇଛନ୍ତି ।

ଆମେରିକା ସେନା ଜାରି ରଖିଛି ଉଦ୍ଧାର କାର୍ଯ୍ୟ
ଆମେରିକାର ସେନା ଏଠାରେ ଉଦ୍ଧାର ଜାରି ରଖିଛି ଓ ଜଣେ ଆଫଗାନିସ୍ତାନ ଶିଶୁ ମଧ୍ୟ ଜଣେ ଆମେରିକାର ଯବାନଙ୍କ କୋଳରେ ଦେଖିବାକୁ ମିଳିଛି । ଯାହାର ଫଟୋକୁ ଷ୍ଟିଭ ସ୍ମିଥ ବୋଲି କୁହାଯାଉଛି । ଏହି ଫଟୋ ଦେଖିବା ପରେ ଜଣେ ଉପଭୋକ୍ତା ଲେଖିଛନ୍ତି ଯେ ଆମେରିକାର ସେନାରେ ସ୍ମିଥ କ’ଣ କରୁଛନ୍ତି? ଏଥି ସହିତ, ଅନ୍ୟ ଜଣେ ଉପଭୋକ୍ତା ଲେଖିଛନ୍ତି ଯେ ଆଫଗାନିସ୍ତାନ ପାଇଁ ସେବାରେ ଥିବାରୁ ସ୍ମିଥ ଆଇପିଏଲ ଛାଡି ପାରନ୍ତି ।

ଅଧିକ ପଢ଼ନ୍ତୁ: ବ୍ୟବସାୟ ବଢ଼ାଇବାକୁ ଚାହୁଁଛନ୍ତି? ଫେସବୁକରୁ ନିଅନ୍ତୁ ୫୦ ଲକ୍ଷ ଟଙ୍କା ପର୍ଯ୍ୟନ୍ତ ଲୋନ, ଜାଣନ୍ତୁ ଡିଟେଲ୍ସ 

IPL ରେ ଖେଳିବେ ଆଫଗାନିସ୍ତାନ ଖେଳାଳି?
ବର୍ତ୍ତମାନ ସମୟରେ ଆଫଗାନିସ୍ତାନରେ ଯେଉଁ ପ୍ରକାର ପରିସ୍ଥିତି ଅଛି ତାକୁ ଦେଖି ପ୍ରତ୍ୟେକ କ୍ରିକେଟ୍ ପ୍ରଶଂସକଙ୍କ ମନକୁ ଆସୁଥିବା ଏକମାତ୍ର ପ୍ରଶ୍ନ ହେଉଛି ଆଫଗାନିସ୍ତାନର ଖେଳାଳିମାନେ ଚଳିତ ବର୍ଷ ଆଇପିଏଲର ଦ୍ୱିତୀୟ ସିଜିନରେ ଖେଳିବେ ତ? ଏହି ପ୍ରଶ୍ନର ଉତ୍ତରରେ ବିସିସିଆଇ ସୂତ୍ର କହିଛି ଯେ ଏହା ଉପରେ ପ୍ରତିକ୍ରିୟା ରଖିବା ଶୀଘ୍ର ହୋଇଯିବ, କିନ୍ତୁ ଆମେ ନଜର ରଖିଛୁ । ଆଶା କରାଯାଉଛି ଯେ ରସିଦ ଖାନ, ମହମ୍ମଦ ନବୀ ଓ ଅନ୍ୟ ଖେଳାଳିମାନେ ମଧ୍ୟ ଆଇପିଏଲରେ ଭାଗ ନେବେ ।